طبعا هاي الجامعه قبولها خاص وبأمتحان بقيت فتره اروح امتحن بتربيه بنات امتحانات تدريبيه على امتحان القبول بالجامعه وبعد فتره امتحنت وانقبلت هندسه معماري من لحظه شفت الجامعه حسيت حياتي راح تتغير وحسيت نفسي كبرت وراح أبدي اتخذ قرارات من لحظه ما اختاريت اختصاصي لكن ما جنت مخليه بالي قلبي راح ينبض بهالمكان حضرت وجهزت كلشي للدوام
الْيَوْمَ هذا غير كل حياتي رحت اني وماما للجامعه دا اقدم اوراقي الثبوتيه ومستمسكات حتى أداوم دخلنا بممر دنريد نعرف وين مكان التسجيل شفنا ولد ماما سألته اخذنا وگال اني أستاذ هو شاب صغير محمد اسمه ماما كلش حلوه وإني أطول منها فالناس يتوقعونا خوات مو ام وبنتها المهم دخلنا للغرفه شفت بيها ٤ ولد ويا الاستاذ ٥ مركزت بشكلهم المهم سلمنا الاوراق وكل التفاصيل ورا فتره بدا الدوام داومت اول يوم حسيت بغربه ماعندي احد اعرفه كعدت على مصطبه ورا معرفت شعبتي وعرفت كم بنيه طلعت كعدت على مسطبه دا اتفرج كدامي صدفه شفت واحد صافن بوجهي وكاعد على مسطبه بالاول متوقعت ديباوعلي توقعت مثلي ديتفرج بس حسيته لح وغير مكانه صار كدامي هو الهيئه العامه لشكله حلوه مشفته زين ولا دققت من حسيته لح تجاهلته لذلك مشفت ملامحه زين المهم بقيت أداوم يوميه وهالشخص يوميه اشوفه گبالي بعدين انتبهت هو بقسمي من تعرفت على طلاب وطالبات بالقسم بمراحل اكبر مني عن طريق الخط وعن طريق خوات أو اخوة صديقاتي المهم اني كارهته كلش لان ديلح حتى من اطلع من الحمامات اشوفه گبالي يباوعلي ومبتسم احسه ديستهزء بيه صارت عندي صديقات فد يوم اجتمعوا الاتحاد بقاعه رحنا دخلو الي بالاتحاد واحد ورا الخ اخر شي دخل هو اني ما ادري بي هو بالاتحاد گلت شكد لزگه ومكروه كعدنا وطلاب الاتحاد هم كعدوا مقابلنا اني يمكن جنت بالسره الرابع كاعده بنص صديقاتي دنسمع شديحجون هو منتچي ومرجع الكرسي شويه ورا شويه صارت عيني بعينه جان يسويلي حركه على شكل قلب بأيده طبعا أكيد هوايه شافو بس ضاعت لان ممبين على منو بس اني وصديقتي الي بصفي عرفنا عليه اني ابتسمت لان الحركه مثل الحراميه جريئه وسريعه
خلصنا وطلعنا دخلنا محاضره اني كاعده من جهة الشباك مركزه بالمحاضره تعبت دا اتمطه شويه أيدي تشنجت جنت اكتب رفعت راسي دا اباوع من الشباك شفته واكف منتجي ديتفرج عليه ودزلي بوسه هوائيه اني غلست وانداريت مهتميت لان راسي معبه من ورا بت عمي الي جانت صف ثالث بابو جامعه بغداد إنّو الولد كلهم بالجامعه كذابين بس صداقه وتگضية وقت يريدون اني هم مخليه هالحجايه برأسي هوايه اجوني بحجة معجبين وحبيتج وإني أصد جنت دائما اكعد على مسطبتي المفضله اقرأ وصديقتي ويايه طبعا هو مگابلني يرفع تك رجله على المصطبه ويبقى مبتسم ويسوي حركات اني متجاهلته مره سوالي حركه عود شلعت قلبه طبعا اني اريد اضحك بس لابسه قناع الجديه هو عنده أصدقاء هوايه بالقسم حتى بشعبتي مرات اذا ما اطلع أبقى بالشعبه يجي بحجة على الولد يكعد بالقاعه اني من اشوفه اطلع لان اخاف احد يحس وعبالهم عندي علاقه بي. ويوم اني وصديقاتي طلعنا للبارك كعدوا على سياره دنراجع امتحان اني جنت واگفه اجيت كعدت وياهم دكت انذار اخترعنا اني فزيت خليت أيدي على قلبي ودنضحك صديقتي اندارت جان تگلي لج هذا ديضحك گتلها منو گالت ابو عين زايغه إنداريت شفته يضحك ويأشر بيده مفتاح عرفنا هاي سيارته اني صدگ ضجت گلت هسه هذا ميصدگ مندري هاي سيارته المهم كعدنا بمكان قريب على السياره إجى هو فتح السياره وشغل أغنية عمرو حبيبي ولا على بالوا اني تنرفزت لان صار عندي خلل بداخلي دا احس ديأثر عليه مرت الأيام والحال نفسه وحركات واشارات دا انتظر فد يوم الخط تأخر علينا احنه ٤ بنات طبعا صديقاتي الي بشعبتي راحوا بقيت وحدي لان البنات الي ويايه بنفس منطقتي لكن بغير أقسام و٢ اكبر مني كعدت انتظر مليت طلعت ملازمي مدنگه راسي دا اقرأ حسيت بخيال فوگ راسي رفعت راسي شفته فوگايه رأسا بدون مقدمات يعني شلون مراح تحسين ترى تعبت اني هلگد ما تفاجئت گتله وانت منو اني حتى اسمك ما اعرفه ولا انت تهمني وكافي هالحركات ترى ما احبها كمت وعفته هو بقى واگف
