اني بهاللحظات قلبي يدگ من الخوف وبنفس اللحظه حسيت عندي ضعف كدامه المهم ورا هذا الْيَوْمَ مشفته اسبوع بحيث حسيت اكو شي ناقص بيومي بالجامعه لان هو مگابلني صار عندي احساس غريب حسيت بغيابه اشتاقيت لحركاته وضحكته بهالأيام حسيت عندي مشاعر تجاه هالشخص ورا مخلص الاسبوع داوم اني نزلت من الخط بعدني هسه منزله رجلي رفعت راسي شفت واحد بعد كم متر مبتسم اني بداخلي فرحت من شفته مشيت دا اروح للمحاضره مشى ورايه ويحجي انت حبيبتي وراح تصيرين الي اني دا ابتسم هو مديشوفني لان مخلي مسافه بينا مرت ايّام وهو يزيد مينقص وإني بدت مشاعري تتحرك كعدت بيوم متأخره وعندي امتحان والخط رايح والدي گلي اني اوصلج لتقلقين بدلي اني هم بدلت وصلني نزلت دا ادخل شفت طلاب واگفين من شافوني واحد گلهم خلي اگله لبرهم اجتي مداومه ام عيون حراگه اني من سمعت هيج تخبلت گلت هذا فاضحني ومكذب عليهم يمكن وگايللهم عندي علاقه بيها طبعا اني عرفت الحجي عليه من حجايه ام عيون حراگه لان هو يسمعنياها دائما من امر تخبلت وكمت ابجي دخلت امتحنت وطلعت وراها مدخلت محاضرتين من البجي وصديقتي خلي يولي بابا لتهتمين گتلها شلون وهذولي كلهم عرفوني من دخلت نهاية الدوام شفته هو حس بيه باجيه وبَقى يباوعلي قلقان دا انتظر الخط شفته باقي وتقريبا السنتر فارغ بس ألي خطهم سياره صغيره دينتضرون اني دا أغلي من موقف الْيَوْمَ وكارهته باوعتله بحقد جان يحرك شفايفه من بعيد شبيج اني نزلت راسي دا اباوع على الساعه بس اريد ارجع للبيت شلت راسي شفته قريب بعد كم متر گلي اريد احجي وياج اني قنينة غاز ونفجرت گتله تعال مشيت بمكان محد يشوفنا واگفين سوه گتله شوف اذا ادري بيك حاجي عليه حجايه وحده أو مألف موضوع متلوم الا نفسك اني ابويه يشتغل بمكان حساس يعني اخلي ينفيك گلي انت فاهمه غلط گتله كلمه زيادة ما اريد اسمع گلي لا تسمعين مو بكيفج اني احبج وهذولي يدرون لان اكو ولد حجى گدامي گال هاي البنيه جگد عاجبتني وإني گتله هاي تخصني بالحلال وكدامهم كلهم حتى محد يتعرضلج ولا احد يخليج باله طبعا اني دا امشي وهو يمشي ورايه وديحجي نداريت على گتله ومنو گلك اني اقبل بيك گلي ترى انت كلش مغروره ترى اني هم ابويه واصل وابن ناس وألف وحده تتمناني گتله لعد روح على الي يتمنوك اني مو منهم گلي شسوي غير قلبي مشيني ورا حبيبه اني الصدگ حسيت نفسي فرغت عصبيتي ورتاحيت هو أسلوبه حلو امتص كل غضبي طبعا رجعت لنفس المكان دا اكعد چان يگلي بدلي للخط اني مو يوميه رجلي واكعه انتظرج لحد ميجيج الخط اني فتحت عيني يعني هو مديروح من وكت علمودي يبقى يخاف عليه غمزلي وراح وگف يم سيارته اني ما جنت منتبهه لهشي الْيَوْمَ نبهني إجى الخط رجعت للبيت اول شي حسيت بي گمت بدون وعي اسمع الاغاني الي يغنيلياها وأشتاق
