رواية|| فى الحلال

الحلقة الاولى

انا قريت رواية حلوة وعجبتني قلت انزلها لاجل الكل يستفيد منها ويااااارب تعجبكم<<<..
______________

‎في كافيتريا كلية الهندسه يجلس إسلام وصديقه محمد ...

‎إسلام بهدوء :

‎- عرفتها من ع النت

‎زفر محمد بضيق قائلا :

‎- - نعــــــم !! وهو إحنا من الناس دي برضو يا إسلام ؟ !!

‎- يابني إصبر هفهمك ، انا بتكلم معاها عادي خالص والله ومش بنقول حاجه حرام ، كله كلام عام كـ تعارف يعني

‎محمد بلوم :

‎- بس مش إحنا اللي نلعب ببنات الناس يا إسلام !!

‎رفع حاجبه متعجبا وقال :
-
‎- - وهو حد قالك إني بلعب بيها ،، عيييب يا محمد أخوك راجل برضو ،، كل الحكاية بس إني لازم اتعرف عليها كويس قبل ما أتقدملها

‎محمد بتعجب :
-
‎- - تتقدملها ؟!!

‎- أيووه يابني امال انا بقول إيه من الصبح ،، البنت اللي هتجوزها لازم أكون عارف دماغها وتفكيرها كويس ، علشان كده قلت اتعرف عليها الأول ع النت وأفهم دماغها بعدين أروح اتقدملها إن شاء الله

‎- طيب وإنت عرفت إزاي بقي إن دي ممكن تكون مناسبه ليك ؟!!

‎إبتسم إسلام قائلا :
-
‎- - بصراحه كده هي كانت معانا فـ جروب ( نقاشات حره ) وباين عليها دماغها حلوه وكمان باين عليها محترمه

‎نظر إليه بتعجب قائلا :
-
‎- - باين عليها امممم طب وهي لو كانت محترمه كانت هترضي تتكلم معاك كده ؟!!

‎إنتفض إسلام من مكانه وضرب الطاولة بقوه وهو يقول :

‎- محــــــــــــمد انا مسمحلكش ، يا تتكلم عنها عدل يأما تسكت ، فــــــــاهم

‎محمد بضيق :
-
‎- خلاص يا عم إنت حر ، يلـا علشان المحاضره قربت تبدأ .

________________________

‎وفي المبني المقابل أمام قاعه 23 بكلية التربيه تجلس سلمي وصديقاتيها ،

‎نظرت سلمي إلي صديقاتيها بضيق قائله :
-
‎- - يا جدعان انا مش فاهمه حاجه من البوتري ده هو انا بفهم شعر عربي لما هفهم شعر إنجليزي ، انا كان مالي ومال قسم إنجليزي بس ياربي ، ماكان قدامي أقسام تانيه كنت دخلتها وخلاص