الحلقه الثلاثون :
- فرحنا بعد 3 أيام يا سلمتي بقـــــــي
قالها إسلام عندما إتصل علي سلمي في الصباح الباكر ليمرح معها قليلا قبل ذهابه للعمل ، أجابته علي الفور :
- سلمتك قاعده زعلانه بقالها 10 أيام علشان مش بتشوفك يا أستاذ ؟ تكتب الكتاب وتختفي كده يعني ؟ ماشي ماشي والله لما أشوفك
أخذ يضحك قليلا ثم قال :
- سلمتي شكلها كده قلبها بني او إسود لسه مش محدد بصراحه ، بس أوعدك لما اشوفك يوم الفرح هنسيكي كل حاجه ضايقتك بإذن الله ، المهم يا ستي بقي أنا إتصلت دلوقتي علشان أخذ منك شحنة سعاده وتفاؤل كده قبل ما أروح شركتي الغاليه اللي نفسي أفجرها دي
تنهدت بسعاده وقالت :
- ربنا يكرمك يا إسلام ويرفع قدرك ويسعدك دايمـــا يــــــارب
إبتسم للمرآه قائلا بأريحيه :
- إدعيلي كتيـــر اوي يا سلمي الله يخليكي
- بدعيلك من غير ماتقول والله
- قشطه بقـــــــي ، يلا همشي بدل ما أتاخر والمدير يلسوعني وأجيلك الفرح متلسوع والناس تضحك عليا وعيب كده أصلـــا وهيكون شكلي وحش والنـاس ...
قاطعته علي الفور :
- إسلــــــــام مالك يا حبيبي ؟ إنت كويس ؟
أجابها بتأثر مصطنع :
- الحمد لله إنك لحقتيني يا سلمي ، الشريط سف باين وكنت هفضل كده للصبح
ثم إنتبه فجأة وقال :
- بس إيه اللي انا سمعته ده ؟ إنتي قولتي حبيبي صح ؟!!
أجابته بمكر :
- انا ؟ فين ؟
- مش مركز بس انا حاسس إني سمعت كده
وضعت يدها علي فمها محاوله كتم ضحكاتها وقالت :
- طب هاتلي دليل
قال بتعجب :
- أجيبلك دليل أزاي يعني ؟!!
ضحكت بخبث وقالت :
- مش معاك دليل يبقي ماينفعش تتهم بنات الناس المحترمه بحاجه حلال زي دي يا أستاذ ، ويلا بقي علشان الساعه تسعه إلا ربع وهتتأخر علي الشغل
نظر في ساعته وأومأ مؤكدا :
- أيـــوه والله هتأخر فعلا ، يلا السلام عليكم بقي
- وعليكم السلام ورحمه الله وبركاته
__________________________
- كده بقي ظبطنا كـــل حاجه
قالها إسلام في اليوم التاني عندما إتصل بسلمي ليخططا معا تجهيزات عرسهما ، فأجابته علي الفور :
أنت تقرأ
رواية|| فى الحلال
Misterio / Suspensoقعدت أفكر كتير في المقدمه وشكلها وكلماتها ومعرفش إيه ،، وفي الآخر قولت نخلي البساط أحمدي وهقولكم علي اللي جوايا وبس . مبدأيا كده انا كنت قاعده في أمان الله وفجأة حسيت إني جوايا حاجات كتير حابه أتكلم فيها ، حسيت إن ممكن حد يكون محتاج اللي هقوله ده...
