#رواية_آســــــــف_جــــــــــدا
#للـكـــاتــبة_ومــيــض_الـلــيـــل
#البــــــــــــارت_الثالث
وراء كـل شـخـص عـصـبـي قـلـب حنـــون💚
فتحت عيونها بتعب وفيه اصوات ما خلتهاش ترقد ناضت وعدلت سريرها وشافت لساعة لقتها 7:33
سمعت صوت سجى وباين انها ادور ع شيء طلعت من الدار واذكرت رمزي ورجعت بسرعة وخدت وشاحها وطلعت ومشت للكوجينه
سجى "واقفة بعصبية " انا من الصبح ندور فيه وهوا عندك
سناء" مقعمزة تفطر ,بملل" باه بشوى. "مدتلها نقالها " هاك
سجى" خداته وع طول شافت لرصيد وشهقت وشافت لسناء بعصبية" هي وين الرصيد انا امس عبيته
سناء" وقفت" كنت نكلم ف صاحبتي
سجى: كل هذا كلام مع صاحبتك
سناء: أي
سجى" شافت لساعة وشهقت " ايييه وقت. "لفت ولقت ميار واقفة"
ميار" كعادتها ما تتكلمش الا لما تحس انهم انتبهولها بابتسامة" صباح الخير
سجى: صباح النور كيف حالك اليوم؟
ميار: بخير , لفت لسناء" صباح الخير
سناء بتطنيشة: انا بنمشى وقت عليا ."مشت وطلعت
سجى: ما ادوريهاش ... اليوم ما اديري شيء خليك مرتاحة امي قالت اشوي وترقى واطيب الغداء ما اديري شيء اوكي
"شافت لساعة وشهقت " ايييييه وقت عليا بنمشي سلام"مشت وبصوت عالي :زي ماوصيتك ما اديري شـــ
" حست انها كبت ف شى شدت جبهتها بالم: اخخخخ
ميار"ما قدرتش تشد ضحكتها من منظر سجى " هههه
سجى" رفعت عيونها ع رمزي يلي واقف ويضحك"
رمزي:هههههههههه وين عيونك باهي يلي خشيتي فيا مش ف الحيط
سجى" كشمت " حسيت ما فيش فرق بينك وبين الحيط هههههه
رمزي:له له شن قصدك انا زي الحيط
سجى: ههه احرف وستر ربي ما تكسرتش
رمزي : هههههه صباح الخير
سجى: صباح النور
رمزي" لف لميار "
ميار" نزلت عيونها بخجل " صباح الخير
رمزي" ماعبرهاش ولف لسجى " علاش هالقبيضة ع الصبح
سجى" عيونها ع ميار يلي مضايقة من تطنيشت رمزي " اه ,لفت بسرعة "
حول حول من قدامي
رمزي: شن فيه
سجى: تاخرت هلبه وقت عليا
رمزي: هيا نوصلك
