آســـف جــــــدا

البـ✎ـارت الثامن العـشريـن

...
🎀‏خلفْ كُلُّ صَمَّت🎀
💔‏إما وجعْ دامِّي💔
💔‏أو مشَاعِر تخُونهَا اللَّغة عن البوح💔

سناء" مقعمزه ف الصاله وتشوف لتلفزيون وسرحانه بعيد هذا حالها من يوم سيبها عامر الا سرحانه وقلييييل تتكلم "

الام " خشت وقعمزت : زعمك شن فيها الاخبار وشن صار قالوا امس قصفوا المدينه الغريبه اشبح رمزي شن صار فيه لايرد ولا يتصل وخالك قريب يموت عليه " لفت تشوف لسناء: خيرك نهار اكل ساكته شن صابك ؟.... اسمعي بكري اتصلت بيا عمت يلي يخطب فيك وتسأل عن رايك وانا قلتلها البنت تفكر تحشمت منها وانا كلما نسالك ماتجاوبيش اسمعي ردي تو عليا موافقه ولا لا راه بنكلمهم قداش بيقعدو يستنوا فينا وخالك راه من تو نقولهالك موافق وقال راجل سمعته كويسه وافقوا عليه وانا قلتله الراي راي البنت ها شن قلتي

سناء" وقفت ومشت"

الام :هي نكلم فيك شن نرد عليهم مواقفه ولا لا

سناء " وهي ماشيه: موافقه

" كلمت طريقها لدارها وصكرت الباب واستندت عليه وقعمزت تبكي تحس الدنيا ضااااايق بيها خلااااص عامر وسيبها حتى تتصل بيه وترسل ف رسائل مش معبرها ولا يبي يسمعها وسعد طلع واحد تاافه وحقير يعني خلااص انتهت هي ودمرت كل شي بايدها لازم توافق باش تنسى عامر .. لانها حتى لما بعتله وقالت ان فيه من يخطب فيها واهلها بيغصبوها ماعبرهاش خلااص نساها ونسى كل شي او يمكن مش مصدق هالشي ويسحابها تكدب عليه باش يرجعلها لكن عنده الحق هي خااناته كيف بيصدقها كييف!! مافيش حل غير تنساه نهائيا وتنسى ماضيها "

""""""""""""""

🎀‏ ‏اللحظات الجميلة مع الاصدقاء لا تُنسى حتى وإن كانت قصيرة 🎀

احمد" يمشي بالسيارة ويتكلم : اي تو كلمني قال تلقاهم ف الجهه الغربيه

جواد: اها مشيت معاك الشباب

احمد: لا بروحي

جواد" بخوف: برووحك علاش مارفعتش مجموعه اعماك

احمد: مافيش اي خطر اطمن

جواد: مهما كان ما تتهورش وتمشي بروحك

احمد: انت الوحيد خليك ساكت يا اكبر متهور

جواد" شاف لشباب يلي مقعمزين حوله ويشوفله : ااه ترجع بالسلامه

احمد: ازرط ازرط تو اكيد جنبك هي يلا سلام " صكر الخط"

محمود: وين ماشي احمد