البارت السادس عشر
🎀بعض الغياب يعلمك كيف تشتاق❤
🎀وبعض الغياب يعلمك كيف تكون قاسيا💔
رمزي " وقف السيارة "
ميار" لفت له باستغراب: خيرك وقفت
رمزي" ابتسم: ما تبيش تفطري
ميار" بغضب: لا
رمزي: و انا نبي " فتح السيارة "
ميار" شدت ايده: وين وين ماشي
رمزي: امم قتلك بنشري فطور
ميار" بغضب: ما نبوش فطور
رمزي: من قال انا نبي
ميار" بعصبية: مش وقت لفطور هيا وصلني للحدود بعدين افطر ولا تغدى
رمزي: تبينا نمشوا المسافة كلها واحنا جيعانين
ميار: اي
رمزي: انا ما نعرفش نسوق لين نفطر " بعد ايدها عنه ونزل وسكر الباب وصوقر السيارة باش ما تهربش"
ميار" تأففت و فتحت الباب ما باش ينفتح تأففت : اف منه
رمزي" شري لفطور وولالها : السلام هات فطورك
ميار" بغضب: ما نبيش
رمزي: به " حطه قدامها: كان جعتي كولي
ميار: هيا
رمزي: حاضر " مشى شوي ووقف"
ميار" بعصبية: خيرك ها لمرة
رمزي: بننزل نفطر هنا في الحديقة هيا تعالي كان بتفطري" نزل ومشى قعمز "
ميار" عصبت وفتحت الروشن : هي انت ولي لسيارة وخلينا نمشوا
رمزي" يأكل: خليني نكمل
ميار" بعصبية: هيا تعال ما اضيعش وقت
رمزي" يأكل ومش معبرها وهي معصبه ع الاخير شافها فتحت الباب بغضب ونزلت وجاته "
ميار" بعصبية: نوض
رمزي: قعمزي افطري
ميار: رمزي نوض لا تخليني نعصب
رمزي: انا بنفطر تبي تفطري جيبي فطورك وتعالي ما تبيش تعالي تقعمزي استنيني لين نكمل
ميار" بغضب: مش مستنيا هيا
رمزي: وانا مش نايض لين نكمل فطوري
ميار" تأففت ورجعت لسيارة و قعمزت فيها"
رمزي "رن نقاله: هلا
سند: اهلين وينك تو
رمزي: والله قعد نضيع في الوقت انتم واتيين
سند: اي بس شوي انت تو شن ادير
رمزي: مقعمز نفطر وهي في السيارة
