#رواية_آســــــــف_جــــــــــدا
#للـكـــاتــبة_ومــيــض_الـلــيـــل ︠︠︠︢
#البــــــــــــارت_الرابع
لــــــــــــو أستطع أن أشتري السعادة لأشتريتها وأعطيها لغيري فعندما أجد غيري سعيد بسببي هذه هي قمة السعادة🎀
........
كانت الطريق طويلة بنسبة للكل
إلا ميار يلي كانت تتمنى ما تصلش تبي تشوف كل شيء وصلوا اخيرا لمكان جبلي خالي من المباني يعمه الهدوء نزلوا كلهم الا ميار كانت تشوف للمكان من الروشن حاسة برهبة من النزول
رمزي" لف لميار واستغرب انها مانزلتش مشي وفتحلها الباب :هيا انزلي
ميار" نزلت ولفت عيونها ع كل مكان استنشقت الهواء تحس انها اول مرة تشم هالهواء ومرات يكون بالفعل اول مرة لفت لرمزي وابتسمت
رمزي"ابتسم ومشي وقعمز"
سجى" قعمزت بحداه " رمزي انت علاش اصريت تمشي معانا ميار وانت اكثر واحد عارف علاش مانعينها
رمزي: اولا انا مش عارف شيء ثانيا شوفيها
سجى" لفت لميار يلي ادور من مكان لاخر والفرحة باينه ف عيونها
رمزي: شوفيها مش حرام عليكم تحرموها حتى من منظر الطبيعة ياسر محرومة من كل شيء
سجى" سكتت ما عندها أي رد
::::::::::::::::::::::::::::::::::::::::::::::::::::::::::::::::::::::::::
بعد ساعات
الكل كانوا متجمعين ويهدرزوا ويضحكوا الا ميار يلي منشغلة بكل شيء حاسة انها ف حلم بعــيــد عن الاحلام يلي تحلم بيها ما تبيش حتى ترمش خايفة ترمش وتفتح عيونها ما تلقى شيء قدامها بس كل اشوى تلف لخواتها وامها ورمزي يلي مقعمزين باش ما تبعدش عنهم "
الام: نادوا ميار
سجى "وقفت ومشت لميار يلي مقعمزة " ميار
ميار" ما لفتلهاش وما تبيش تكلمها "
سجى: ميار هيا تعالي كولي
ميار" وقفت وطنشت سجى ومشت بعيد وقعمزت ع رشادة وتشوف ف منظر يلي تحت الجبل"
سجى " رجعت وقعمزت"
الام: خيرها ماجتش؟
سجى : ما تبيش حتى تكلمني
سناء: بينها ياسر مطلعينها بعدين من امتى هي تحب تأكل خلوها
