وهل اخبرتك من قبل ؟؟ ان صوتك والبرد متشابهان!!
💗فكلاهما يسبب لي الارتجاف💗
ميار" ف الصاله مقعمزه مع سجى وسحر وانوار شافت لسدين يلي رقدت ع الجلسه : رقدت بدون ماتحس
سجى: عيت وهي ترقص
ميار" ابتسمت : احسن شي داره رمزي جابها
رمزي" خش : شن هي!
ميار" لفتله ودقات قلبها تعلى مشتااااااااقتله مووووت معش شافاته الا صدف بسيطه"
رمزي: مساء الخير
الكل: مساء النور
رمزي" قرب وقعمز ع الجلسه جنب سدين: رقدت؟
سحر: اي كيف انتبهنا انها رقدت
رمزي: وين عمتي
سجى: خشت رقدت اول ماروحو خالاتي
رمزي" شاف لميار ببتسامه: شن جوك ميار
ميار " ببتسامه خجوله: تمام وانت
رمزي" ابتسم: تمااام "لف لانوار لقاها متجاهلاته وعارف انها بتموت غيره لان طبع انوار غيوورة لدرجه لاتوصف وعارف هالشي من صغرها بدات كان بينهم حب : انوار شن اخباارك واخبار قرايتك
انوار" شافتله ببرود: بخير " وقفت : نعست تصبحو ع خير " طلعت"
رمزي" لف وجت عينه ف عين سجى وعارف شن بتقول تجاهلها وشاف لسدين: من بكري احمد ويتصل بيا يسال عنها وقال انك ماترديش
ميار" وقفت: نسيت نقالي ف الشحن من الصبح ونسيت اصلا ان حد بيتصل بيا تو نبعتله رساله نقله انها بخير " قربت من سدين"
رمزي: خلي عنك تو نرفعها " نهض سدين ومشى بيها: ديرولي شيء ناكله ميت بالجوع " طلع"
ميار: تو نديرله انا " مشت وهي مبتسمه"
سحر: ميار متغيره كانها مش هي حتى الحزن يلي كان ف عيونها اختفى
سجى" بتفكير: ميار مش غير متغيره ميار مختلفه تماما
سحر: كيف؟
سجى: مش عارفه بس نحمد ربي انها نست الماضي كله
سحر: اي الحمد لله " وقفت : بنرقد تعبانه تصبحي ع خير " طلعت"
رمزي" خش وقعمز: اووه تعب الاعراس مانسحابهمش هكا وزي مايقولو العريس تعرس ورمزي تهرس
