البارت السابع عشر
❤رغم جرحك وقسوتك لا اعلم لما لا استطيع ان اكرهك❤
اليوم التالي صباحا
رمزي" طلع البرى واستنشق الهواء شاف ان اليوم الجو حلو ابتسم و بدا يمشي ف المخيم شاف كيف الناس عايشين في تريلات والبعض ف خيم وكيف حالهم وعيشتهم مزرية شاف الاطفال يلعبوا ويضحكوا سخف ع حالهم حرام ها لناس تعيش ف هذا الوضع وهما ف مدينتهم مرتاحين
لمح ميار من بعيد ومعاها واحد مشالهم
ميار: هههه قعدين زي ما هما
جواد: اي والله انت عارفة محمود ما يتغيرش وخالد ما يسكتش واحنا بدل ما نجتمعوا نديروا حل نقعدوا نحزوا فيهم
ميار: تصدق رايفت لكل شيء ولتو ماني مصدقة اني رجعتلكم
جواد: وانا مانيش مصدق انك قدامي ورجعتي حية شيء ما يصدقش
: معك حق
الاثنين التفتوا لصوت"
رمزي" ابتسم: صباح الخير
جواد: يا صباح النور
ميار" ابتسمت: صباح النور
رمزي" بنبرة حب: كيف حالك ؟
ميار: بخير وانت كيف صرت؟
رمزي: بخير الحمد لله , جواد من يلي خبركم ان ميار ماتت وكيف صارت القصة
جواد: ميار ما حكتلكش؟
رمزي" شاف لميار: لا نبي نعرف كل قصتك
ميار: ماليهش داعي تعرف شيء
رمزي: لا نبي نعرف
ميار" بغضب: مش ضروري هي حياتي وانت ماليكش علاقة فيها
رمزي: نبي نعرف قصة حياتك من اولها
ميار: و علاش
رمزي: هكا
ميار: انا مش حاكية بعدين انا ما نعرفش قصة حياتك
رمزي: حياتي ما فيها شيء مثير
ميار" بغضب: شن قصدك انا يلي حياتي فيها اثارة
رمزي: انا قصدي حياتك فيها غموض انا لتو ما نعرف غير اسمك
ميار" بغضب: ومش ضروري تعرف بعدين وانت حياتك غموض وما نعرف غير عيلتك امك وبوك وعمتك وبناويتها و " بغضب: انوار
رمزي : وهاك تعرفي
ميار" بعصبية: مش كل شيء ولا داس شيء عني والا يطلع شيء ما لياش علم فيه ناسي اني كنت فاقدة الذاكرة وحضرتكم استغليتوني حتى خواتك من الرضاعة وامك درتهم عمتك وبناويتها تكذب عليا شن داس ثاني عني ولا عمتك الثانية ام انوار قريبة من جهة ثانية وانت بس تموه فيا
رمزي" فهم قصدها عصـــــــــــــــــــب: ميـــار
جواد: هدو هدو شن صابكم , رمزي خلاص هدي
