.
سأعترف لك ؛ أني لا زلت أخصص جزءا" من يومي ،،بعيدا" عن ضجة العالم " لك "
أتذكر " أحاديثك " " ضحكاتك "
" غضبك " " فرحك "
وكل شيء...
💔💔
سند" شافه مقعمز مشاله وقعمز جنبه: تو ترجع متأكد بترجع ف يوم من الايام وقريب ان شاء الله
محمود: معش ترجع
سند: لا تو ترجع ماعندهاش وين تمشي
محمود: الافضل ماترجعش اصلا معش نبي نشوفها
سند: علاش تقول هكا
محمود" بالم: جرحتنييي جرحتني واجد كنت ندعي تفهمني يوم بس لتو مافهمتني ولا بتفهم مشاعري انا مستعدددد مستعد نعيش عمري كله ونا نخدم فيها بس ماسمعتش منها كلمه طيبه ماسمعتش اي شي حلو منها اخر شي تمشي ولا تعبرني اه
سند" بحزن: الله يعين كسرة القلب وااااعره اسأل مجرب
محمود" بصدمه: انت مجرب؟
سند: هههه انا جربت طعنه القلب
محمود: كيف صار ومن طعنتك؟
سند" بهزوة : بنت عمي و خالتي
محمود: علاش طعنوك بنت عمك وخالتك
سند: هههه قصدي البنت بنت عمي وعمي متزوج خالتي يعني من الطرفين
محمود: احكيلي
سند" سرح بذاكرته للوراء : كانت اصغر مني بسنتين وماكانش ف بنات من جيلها كانت اغلب وقتها معايا انا متوكل بكل شيء خاص فيها حتى كان احتاجت شي عمي يوكلني انا بدل خوتها ويبعثني نجيبهولها لدرجه اني كنت خادم عندها حتى لمية نجيبهالها كبرت وكبر تعلقي بيها وتعلقها بيا حبيتها عشقتها ادمنتها ماييوم يفوت بدون مانكونو نصه مع بعض .. كبرت وصارت الحدود بينا تكبر ماعاد تلاقينا زي قبل وبدت جياتها لحوشنا قليله مع ان الحوش جنب الحوش كانت كلما تشتاقلي تتصل وتقولي انها ماشيه لحوش جدي وانا نمشي غادي ونشوفها وانا كذالك كلما اشتقت يازرت عمي ياكلمتها تجي لحوش جدي .. ماكانش موعد غرامي بينا ولالقاء احبه كان مجرد فضفضه ومزح وتغيير جو كنت نحبها وكنت ديما نقلها اني نحبك بس هي كانت تقول وانا ... لما كبرت بدت تتهرب كلما قلت هالكلمه .. و
محمود: و شن؟
سند" بغيض: واستمرت علاقتنا لين هداك اليوم
محمود : اي يوم
ميااااااااااااار
فزو الاثنين ع صوت جواد ومشى يجرو اتجاه صوته
محمود" شافه وهو يحرك ف كرسيه بسرعه قرب منه بخوف: خير جواد شن صاير
