🎀عندما تشعر بأنك مصدر ازعاج وضيق لشخص تحبه ،،، ابتعد قليلا،،، إن سأل عنك فقد ظلمته،،، وإن لم يسأل فإرحل بهدوء💔
صــــــبـــاح يـــــــــــــوم جـــــديــــــــــــد يــــــــوم الجـــــمـــعــــة
ميار " وقفت ع المراية تعدل في وشاحها : لازم اليوم نشوف رمزي زعمة قعد زعلان مني يا رب مايكونش زعلان " مشت طلعت واتجهت لمكان رمزي لقت الباب مفتوح : اكيد ناض " مشت للمطعم تلاقت هي وجواد ومحمود: صباح الخير
جواد" بابتسامة حب: ياصباح الورد والفل كيفك؟
ميار : بخير وانت
جواد: الحمد لله انا تمام التمام
محمود: صباح النور
ميار: صباح الورد
جواد: كان ما فطرتيش تعالي نفطروا " خشوا للمطعم وقعمزوا ع الطاولة "
محمود: انا بنجيب الفطور " مشى"
ميار" تتلفت ادور ع رمزي"
جواد: ع من ادوري
ميار: رمزي
جواد: علاش
ميار" ارتبكت: لأني شفت الباب امتعه مفتوح قلت اكيد جاء هنا باش يفطر
محمود" جاء وحط الفطور و قعمز: لا اتعبي روحك
ميار: كيف
محمود: رمزي مشى
ميار" بصدمة: وين
محمود: والله ما ندري بس عمي مصباح قال جاء وخدا سيارته من موقف السيارات ومشى
ميار" وقفت بخوف: وين مشى وين؟
جواد: ميار خيرك
ميار: كيف خيرني يقلك مشى وتقول خيرني
محمود: وكان مشى انتي علاش خائفة
ميار: هو ما عنده وين يمشي انا متأكدة انه رجع لمدينته
محمود: وكان رجع يعني شن فيها
ميار" بعصبية: كيف شن فيها اه كيييف
محمود: مدينته واهله شن فيها كان رجعلهم
ميار" بعصبية: وانا
محمود: وانتي شن
ميار: كيف يمشي ويخليني
محمود: وشن يعني كان مشى بتمشي معاه
ميار: لا بس ع الاقل يقلي يودعني كيف يمشي بدون علمي
محمود: اكيد كان قلك انتي ما تخليش فا فضل يمشي بدون مايقلك
ميار" امتلو عيونها بالدموع: كيف ساوي هكا كيف وعلاش علااااش " مشت"
محمود" تنهد ولف لجواد حس انه مصدوم: هي جواد
