❤مـــعــــك انـــت ادركـــت مــعــنــى الــتـمـسـك بـشـــــيء ❤^_^
جواد" متكي ع السرير ويسرحان"
محمود" خش و قعمز: خير يا ابوا الشباب وين سرحان
جواد" قعمز : ولا شيء بس نرتاح اشوي
محمود: لحسن حظنا ما وجهناش مشاكل
جواد" بتنهيدة: أي
محمود: فيك شيء
جواد: لا
محمود: بس حاس فيك شيء
جواد" تنهد : اه اذكرت اخر مرة جيت هنا ولحقتني ميار "نزل راسه بحزن"
محمود" بتنهد" الله يرحمها جواد انت لازم تنساها يعني لا امتى بتقعد ع ذكراها عيش حياتك يا راجل
جواد" رفع راسها وابتسم" تعرف كانت حياتي قبل لا نتعرف عليها مملة كنت كل يوم نتمنى نموت بس لما تعرفت عليها خلتني نتمسك بحياتي بس ع خاطرها بديت نحب حياتي لأنها فيها "بحزن: بس لو كانت عائشة "وقف ومشى
محمود" وقف: وين ماشي؟
جواد: بنشم هواء "طلع"
محمود: يا رب اهديه وينساها
::::::::::::::::::
💔مــؤلــم جــدا حيــن تـشـتـاق لشـخـص وتتـمـنى رؤيـته وتـعلم جـيدا انك لــن تـراه مهــما فعلت لأنـــه بــبـسـاطة رحل عن هذه الحيـــــــاة💔
بعد ايام يوم الجمعة
ناضت الصبح بكري حست بنشاط كبير فتحت الروشن ابتسمت كان الجو رائع الشمس كيف تشرق ما بين الجبال شدها المنظر حبت تشوفه من برى لبست وشاحها وطلعت بهدوء باش ما حد يحس بيها وتعرف ان يوم الجمعة ما حد ينوض بكري فتحت باب الحوش وطلعت ووقفت ابتسمت بفرح : الله والله منظر حلوا مش عادي اخ وين كنت محبوسة عن هذا المنظر والله حرام عليهم " ابتسمت وهي تسمع ف صوت العصافير حست انها طايرة من الفرحة ،حست بحركة وراها لفت "
رمزي" باستغراب: شن اديري البرى
ميار" بخوف: كنت نبي نشوف الجو والله ما مشيت بعيد وقفت هنا بس ما تعصبش عليا والله اسفة
رمزي" مستغرب من خوفها : ميار
ميار" بخوف : والله كنت نبي نشوف الشروق والله ما كنتش نبي نبعد بس وقفت ف فم الباب ما تعصبش عليا والله ما قصدي
