💔سأرحل بعيدا عن كل العالم بما فيه
سأبعد قلبي عنك لاطفئ ماقد اشتعل فيه
سأنسى حبكـ ظاهرا ولكني لن أمحوه من قلبي
لأنه محفور فيه💔
حسان " برى من الموقع مع احمد: خلي مجموعة تمشي تراقب المكان من بعيد
احمد: المجموعة جاهزة
حسان" شاف سيارة جاية باتجاههم بسرعة. باستغراب: من هذا
احمد" شاف : سيارة جواد
حسان: اكيد صاير شيء "نزل بسرعة واتجه لطريق هو واحمد"
جواد" وقف السيارة ونزل ومشى "
حسان: جواد خير فيه شيء
جواد" ماعبرهمش ورقى"
حسان" باستغراب: هذا خيره
احمد: الله يستر
حسان: انا تو نشوفه وانت برى قولي للمجموعة يراقبوا المكان
احمد: تم
حسان" لحقه لقاه راقي اعلى الجبل رقى خلفه "
جواد" رقى لقمة الجبل وقعمز ع رشادة وسرح وهو يشوف لجبال من فوق"
حسان" قرب منه وقعمز جنبه : جواد شن صاير فيك شيء قلي اول مرة نشوفك بهذه الحالة ..... جواد انا صاحبك ونفهمك قلي شن المشكلة ..... جواد تي قلي شن صاير متعارك انت ومحمود ؟... أو انت وحد ثاني .... جواد قلي شن صار
جواد" تنهد بقوة : اه
حسان: لا وضعك مش مريحني قلي شن فيك ... من يوم جت ميار والبسمة مافارقتكش . قلي شن صار لين تضايق لهذه الدرجة ...؟ صاير شيء بينك وين ميار
جواد" حط ايديه ع راسه "
حسان" حط ايده ع كتفه : جواد قلي شن صاير
محمود" وصل للموقع ونزل بسرعة واتجه لاحمد : احمد قول وين جواد قلي
احمد: تو جاء وحالته غريبة
محمود: قلي وينه وين مشى
احمد: شفته راقي فوق الجبل
محمود: اه "مشى"
احمد" شد ايده: وقف
محمود: خليني نشوفه
احمد: تو معاه حسان كان نزل براله
محمود" تنهد " اه
احمد: تعال خش وكان نزل حسان انت تمشيله
محمود: انا ماعرفتش شن صابه جاء مستعجل خدا سلاحه و مفتاح سيارته وانطلق بسرعة مافهمت شن صاير معاه
احمد: حسان تو يفهم وكان ماعرفش خيره انت كلمه هيا نخشوا
"""""""""""""""""""""""""""""""""""""""""""
حسان: جواد قلي شن صاير الموضوع فيه ميار صح
جواد" بتنهيدة وغصه: اااخ من ميار اااااخ
