ما أقساه من شـــعـــــ💔ــــور
عندما تكون عاجز عن الإبتعاد و ممنوع من الإقتراب
لـــــيــــلا
جواد" يمشي ف ساحة المخيم شاف الشباب مقعمزين اتجه لعندهم : مساء الخير
الكل ماعاد محمود: مساء النور
جواد" شاف لمحمود"
محمود" حاس ان جواد يشوفله وماعبره"
رمزي : حياك قعمز
جواد" ابتسم: يالله والله اشتقت لجمعتكم و لتقعميزة قدام النار
سند" رفع براد الشاهي: مااستاحشتش شاهي النار
جواد" ابتسم: ولكل شيء حتى الحطب " شاف وين بيقعمز وابتسم و قعمز جنب محمود "
محمود" ع طول وقف: تصبحوا ع خير "مشى"
سند: هي وين ؟
محمود" كمل طريقه وماعبراش"
سند: باسم الله هذا خيره
جواد" عرف ان محمود زعلان منه بس طنش الموضوع واندمج يهدرز مع الشباب ويحاول يكون طبيعي معاهم مايبي حد يشك فيه وف مشاعره "
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سجى" استندت ع السرير بتعب"
الام" بخوف: كيف صار معاك هكا ؟
سجى" بتعب: ماندري من الصبح حاسة روحي تعبانة
سناء: حلوة النومة ف المستشفى؟
سجى" لفتلها: تعالي جربي تو تعرفي
سناء: لا لا وك عليا بعيد السوء انا نرقد ف المستشفى
سجى: كان خايفة منه علاش تسألي
سناء: نسأل فيك لان باين عجبك هذه ثاني مرة ترقدي فيه
سجى: شن راقدة فيه بارادتي
سناء" رفعت حاجبها: مرات عجباتك النومة هنا وخصوصا الدكتور فادي يهتم فيك
سجى" عصبت: شن ترفسي انت تره سكري فمك
الام" بعصبية: خلاص انت واياها هنا مستشفى حشمتونا "لفت لسناء: هيا انت نروحوا وخلي اختك ترتاح
