POETRY COMPILATION

Malaya Ka Na

Malaya ka na, sinusuko na kita

Binibitawan ko na ang namagitan sa'ting dalawa

Malaya ka na, tinatalikuran ko na ang lahat

Ang mga pangakong kailanma'y 'di naging sapat

Sinusuko ko na ang laban

Itatago na lamang itong nararamdaman

Hindi ko na kayang kumapit pa

Kung ang kinakapitan ko'y binitawan mo na

Malaya ka na mula sa pighating tinitiis

Pagtitiis sa isang kasong kaytagal nilitis

Malaya ka na mula sa mga matitibay na rehas

Ngunit sana'y hindi ka na mag-iwan pa ng bakas

Malaya ka na, sinusuko na kita,

Binibitawan at ako'y titigil na

Hindi dahil pagod na ako't hindi ko na kaya

Kundi dahil sa rasong mahal na mahal kita

Ang gusto ko lang ay ang maging Masaya ka

Hindi ko na alintana kung ang dahilan ay iba

Wala na akong pakialam kung nasasaktan ako

Ang batid ko lamang ay ang pagmamahal ko sa'yo

Mahal, sana'y parati mong tandaan kung gaano kita kamahal

Sana'y batid mong isusuko ko maging ang aking dangal

Mahal, Malaya ka na, pinapalaya na kita

Sana'y palayain na rin ako ng nakaraan nating dalawa