وَهجٌ ضالّ

"جرح عام"

لا حب ولا صحبة
ماكو بعد خوة
ولا اكو للعشره ثمن
خليتها الكم هالحياة
و صاحبت انة روحي
و رافگت الگمر ،
بهذا الافول البيه
مثل الارض تحب النهر
و يشگ بجوفها انيابه
و تحارب سنونه ترابها
بس الارض تعشگ شك احشاءها
و تعشگ لمن تموت ارواحها
مثل الشمس ،
و اشعاعها يدمر فجر ،
و اشعاعها يعيش كبر
مثل الجلادة بلا گلب ،
مثل النسور بلا ردود
ارد اصيرن مثل النخل
مثل السحابة بلا صديق
بلا حبيب بلا حياة
بس دم الوريد  ،
بس نبض الحجر يدمي الجليد !
بس صوت الصخر يبجي الحديد
مثل نبض الجبل ،
بثكل دمعة مطر
و حرف شاعر بليد
مثل دمع القصيد
هالقدر مامنه خلاص
هالدرب كلش طويل ،
و نيرانه تلهم اقدامي لهم
هالدرب مابي حياة
بس غرك مابي نجاة
ولا بي لمحة وفاء
كلها خاينه الجابها الزمان
و كلهة تتغير وي طرة الفجر
اخ شكد وضوح البيك
و شكد جنت انت صريح
يالفجر انت بس انت الصديق
و انت بس انت الحبيب
و انت الما تجذب لو شيصير
هنا تعال شوفَك بالوريد
و اسمك الماينفك يعيد
بس انت الوحيد
و بس انا العايش بالجحيم
و بس كلبي شيطان رجيم
ودعتكم لا تذكروني ،
شنو ذنبة يسمع اسمي هالنسيم .

كلنه نجرب العامي شوي ، 🙂