Oops! This image does not follow our content guidelines. To continue publishing, please remove it or upload a different image.
Xia Yao
•••••
တစ်နှစ်တခါ ကျင်းပမြဲဖြစ်တဲ့ တရုတ်ရဲတပ်ဖွဲ့ဝင်တွေနဲ့ အမေရိကန်ရဲတပ်ဖွဲ့ဝင်တို့ရဲ့ ချစ်ကြည်ရေး တိုက်ခိုက်ပွဲကြီးကို အခု ဘေကျင်းအားကစားရုံမှာကျင်းပနေပါတယ်။
"မနေ့က ကျွန်တော်တို့ ရှုံးထွက်ပွဲကျင်းပခဲ့ပါတယ်။ အကြိတ်အနယ်ပြင်းထန်လှတဲ့ ပွဲစဉ်တွေ ပြီးတဲ့နောက်မှာတော့ ဖိုင်နယ်အတွက် လက်ရွေးစဉ် ၁၆ ယောက်ပေါ်ထွက်လာခဲ့ပါပြီ။" အစီအစဉ်မှူးက ထို ၁၆ယောက်ရဲ့ နာမည်ကို ဆက်တိုက်ကြေညာလိုက်တယ်။ "Joy, Zhou Huaqiang, Brown, Dai Gao Gao, Xia Yao, Anderson..."
ယူနီဖောင်းဝတ် ရဲသား ၁၆ယောက် စည်းဝိုင်းပေါ်ကို ဟန်ပါပါနှင့်တက်လာတယ်။ တရုတ်လူမျိုး ၈ယောက် အမေရိကန် ၈ယောက် အချင်းချင်း မျက်နှာချင်းဆိုင်ရပ်ကာ အလေးပြုလိုက်ကြတယ်။ အမေရိကန်အသင်းအတန်းရဲ့ တတိယမြောက်နေရာမှာရှိတဲ့ Brown ဟာ သူ့ဒူးခေါင်းကို 90° ကွေးပြီး သူ့နဲ့ မျက်နှာချင်းဆိုင်ရပ်နေတဲ့ Xiao Yao ကို ခေါင်းကနေ ဂွကြားအထိ တိတ်တိတ်ဆိတ်ဆိတ်အကဲခတ်နေလိုက်တယ်။ မသိသာလှပေမယ့် သွေးရိုးသားရိုးမဟုတ်တဲ့ အပြုံးတခုက သူ့နှုတ်ခမ်းပေါ် ထွက်ပေါ်လာတယ်။
ပြိုင်ပွဲ၏ စတင်ခြင်းသင်္ကေတဖြစ်တဲ့ သေနတ်သံက ပေါ်ထွက်လာတယ်။ ပြိုင်ပွဲဝင်တွေဟာ အချင်းချင်း ထိပ်တိုက်တိုက်ခိုက်ရမှာ ဖြစ်ပြီး အချီတခု၏ အောင်မြင်သူသာ နောက်အဆင့်ကို တက်လှမ်းနိုင်မှာ ဖြစ်တယ်။
ဒီလို နှစ်စဉ် တရုတ်ရဲတပ်ဖွဲ့နဲ့ အမေရိကန်ရဲတပ်ဖွဲ့နှစ်ခုကြား kickboxing ပြိုင်ပွဲ ကျင်းပနေတာဟာ အရှေ့နဲ့ အနောက် ကိုယ်ခံပညာဓလေ့ချင်း ထိပ်တိုက်တွေ့ဆုံတဲ့ ပွဲတစ်ခုဖြစ်ပါတယ်။ တရုတ်ရဲတွေဟာ ရန်သူကို တိုက်ခိုက်ဖို့ ခြေထောက်လှုပ်ရှားမှုကို အသားပေးလေ့ရှိပြီး အလွန်ပြင်းထန်ပါတယ်။ အမေရိကန်ရဲတွေဟာတော့ မကြာခဏ တိုက်ခိုက်ဖို့ သူတို့ရဲ့လက်တွေကို အသုံးပြုလေ့ရှိတဲ့အတွက် သေလုအောင်ပြင်းတဲ့ လက်သီးတွေနဲ့ ထိုးလေ့ရှိပါတယ်။ ဒါပေမယ့် Brown က အတော့်တကာ အတော်ဆုံးပါပဲ။
YOU ARE READING
Advance Bravely မြန်မာဘာသာပြန် (Unicode)
Romance"အစ်ကိုကြီး ညီမလေး ကောင်လေးတယောက်ကို သဘောကျပြန်ပြီ" ခါတိုင်းလိုပါပဲ "ပြန်ပြီ" ဆိုတဲ့ စကားလုံးဟာ ဒီလိုမျိုး အခြေအနေတွေ ထပ်ခါတလဲလဲ ဖြစ်ပြီးပြီဆိုတာ ဖော်ပြနေပါတယ် "ဒါပေမယ့် ညီမလေး သူ့အချစ်ကို မရဘူး သူညီမလေးကို ကြိုက်အောင်လုပ်ပေးပါအုံး အစ်ကိုကြီးတယောက်က...
