دازت ايامهم روتينية من غير الدراري لي بداو القراية و كترو المشاكل باللاخص مابين اسلام و ختو ...حتى دخلت تاني تبكي
ريهام: الله يااااربي رجعنا لنفس السيناريو واش يوميا مضاربين
ملاك: هدري مع ولدك لي مشوهني قدام اضدقاءي ف المدرسة
ريهام:مالو تاني ا ش قالك
اسلام لي جاي داخل : انا انقولك اش قلت لها ...قلت ليها تهد شوية و هي غير مازايدة فيها باغا كل اللي ف المدرسة يوليو صحابها ...او تكون شوية بحال ريتاج مهدنة صوتها ما تسمعيهش ..وحتى ف المدرسة كالم
ريهام: اسلام تبعني للفوق
طلعت ريهام وولدها وهي فعلا معتبراه ولدها : حبيبي اسلام ماكاتشوفش ر اسك قاصح مع ختك
اسلام: ماما عارف اتقولي بلا قبيح معاها حيت ماعزيزاش عليا بالعكس كانبغيها راه ختي ةلكن مابغيتش دراري يضحكو عليها هي نية بزاف عند بالها كلشي بحالها
ريهام: بدل معاها الاسلوب قربها ليك ف بلاصة ماتبقا تغوت و ضرب ..ديرها صاحبتك قبل ممنها ختك
اسلام: وخا ماما
رسهام: فين هو باباك واش ماوصلكمش
اسلام: لا جابنا عمو مروان و قال بابا عندو شي خدمة
خرجت ريهام من عند ولدها و اتصلات ب نوح لي تايقطع عليها حيت ماكانش مسالي و عندو موعد مع ااطبيب القلل لي تايشرح ليه وضعو : دابا الحمد الله ماعندنا مناش نخافو طول مامتبع الدوا و بعيد على الضغوط
نوح: يكون خير
دك: ولكن العملسى خاصها تدار باش نطمنو كتر
نوح: نفكر ف الموضوع و نجاوبك.مهم شكرا و موعدنا الشهر الجاي
خرج نوح و اتصل ب ريهام لي خبرها بلا كان عندو اجتماع وماقدرش يجاوبها ..
مرت الايام و اسلام دار بكلام ماماه باش انو يقرب ل ملاك و ينقص مهاها الصداع
نوح مازال مخبي مرضو
سارة وصلت للشهر السابع و ف هاد الوقت مريم ولدت و كلهم مشاو يباركو ليها للزيادة المولود الجديد ..الدار عامرة و الهدرة كتيرة ..نوح لي دخل هو و مرتو لي لابسة جليليبة ف السومو ومعاها بليغة ف نفس اللون باقا عاطية العين رغم انها تقدمات ف السن . طاحت عينها على راجل جالس ف الصالة بدا كاينوض ليه شوية الشيب ..نزلت عينها باش نوح مايحس بوالو ..ودخلو سلمو على الناس وريهام توجهت للبيت لي فيه مريم عطاتها الزرورة ..بداو العائلة البعيدة كاتمشي وبقا غير القراب ..
من بعد جلس الكل ف صالة ولاخر مانزلش عينو على ريهام رغم ان مرتو حداه و حسات بنضراتو ...جلسو مجمعين و ضاحكين تايشربو اتاي وغير قولها و ضحك عليها حتى نطق هو: ريهام جلسي بلاصتك
ريهام ونوح هزو راسهم ..لقا و سفيان الشخص لي من الصباح وهو مقابلها تايهدر مع بنتو جالسة حداه
هدرت مليكة( ام سفيان و مريم:هههه راه حتى هو سما بنتو ريهام ..لصق هلى هاد السمية قالك والو نسمي بيها بنتي
مرات سفيان ماهدرتش هزات بنتها و مشت للكوزينة اما ريهام اكتفت بابتسامة صفرا لمليكة ..ونوح خسر تخنزيرة و حدة على ريهام و سفيان و شد تلفونو كايبقشش فيه كايحاول يكالمي راسو باش ماينوضهاش
تفرقت الجقلة لي فينما يتجمعو خاص يطرا شي بلان ..نوح بلا مايهدر مايتكلم هز ينيس وياسين لي نعسو و هبط للطوموبيلتو تبعوه اسلام و ملاك ..اما ريهام ف بقات كاتسلم عليهم وتعاود حتى صونا تلفونها : ماناوياش دردبي خلاص
ريهام: وخا وخا انا جاية
نزلت تجري و تعتر ف جلايلها حلت لوطو و ركبت ..بلا مايهدر كسيرا من كازا للجديدة ماهدر ماتكلم ..وصلو للفيلا هز ولادو حطهم ف بيت جداهم حيت ولفاتهم ينعسو حداها اما ملاك و اسلام مشاو لبيت واحد باش يراجعو شوية دروسهم نوح .دخل للدوش اما ريهام ف ماقدراتش تقرب ليه ...دخل دوش و الما كايتكب علبه : لا انوح ماتجبدش الصداع على والو ..هي ختارتك نتا ووالدة معاك نتا ..نسا هاداك ماببنو و بينها والو ..كااااااللم ..غير عجباتو السمية راه ماعاجباهش مراتك ..بقا يبرد على راسو ..لوا عليه فوطة و شرب دواه وخرج كان شيءا لم يكن
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
