سبقتو هي التحت و تلاحت سميرة على مروان شادة فيه كاتقفقف :شوف ماتيقهاش راه والله حتا كاتكدب لاقالت لك شي حاجة راها غير كدابة والله مادرت والو
مروان؛ غير بشوية عليك ..بقاي نتي هنا انا انشوفها اش بغات
خرج مروان لقا ريهام راكبة ف لوطو نبيل ركب حداها و ديمارات ماهدرتش معاه حتى هدر هو: امتي جييتي
هى: ليوما
هو : جاك معاك نوح
هي: فيها خير ماجاش اما كن جا كان يدوز عليك على هاداكشي لي درتي ل ختو
هو: 😏 وليتي كاتجي من جهة راجللك على خوك برافو
هي: كانجي من جهة الحق..الا غدا قالك شي واحد بلا نوح تعدا عليا اش ادير
هو: نحيه و مانعقلش عليه
هى: ايوا حط راسو بلاصتك ..
وقفت لوطو ف بوزيد ونزل مروان بحال شي واحد كان محبوس نزل وقف على واحد للجرف و طالق عينو على البحر غمض عينيييه و استنشق ريحة البحر المرة الاولى و التانية و للتالتة حتى حس بيد ريهام تحطات على كتفو: مالك ا مروان اشنو بدلك
هو: ماعرفتش مالي انا براسي كانحس براسي ماشي انا ههه وليت بحال شي مسطي
هي؛ علاش خنتي سارة اشنو ناقصها باش تشوف ف سميرة
هو: كانقسم لك بالله ماعمرني نعست مع سميرة ولكن ماعارفش مالي ..توحشت سارة ولكن غير تنشوفها قدامي كانكرها
هي: و اشنو السبب ؟ خدم غير عقلك امروان اشنو ل خلاكم توصلو لهادشي
هو: هي ولات مريضة بزاف و انا ما بقيتش كانقدر ...
هي: غير كمل ا مروان راني ختك لا ماهزتك ف مشاكلك شكون يهزك
مروان:مابقييتش ا ريييهام كانقدر نعس معااااها وااااااالو فااااشل بالعربية مابقيتش كانقيم تلاح عليها و عنقها تايبكي: مابقيييتش راجل ا ريهام ...خوووك مابقاش راجل علاااااش انخليها معايا باش غدا ولا بعدو نلقاها دايرة الصاحب موورا ضهري ...صحتي مشات و لا راسي تايضرني بزاف وليت كانفكر نزيييد و مايعرفني حد فيين ..الفيلا كرهتها ..كرهت كلشي ا ريييهام
ريهام: غير مزيرة على خوها و مخلياه يخرج لي ف قلبو بقا هاكاك كايهدر و يقول ما بيه ..مشات لوطة عطاتو قرعة ديال الما غسل وجهو و شرب ركباتو ف لوطو حلات الزاجة لي من جيهتو باش يبقا يضربو هوا البحر و كسيراات
مروان ماسولها لافين غاديين لا فين ماشيين اما ريهام تلفونها ما زكاش من ليزابيل ديال نوح هو تايصوني وهي كاتقطع مابغاتش تجاوب و خوها بهاد الحالة ف الاخر مني عيق عليها بليزابيل طفاتو و تهنات ..
اما مروان ف مسند راسو على الكوسان و مغمض عينيه مخلي الريح تايضرب ف وجهو و كايجر النفس حتى كايحس بيها كادخل وسط ضلوعو ...بقا هاكاك حتى لقا راسو ف الواليدية شاف ف ريهام و ابتسم : ديما عارفاني اشنو تانبغي
ريهام: ماشي غير انا بوحدي لي عارفاك 😉
هبطو من لوطو قدام فيلا صغيرة لي تماك و مروان غير تابعها ماعارفش بلا سارة راه كاينة تماك ..دقو ف الباب و حلت فاطمة لي شافتهم و بقات مصدومة حتى تلاحت عليها رسهام سلمت عليها ؛ ياكما نرجع منين جيت
فاطمة؛ ا ويلي يا بنتي لا تقوليها راه غير ماعولتش عليك اتكوني ف المغرب
ريهام: باست لها راسها ؛ جيت غير ليوما وقلت نديرها لكم مفاجاة
فاطمة: دخلو دخلو ماتبقاوش ف الباب. دخل اوليدي مروان مدة ماشفناك
مروان سلم عليها و حنا راسو
دخلو للداخل و محمد ماكينش خارج نطقت ريهام؛ خالتي فين هي سارة كاعما شفتها
فاطمى: راهي خارجة حدا البحر ولات هادي حالتها غير البحر و النعاس ..انا ماكرهتش نرجع بنتي لامريكا
هز مروان فيها عينو و عاود نزلهم
ريهام ؛ انا انمشي نشوفها ..يلاه امروان
خرجو من الباب لوراني لي تايطل على البحر ..كاتبان لهم جالسه ف كرسي دايرة شابو ظاير قربو منها و نروان ماعرف ماللو كانها اول مرة ايشوفها قلبو تايضرب و راسو تايزظح نفسو كاطلع غير بشوية ..
وقفو حداها وهي هزات راسها على الضل لي غطاها حتى لقاتها ريهام شافت فيها بصدمة و ناضت عندها عنقتها: اهئ اهئ علاش مشيتي و خليتيني؟ حرام عليك .
ريهام: اششش ها انا جيت و مانخليكش كانواعدك
سارة: كن راك جييتي شحال هادي للمغرب و ماجبتيش تشوفيني
ريهام: مال مك ديما مسبقة العيب راه يلاه ليوما وصلت جيت عندك طايرة باش تعرفي راسك عزيزة
سارة: هئ هئ توحشتك وحياتي خوات بلا بيك
ريهام بعداتها عليها حيت غير شافتها لصقت فيها ..شافت وحدة مختلفة على سارة لي كاتعرف و جها ضعاف و صفار و عظومها خرجو . شعرها تايبان خفييف و فمها شهب رغم مرضها و ضعفها الا انها باقا كتبان انيقة بكسيوتها لي ف البلو سييل فوق الركبة و شابو بيض
مروان لي ماتسوقش ل سارة لي كاتهدر مع ريهام فقط مركز على الرولاكس لي حدا سارة و محطوطين عليه حوايج ديال ولد .ت شيرت ف الخضر و نضاضر رايبان مارو و ساعة سبور مارو و بورطابل و بزطام ...حس بالنار شاعلة فيه رغم سحر سميرة باش ينساها الا ان قلب مروان مرتبط ب سارة و لو يدفنوها ايبقا يحس بمشاعر جيهتها
هي لي مني كملات مع ريهام شافت ف مروان بنص عين و دارت نظاظرها و جلست على للكرسي و حتى ريهام جلست على واحد اما مروان ف وقف موراهم و مربع يديه
سارة : نوح فين هو؟
ريهام؛ ماجاش راه بزز باش خلاني انا نجي ساعة لقيت مشاكلكم قدامي
سارة: 😏 نساي نساي
ريهام: كيفاش انسا واش بعقلك
سارةواش صافي تخليتي على مروان اتخليه لهاديك القحبة د سميرة تربح بيه
مروان من موراهم: هاديك ناشي قحبة ووزني فمك
ريهام: نتا غير سكت حسن مانتفرقع عليك .
مروان تزير عليه الحال تاني وخلاهم بجوج و مشا كايتمشى حدا البحر
سارة :ههه ياك قلت لك نساي انا اصلا نسييييت خليني راشقة ليا
ريهام: واااااش باغييين تحمقوووني ..
قطع كلامها صوت شاب يلاه خارج من البحر وشعرو فازك شاف سارة معاهم و قال السلام
ريهام: عليكم السلام
سارة:بالصحة..😊 هادي بنت عمي ريهام ..ريهام هدا مراد
بجوج: متشرفين
مراد : ريهام كانعرفها بالشوفة ياك نتي خت مروان
ريهام: 😳 كااتعرفني
مراد: ههه كانعرف داركم كاملة راه صاحب مروان خوك
سارة؛ راه مراد كان حاضر العرس ديالنا
ريهام؛ سمح ليا والله ماعقلت اصلا ماكنتش جالسة ف الجديدة بزاف
مراد : نو هانية 😊
ريهام بهمس: ااواااااااعدي هاد الزين كامل كان صاحب خويا و فلتو
سارة : ههههه بغيت نوح يسمعك
ريهام: نساااااااي خليني نسقي عويناتي
...:مرااااااد 😳
مراد: اهلا مروان هي كاع الحباب تجمعو
وقف سلم عليه و مروان مصدوم تايشوف صاحبو مع مرتو او بالاحري طليقتو
مروان: اااش كادير هنا
مراد: والو جيت نرتاح شوية من ستريس ديال الخدمة
مروان: و كيف درتي تلاقيتي معاها ؟ وشاف جهة سارة
سارة ماحملتش للبلان انه حتى سميتها مابقاش حامل يقولها : شافت ف مراد و هدرت : انا انمشي ندوش ونوجد راسي باش بليل نخرجو راه اتجي معايا ريهام
مراد: اوكي مشات ..يلاه بسلامة نخليكم
مشا مراد و تبعاتو سارة و ريهام لي دخلو للفيلا ومروان بقا واقف بلاصتو النار خدامة كاتكدي فيه ولكن يديه باردين حاس براسو مربوط ماقادش يضارب و لا يتعاير على ود سارة لدرجة بااااغي يشدها و يعطيها قتلة العصا على لبسها و هدرتها مع مراد ولكن مديور ليه تباريد من جهتها ..بقا هاكا النار كاتزند حيد بورطابل و سباطو و تلاح ف البحر بحوايجو على الله يبرد
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
