وصلت الطيارة ديال البنات وهما هابطات صفرات وعينيهم حمرين بالبكا ..خرجو لبرا كايقلبو على شي واحد من عائلتهم ..حتى بان لها نوح و محمد ..ونوح غير من شوفاتو باين ناوي على خزيت ..غير وقفت حداهم و هز يدو على جهدها و نزل عليها الوجه حتى تسمعات باق و كاع لي ف المطاى دارو يشوفو شكون كلا هاد الدقة..ريهام شدت ف حنمها لي عواج و هزت عينيها فيه بكل قوة: كنت انعاودها لك كن ماكانش معاك عمي و ندمك على هاد التصرفيقة
نوح: ولييتي ترادي ف الهدرة ا لق*** جيتي يووووومين للمغرب طوالو رجليك
محمد : الله يقلل حياك و ليتي تخسر الهدرة قدامي . ..ركبو حتى للدار و ارو ماتعايرو
ركبت ريهام لور حدا سارة وهي كاتماخض و سارة شادة لها ف يدها كاتحاول تبردها نوح لي سايق وهو مخنزر وكا يضرب على ريهام ف المرا يا لور اما هي مامسوقاش ليه مدورة وجها جيهة الشرجم مقابلة الطريق بالاخص الدنيا خااااوية حيت كان وقت بالليل متاخر ..صونا تلفون ريهام لي جبداتو من للصاك و عطاتو ل سارة تجاوب مافيهاش هي مايهدر
سارة: الو ينيس صافا
ينيس: سلام سارة وصلتو؟
سارة: وي الحمد االه وصلنا و راه تلقا لينا بابا
ينيس: مزيان و فين هي ريهام
سارة: هاا ناعسة مع عيانة ..يلاه نخليك حتى من بعد قطعت بلا ماتسمع ردو حيت شافت خوها مني خنزر فيها ف لمراية و ضرب يدو مع الفولون
وصلو للدار لقاو شي ناعس شي فايق ريهام ماداتها ف حد طلعت ل بيتها و سارة بقات لتحت : جات عيانة بزاف ترتاح وغدا تهدر معاكم
نبيل ؛ اهم حاجة انكم وصلتو على خير ..انا انطلع نعس
سارة: تصبح على خير ا خويا ..عنقها من عنقها و باس له راسها : ماديريش ف بالك صحتك اهم )حيت هو لي عارف بطلاق مروان لها(
دورات عينيها بان ليه مروان و سميرة جلسين حدا بعضياتهم ماتسوقتش ليهم ولا عبرتهم كانهم ماكاينينش ..طلعت ف الدروج ونيشان لبيتها لي كان مع مروان ..خدات بيجامة و خرجات ل بيت عند ريهام تنعس معاها حتى كاتسمعها هي ونوح كايتغاوتو ضربات الدورة ودخلت الحمام بدلت عليها و خرجت للجردة ..مالقات مايدار و شدت تلفونها دخلات الفايسبوك و بدات كاتمسح ف التصاور ديالها و كل حاجة متعلقة بيها حيت بصح ماشي كلشي باغي لك الخير ..دابا مابقات كاتفكر ف حتا حاجة من غير راسها و صحتها حيت لاخطاتك صحتك بقيتي شفاية للعديان ..وهي ساهية حتى وصلها مسج ف الواتساب وكان مراد : سلام سارة انا عارفك اونلين بليز جاوبييني راه من البارح ما شفت النعاس
طلعات ليه vu وخلاتو ماتسوقتش ل هدرتو..بقاو تايوصلوها مسجات منو ولكن ماشافتهمش ..اصلا بنادم لي ايزيد يمرضها ماعندها مادير بيه ف هاد للمرحلة
عند نوح و ريهام لي صوتهم واصل للعلام جاب الله البيت ف اخر الطبقة
نوح: 😡😡 انا لحد الساعة مكالمي ماباغيش نخسر معاك الهدرة ..جاوبيني
ريهام؛ هههه مااااشاء االله هادشي كااااامل و مازال ما خسرتي الهدرة
نوح: شوفي ا هاديك خيتي كترة الدخول و الخروج ف الهدرة ما عندي ماندير بيه .علاش مشيتي ل اكادير و بلا خباري و تلفون لي طافياه
ريهام: قلتها و انعاودها ماسوقكش فيا ندير لي بغيت
نوح شدها من شعرها و جرها لعندو: نتي باغاني نخلي عشتك هاد الليلة ..مال مك اش واقع لك
ريهام : دفعاتو ؛ شوووف راسك ..انا ماعندك ماتصور مني هاد الليلة وخا تبقا تبلابلي عليا حت الصباح والا كنتي باغي تكبر الموضوع بالغوات كبرو انا اصلا ماااااابقاااا عندي حتى مشكل
نوح: اييييه وليتي كااتعرفي تردي الهدرة 😡😡 ..جمع معاها بجوج التصرفيقات حتا دوخوها: بنتي ليا خاصك شي هردة ديال للعصا عاد يتقاد لك المخ
ريهام بكل قوة و يديه مطراسيسن في وجها : ماشي العصا لي غاتردك راجل اولد عمي ..
نوح قجها : ظابا انا ماشي راجل
ريهام: دفعاتو و كاتغوت: ماازال تحط عليا يدك ا لحيوان نتفاهم مع طاسيلتك ..الكاروش لاخر
هز يدو وعطاها ليها وهي تعاودو نوح بقا مصدوم فيها ؛ هاد المرة تقيسني نعاودك انا قلتها لك مابقا عندي مانخسر حتى صحتي هي اللخر ة ما بقاتش طازة عليا
نوح بنظرات شر و كن كانت شب وحدة اخرى من غيى ريهام كان يدوز عليها ؛ انا انخرج نقود نبدل ساعة باخرى حيت لابقبت معاك اندبحك مافيهاش
خرج و رضخ الباب على حر جهدو
وهي جلسات اللرض كاتبكي كاتفكر واش تقول ليهم لي كاين وتفرتك هاد الرمانة ولا ترجع لامريكا على الاقل تشزف جايكوب و تعاودليه و يبحتو ف الامر يمكن يكون مجرد هدرة ..بقات هاكاك حتى طلعات عندها سارة هزاتها فوق الناموسية و تكاو معنقين بعضياتهم حتى وخدة ماهدرت مع الاخرى ولا سولتها ..كل وحدة فيهم هازة همها ف قلبها و ساكتة عليه
صبح الصباح على عائلة اليازيدي لي رغم انهم مجمعين على طبلة الفطور ف القلوب مزعزعة و مجروحة ريهام لي جالسة حدا جداهل و مدخلة يدها ف دراعها و مقابل ليها نوح لي مني طرا هاداك البلان معاها البارح مابان حتى الصباح عاد داخل و باين فيه انه ماناعسش
الجدة؛حالكم ماااااعاجبني و خا كاديرو الضحكة الصفرة ليا
الكل: لا لا ا جدة
الجدة: اسكتو و نتوما تلاغطو عليا كي الشناقة راني ماشي دريرية صغيرة نرشع ف صبعي راه من شوفة العين نعرف لي طاري ..حفايدي حتى حد فيهم ماهاني زوجت باش نهنا عاد ماتمشكلو .مزال نبيل نسرط تعامل مرتو مع لحمل و بدات تقل راه 4 شهور عندها ...وليني مروان و سارة لي من نهار خرجتي من الدار حالك تقلب سفاه على علاه ولييتي ا مبهلس الهدرة عليك ونتا تقول ااه ..تقول بحالا مجربين فيك السحور ..اما لالة ريهام لي مدااايراها قد راسها و مسافرة بلا خبار راجلها ..نتوما غير قولو ليا فين نعطي للراس معاكم..انا شيبتووونب كتر ما انا شايبة ..هادا الله معاكم
ناضت وخلاتهم بقا كلشي شوف فيا نشوف فيك نتا ماطيب و انا ماناكلك حتى نطق نوح : نوضي جمعي حوايجك انرجعو لامريكا
فاطمى: اويلي اوليدي جيتي غير البارح و ترجع ليوما مازال حتى ماشبعت منك
نوح: لواليدة بلا مانكترو اللهدرة لي فيا يكفيني ..تكعدي نتيا راه معاك كانهدر
نبيل؛ اوووووو كاااالما ..كيفاش تكعدي راك ماشي جيبها من الموقف
نوح: 😡 دخل سوق راسك انا و مراتي ونتا مالك
نبيل وقف : وعرفناها مراتك ابنادم و لايني جمع فمك وهدر بادب .
نوح: وقف حتى هو و بيناتهم غيى الطبلة: ولا ماهدرتش بادب اش ادير 😏
بوشعيب: واااااهنيوونا ...واااه مابقيتو تحترمو حد ..مادرتو بحسابنا حنا لي جالسين
نبيل؛ الواليد را....
بوشعيب : ماكاين لا واليد لا زمر
مروان؛ راه نبيل عندو الصح ..نوح عيق و الاكنت ساكت ف غير احتراما لكم اما كن كان ف الزنقة بربي لا دوزتها ليه
نوح: هههههه بغيتو تحاااماو ويلاه نخرجو و نتفاهمو ا ولاد العم
سميرة: ويييلي على مستوى كايهدر ببه مع مراتو
سارة: ديها ف لجهة ضاراك هو و نرتو ونتي اش حرق شطاطتك ياك ماهظرك حد و سدي درقوشك
سميرة؛ ا بشوية عليك احنينيتي ظابا طرطقي ...انا قلت غير لي كاين
ريهام: تكوهي ف كانو ان شاء الله ونتي دايرة كي موكة تفووووو منك سيفتك ولات كاتجيب ليا الردة
بوشعيب: هز يدو و صرفق بنتو لي بقات مصدومة اول مرة يحط يدو عليها : سكتوووووو كرهتونا ف حياتنا و فجماعتنا براهش ديال الخلا و لاو غالببنا حنا الكبار..تكعدي جمعي شراوطك سيري مع راجلك ..و دار عند مروان و نتا ياااااا اترجع للدار وتصالح نتا ومرتك ولا من اليوم ما نتا ولدي ما انا باك ....مزيان تبارك الله رخينا لكم شوية وبغيتو تركبو علينا
ريهام طلعت تجري وهي شادة ف حنكها د موعها ماحبسوش ..وصلت لبيتها و تلاحت فوق الناموسية تبكي وتعيط لي يبكي معاها اما سارة ف جات كاتهدن فيها وخبراتها بلا اتمشي معاها لامريكا
ريهام: هئ هئ واش اتقولي لمروان
سارة: يعود لمخو ..اصلا ف عقد الزواج واافق انني نمشي لبرا نكمل قرايتي ..انقوليه يا اتوافق يا انخبرهم بمسالة الطلاق وهو باين ماباغي يقولها لحد حدو مكون
ريهام: ناااري ااتجبدي عليك غير الصداع
سارة: 😏 حتا نتيا ..شفتينا دابا غير هانيين ..نوضي نوضي نمشيو ندورو ونساو الهم ..اللهم لمريكان ولا وجه موكة
ريهام: مممم اما وجه خوووك مطفرو
سارة: انا بغيت غير نعرف اش دار لك
ريهام: هااانتي اتمشي معايا و اتعرفي كلشي
شدو لطريق و واحد ماتايشوف ف لاخر اما سارة ف هي ناشطة حيت على الاقل قدرات تعصب مروان و تبين ليه بانها قوية ة مسالة فراقهم مافارقاش عندها ..بعد مدة وصلو لامريكا ف المطار ركبو ف لوطو لي خلا نوح ف الباركينغ و شدو الطريق
سارة: انمشيو لدارنا ؟
نوح: لا
سارة: امشيو لدار جدي ؟
نوح؛ لا
سارة: اياطوا فين انمشيو ؟
نوح: انمشيو لداري تما فين اتجلسي ننها نيت تونسي ربهام راه كاتقنط
ريهام؛ مرحبا بيها ..ولكن انا ماكانقنطش حيت ماكانبقاش ف الدار واقلة راني خدامة
نوح: وهو تايشوف ف الطريق وجاوبها : مابقات خدمة
ريهام: كيفااش مابقات خدمة واش وقتما ترشق ليك تنكدها عليا
نوح: بقاي تجعوقي كلمتي مااتنزلش للارض
خلاها كاتغددد ابوحدها حتى وصلو للدار ودخلو ماهدرت مع حد دخلت لبيتها بدلات و خرجت لعندو اما سارة ف مشات دوش ؛ كيييفاش 😡😡😡 و لاي حق تحكم ليا ف خدمتي
نوح ؛ ماكاينة خدمة ودابا سيري رتاحي راه جايين عيانين حسن مانوض نخلف ف مك الهدرة ظيال البارح
ريهام: راه وخا تجي الامم المتحدة تقول ليا جلسي من الخدمة والله لا جلست
زادت و خلاتو وخلاتو هو هاد للمرة يتغدد
صبح الصباح ووجدو ريوسهم سارة لي اتمشي لافاك و ريهام لي اتمشي للخدمة خرجو عند نوح بجوجات حيت ريهام باتت مع سارة ف بيتها و خلات نوح بوحديتو
نوح شافها بنص عين وهو تايشرب ف قهوتو؛ فايقة بكري و موجدة راسك 😏 وخا انا كانتسناكم للتحتهبطو عندو وصل سارة هي الاولي و من بعد ريهام لي وصلها قدام شركة جدو : دابا درتي مابغيتي و عصيتي هدرتي و انا دوزتها حيت ماباغي مشاكل ولكن هادشي خاصو حل
ريهام: الحل كاين ..عطيني غير شي شوية الوقت نرتب اموري ف الخدمة و انديميسيوني ..انا اصلا ماباغاش نخدم غير نتت كاتشد معايا للعكس و انا عنيدة كانبغي ندير لي ف راسي ولكن ماجاتش نخرج هاكاك بلا مانعلم جدك .ياك ولا لا
نوح لي برداتو بالهدرة لب قالت : ماقلتي عيب .ودابا قولي ليا مالكي معايا مني كشيتي للمغرب عواجيتي
ريهام؛ والو غير كنت معصبة
نوح؛ و المشية لاكادير ؟
ريهام: انجي بليل ونعاود لك كلشي
نوح بشك : مممم احنا انشوفو
باسها ف حنكها وهي ضحكات ليه ضحكة صفرة و هبطت ..دخلت عاد كسيرا هي نيشان لعند جايكوب دقات ف البيرو و طلات عليه : هلوووووو😊😊
جايكوب: اوووو مرحبااااا نهار كبير هدا ..عاد الشركة نورت
ريهام ؛ منورة بوجودك ..ايوا اشنو الجديد
جايكوب؛ الجديد عندك نتي ؟ كيف دايرين العائلة ف المغرب
ريهام: كلشي مزيان ج.ة لي عيانة ؛ ف خبارك سارة جات معانا
جايكوب: نتي ومن ؟
ريهام: انا ونوح راه جا تبعني حتا المغرب
جايكوب سكت مدة ونطق : و قلتي ليه علة الحمل ديال ايلينا ؟
ريهام: 😳😳 كي كيفاش عرفتي
جايكوب: عارف ماشي من حقي ولكن نهار ركبت الكاميرا حتى انا انسطليتها ف تلفوني لاني شكيت ف الامر
ريهام: 😡😡
جايكوب: بغياي تغوتي ولا تعيري ما انقوبك والو حيت من حقك ..ولكن دابا خصنا نلقاو حل لهاد المشكلة
ريهام :ماكاين حل ..خاصني نتاكد بعدا
جايكوب: سولي نوح جيه نيشان
ريهام: بحالا ايقول ليا الصراحة
جايكوب: عرفتي شنو جلسي بلاصتك ماديري والو ..الخبار اتجي حتى لعندك هاد الامور كاعما كاتخبا و ويليام ما ايسكتش
ريهام: دابا كلشي يبان ويتفضح المستور
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...