وجاوبها: وي سارة
سارة : فينكم ..ريهام كيف بقات
ينيس: حنا مازال ف الطريق وريهام مازال كاتنزف
سارة: 😭😭 واعدني بلا كايوقع لها والو راه والله وطرا لها هي شي حاجة ولا لملاك يا حتا نحماق
ينيس: سارة ماتزيديش عليا عاافاك ...مهم انا انسيفط لك سمية كليننيك لا بغيتي تجي
سارة: اه اصلا احنا جاييين ف للطريق
نوح؛ كيف بقات ؟
سارة: مازال مافاقت و كاتنزف
نوح: ضرب يدو مع الزاجة دلوطو وتايردد ؛ انا السبب انا السبااب
وصلو ريهام لكلنيك كايتجاراو بيها دقو لها البرا باش توقف النزيف و دخلوها للبلوك
بقا ينيس قدام الباب د لبلوك حلف لا تحرك ..حتا بانت له سارة جاية تجري عنقاتو وهي كاتبكي : امدرا
ينيس وهو باين فيه باكي : والو مازل الطبيب ماخرج
شاف نوح لي مع عمو وقلب وجهو مازال باعي ينوض يكمل عليه ولكن الوضع لي فيه دابا ماكايسمحش اهم حاجة عندو هي تفيق ليه مراتو وحبيبة قلبو
نوح بقا معاه عمو حتا دخلوه غرزو ليه دراعو لي دارو ليه فيه 6 الغرزات رجع جلس ف الكرسي حدا عمو مراتو لي كاتقرا القران وكاتبكي كاتمنا من الله يحفظ لها بنيتها و حفيدتها
بقاو شي ساعة حتى خرج الطبيب شتفو ينيس ووقف مشا لعندو : الحمد لله وقفنا النزيف ولكن نتمنا هادشي لي طرا مايتعاودش ديجا هي كان عندها حمل مهدد بالاجهاض
ينيس : اه نعست 3 مرت ف السبيطار بسبب هادشي
الطبيب: مهم دابا خاصها الراحة ومن الافضبل دوز هاد ااشهورة لي باقيين لها ناعسة على ضهرها ..وتبعد على الاعصاب والتوتر
ينيش:ممكن نشوفها ؟
الطبيب: دبا لا ..هي ناعسة وادوز الليلة ف العناية المركزة وغدا ان شاء الله نطلعوها لعرفتها هاديك الساعة شوفوها ..الحمد لله على سلانتها
مشا الطبييب وخلا العائلة فرحانة ولو نسبيا بان بنتهم بخير ..جا ينيس عند خالتو لي حالتها و مع مريضة بالطونسيو شد لها ف يدها وهدر: خالتي نتي مريضة سيري للدار و غدا جيو ماماين لاش تبقاو هنا
فاظمة؛ لا انبقا هنا حتا تفيق بنتي
ينيس: ريهام بخير ..خاصها لافاقت تشوفك نتي بصحيحتك .سيري نتي وعمي ..انا انبات هنا ونتوما غدا جيو
بوشعيب: نوضي نمشيو ونتي اطيحي ليا هنا .غدا الصباح نكونو هنا
مشاو هما ووصلهم نبيل حيت باه يلاه رجعت عليه الخلعة ومقدرش يسوق ...بقا ينيس و معاه سارة اما نوح ف معرفوه فين غبر
سارة عياااات و ينيس كدلك حطو الراس على لاخر ونعسو ..من غير نوح لي عااااد داخل وريحتو كاتكوخ بالكارو.توجه نيشان للفرمليه دور معاها تدويرة صحيحة باش دخلو لعند ريهام وفعلا لبات طلبو .كيف دخل لعندها شافها وهي دابلة فمها ناشف دايري ليها السلوكة و كريشتها مقنزعة قدامها شي حاجة جراتوليها باش يقيسها ..دوز يدو على كرشها وعجبو لحال بقا تايلعب بكرشها حتى حس بيها كاتحرك و البيبي تايفركل بحالا كايتجاوب معاه ..هز يدو وحطها على وجه ريهام ؛سمحي ليا انا سبابك حتى وصلتي لهنا من نهار عرفتيني ونتي لور لور ديما منعسك ف السبيطارت ولكن من اليوم طانواعدك عمرك مازال تشوفيني ولا تعرفيني ..انخرج من حياتك ف مرة اهم حاجة عندي تكوني مرتاحة وديري ف بالك بلا كانبغيك وانبقا ديما نبغيك باسها فف مها وراسها و خرج بتسلات كيف دخل هز لوطو د نبيل لي خلا ليه وكسيرا للدار ..طلع بلاحس فيق ايلينا و جمعو حوايجهم وخرجو حتى وقفو صوت جداه: فين غادي
نوح: مابقا ليا جلوس هنا صصافي انمشي وماتبقايش تشوفوني
الجدة: وعلاش هادشي بالسلامة طرا المشكل وحليناه
نوح وهو معصب: المشكل عمرو يتحل ماحد كانشوف ريهام مع راجل من غيري ..
الجظة: نتا لي فرطتي
نوح: حييييت حماااااااار انا حماأااااار..تكا على راس جداه باسها: انا مشيت دعي معايا فينما تصلي تفكريني
الجدة وهي كاتبكي: اتجي تشوفني
نوح: عمري مازال نجي لهنا ولو مانعرف اش يوقع ..
خرج وخلاها كاتبكي موراه وكاتحرق على ولد ولدها ..ركب ف لوطو و حداه ايلينا لي ماهدرتش عارفة راسها الا دواات ايعطيها علاش دور شد طريق للمطار من بعد ماخلا لوطو دنبيل تحت دار سمير ..قطع البيي و جلسة كايتسناو ف الطيارة
ايلينا: نوح
نوح: متكي على الكرسي و مغمض عيننيه : ايلينا بلا ماتحاولي تهدري معايا دابا بقات ليا نقطة ونتفركع
ايلينا سمعت هاكا وطمرت مابقاتش عاودتها
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
