دور مروان راسو باش يعرف راسو فين وبانو ليه القبورة عاااد ترف ؤاسو راه ف مقبرة و هاداكشي لي شاف واحد ميت جابدينو ..جالسة سميرة من جيه و مي زهرة من جهه ..شادين يدو و كايسكسو بيها كسكسو لي دايرينو ف القصرية .و معاهم الراجل لي جابو معاهم هو لي مقابل لا يبان ليه شي واحد و معاه خار النقبرة لي دورو معاه تظويرة صحيحة
زهرة: صدقتي زاااعمي ا سميرة قلت اتشوفي الميت لتسخفي
سميرة؛ على قبل مروان ندير قلبي صمة ..كملي كملي خلاص
زهرة: وانتي صدقتي ر اجل على هظاك المكلمن ديال مراد غير شاف للميت و بدا يرد بالخلعة
سميرة: خلييييييه هاداك راه ولد ماما غطيني
زهرة: صبرتي و اتنولي ا بنيتي ..من مورا هاد الدقة لي اتعطي لمروان عمرو يهز الراس
سميرة؛ ههههه انا ماباغاهش يهز الراس باغاه يهز حاجة اخري هههه
زهرة: الله يمسخك...واااعنداك تاكلي نتي من هاد كسكس راه هو بوحدو خاصو ياكلو
سميرة:كوووني هااااانية
مراد لي جاي تايقفقف:نوضي يلاه مابقيتش قادر نوقف
سميرة: سير ركب ف لوطو انا جاية
مروان ليداز هاد الحوار على ودنو وهو مصدووووم مان شاك ف سميرة ادايرة ليه شي حاجة ولكن توصل بيها الدرجة تجبد ميت من قبرو و تدير كسكسو وتعطيه ليه ياكلو ..هادي مادخلش للعقل ..بقا يطلب من الله يتبتو و يستغفر و يعاود ..تفكر سارة و رجع من للطرييق لي جا منها ..وهو مصدوووووم ماعارف مايقول لها ..وباش ايبدا وواش هادشي فييه مايتقال..وصل للوطو ولقا سارة خاشية راسها بين رجليها و كاتبكي .دق الشرجم و حلت ليه ركب ..وظار راسو على الكوسان تايسترجع هاظاك شي لي شاف مازال عقلو ماستوعبش ..سارة شافتو هاكاك عرفاتو شاف شي حاجة ماهياش فضلات تسكت وماتهدرش حتى ترجع ليه الروح وهو يهدر مععاااااها ..
بقاو هاكاك شي ربع ساعة ..حتى سمعو صوت طوموبيل دااز ضرب عليها مروان من لوطو عرفها ديالهم خلاهم فاااااااااتوه عاد كسيرا
شد الطريق و ماتايرمش عينو مفيكسية ف نقطة وخدة و عقلو خدام يدي و يجيب *لهاد الدرجة كنت مكلخ عيييااااات ريهام سارة يفيقوني بلا كاتسحر ليا وانا مدمدم كاتبان ليا برييئة .لهاد الدرجة الخقد والغل ف بنادم يوصل انه ياديك ...فرقووني على مراتي و مازال مارتاختش حتى تسيفطتي الروضة ..هو تايهدر مع راسو وتايزير على الفلون بلا مايشعر حتى حس بيد سارة تحطات عليه عاد فاق ...شافت فيه بعينين دامعين: مالك امروان اشنو شفتي
مروان: سكت مدة؛ لي شفت مايتقاااالش ا سارة ..ولكن ليوما غير بيا ولا بيها
سارة خافت لا يظير فيها شي خاجة بالاخص طريقتو ف الهظرة خلعاتها؛ لعن الشيطان ا مروان ..راك تتا مول العقل
رجع سكت مابقا هدر ..
اما عند سميرة لي جايا نااااااشطة ف لوطو و مشعلة الشعبي تشطح وتعاود ...مراد طالع ليه الكعز ماحاملش البلان ماكانش متوقع اتوصل بيها للدرجة لختا لهاكا بالاخص ماعالماهش وكدبات عليه من الفوق ..بانها غادة تمشي للورضة غير بلش تدفن واحد السحر
سميررة: الله داااااابا عاد رتاحيت
زهرة: اييوا هي لا حكيتي جيييبك
سميرة: باااااز كرش بلا ضلووع . .ياللالة لي بغيتيها نعطيها لك غير يصدق ليا البلان ....مال خبي مراد مقلق
مراد: قلبي على ديلمي ولا انقلب الزبل كاااامل و كلنا نتحرقو ف جهنم
سميرة ؛ كالم كالم . .مي زهرة هانتي وصلتي تهلاي غدا و ندوز عندك . هزي هزي قصرييتك ههههه
مشات زهرة و الراجل لي مان معاها وكملت سميرة و مراد طرقهم ..قربو الخرجة ديال ازمور و هي تفرقع ليهم الرويضة ديال لوطو غير بوحدها و تقلبت شي 3 مرات ..هما دااارو الدنب وربي نبههم شخال من مرة ولكن لي ساكن الشيطان ف قلبو عمرو يتوب...لا يفلح الساحر من حيت اتى ...بقات كاتقلب حتى حبست و روايضها الفوق وهما للتحت ..بقاو هاكاك مليوحين ماماين لي جا عندهم حيت اصلا ماكاين حتى واحد الطريق خاوية و بنادم ماخارجش ..سميرة و مراد مغيبين و دماياتهم كاتشرشر...حتى تم ظايز واحد موال الكاميو وقف وعيط للجوندارم و لامبيلونص يجيو يعتقوهم لا لقا و فيهم مايتعتق
مروان و سارة لي يلاه جايين قربو من هاديك البلاصة فين وقعت الكسيدة بانت ليهم الدنيا بدات كاتعمر و لوطو لي دازت كاتوقف ..خفف من السرعة وهو و سارة كايدعيو مالين لوطو يكونو على خير و تكون جات غير ف الحديد ..حتى سارة شافت لووطو؛ 😱😱 طوموبيلة مرااااد ....وققف وقف انشوفوهم
مروان لي تاكد من الطومبيل بلا فعلا ديال مراد و معاه سميرة كسييييرا بالجهد وكمل طريقو للفيلا ...سارة كيف بغات تهدر وهو يحبسها: غدا اتفهمي كلشي ماباغيش نسمع شي صوت
دارت قفل على فمها ..حتى وصلو طلعت لبيتها وهي مفاهمة والو ..اما مروان ف دخل دوش وتوضا وصلا دعا من كل قلبو ان سميرة تكون ماتت لانها لو كانت باقا النفس تاطلع وتهبط فيها ايقتلها
سارة لي دخلت لبيت لي فيه ريهام وهي منافاهمة والو عيات دور ف راسها وتفكر اشنو شاف مروان حتى حقد هاد لحقدة لدرجة انو ماوقفش يشوفهم واش حيين ولا ميتين ...سارة بقا راس يديها و يجيبها . خرجت متجهة لبيت مروان لي دقات و ماجاوبهاش ..دخلات بالششوية عند بالها ايكون ناعس . ساعة لقات البيت خاوي مافيه حد ..نزلات باتجاه الجردة عرفاتوايمون تماك.. لقاتو شاد كارو وقهوة كحلة ..جلست حداه وهو لم يحرك ساكنا
حتى نطقات....؛ علاش ماوقفتيش نعرفو اشنو وقع لهم
مروان بعد صمت: فخال هاظاك النوع كاعما تايموت
سارة: اشنو شفتي حتى حقدتي عليهم ؟
مروان؛ لي عمري كنت نتوقع نشووفوو ....انت انطلع نعس ولا جات شي خبار على هاديك الكلبة ماتفيقينيش
مشا مروان و خلاها ف حيرة من امرها حتى ناضت تنعس
مع الستة الصباح صونا تلفون الدار . فاقت فاظمة لي سمعاتو وفيقت راجلها لي جاوب بصوت فيه النعاس . واكان مستشفى لي خبروه بكسيدة سميرة و مابغاو يعطيوه حتى معلومات ..بالزربة لبس عليه و مشا لببت خوه يدق و يعاود ..فاق مخلوع و خبرو بلا بنتو دارت كسيدة وهو لي عند بالو ناعسة ف بيتها ..ساعة هي خارجة دايعة ...كتر الصداع و لهرج ....حتى كلشي فاق من غير مروان لي بصح نيت جبظ عليه .....ريهام لي سمعت غوات هنية على بنتها فاقت مفزوعة ...: سارة سارة فيقي سمعي الغوات
سارة : اصلا مانعساتش : اه سمعت انا انهبط نشوف اش واقع
ريهام: اجي نتي شفت وجهك صفر ياك لاباس
سارة؛ حتى نرجع ونعاود لك ..
خرجت وهي تلاقا بنوح جاي لعند ريهام دخل عنظها وهو مخنزر خاسر ...باس لها راسها وبصوت مظعظع؛ مال مرت عمك صابحة تغوت وتغبن ؟
ريهام: مانعرف ..يلاه هبطت سارة تشوفف اش واقع
تلاح نوح حظاها على كرشو: حكي ليا شعري ....بدات ريهام كاتلعب له ف شعرو وهو عاجبو الحال : مازال ناعسيين ؟
ريهام : دورات وجها لجهة اسلام و ملاك : وي خليهم يلاه نرتاح شوية ....نوخ نسولك ؟
نوح: الله يسمعنا خبار الخير كاعما كانتفايل بهاد السوال
ريهام: شكون كاتبغي كتر ملاك و لا اسلام
نوخ: بجوووووج كيف هي كيف هو ..راهم ولادي وكبدتي ..الله يحفضهم لينا
ريهام: اميييين ....على هاد الكلمة دخلت سارة فمها بيض : سميرة ظارت كسيدة
نوح لي كان متكي ناض: كيفاش دارت كسيدة ..وهي اش خرجها ف هاد الوقت ؟
سارة : بدات دورف عينيها : نانعرف مانعرف ...هبط للتخت وسولهم
مشا نوح لبيتو يبدل عليه ونزل عندهم يفهم اش واقع
اما ريهام ف شظات سارة و جلساتها حداها ؛ اجي عودي ليا ..عارفة واقعة شي حاجة كبيييرة
سارة:...بظات تعود كلشي من لي وقع لبارح حتى لكسيدة ديال سميرة
ريهام: 😱😱 اوواااااعدي ..اشنو شافها تادير ...
سارة: ماعرفتش
ريهام: انا انمشي نفيقو ونتي بقاي مع الدراري
سارة: راه وصاني مايفيقو حد
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
