اسلام تغطا بالوسادة وتايهدر وهو منغنغ: بعد مني ا اياد ماباغيش ناكل غير خليني
اياد: حيد عليه اامخدة: نووض ا لخرا بلا عياقة ماشي نتا لول و لا الاخر لي طرا لو هاكا
اسلام: جلس؛ ااااه ملشي انا لول ولا لخر ةلكن راه ماشي ساهلة بانك تعيش مع عائلة حاسباك ولدها و اب كان كايدير ما فجهدو باش يربيك احسن تربية و معتبرط ولدو لي اتسخن ليه كتافو مني تكبر ..في رمشه عين تلقا هادشي كان غير حلم وهم ..و لي مقود ف هاد للبلان كامل مك طلع قتاله وباك مامعرفوش هههه
اياد: دبا هادشي وقع و طاحت الفاس ف الراس اتبقا نتا جالس تغبن و مخلي باك ماعارف عليه والو
اسلام؛ ماباغي نعرف والو ...راه مقادش ا اياد نشوف فيهم .ماقادش نحط عيني ف عين بابا و نشوف نزرة الشفقة ف عينيه . ماقادش نعنق ملاكي ونقولها خوووك باقي كيف كان ...تفوووو ماعرفت مال ديلمي حيااي مخرية حتى بدات كاتقاد علاقتي بختي ..و مرتاح مع ماما ريهام ..حتى جات هاديك الكافرة رونات كلشي
اياد: سكت هادك راها مك .
اسلام: ماشي مي فهمتي ماشي مي ...انا عمرني نسامحها على مادارت ليا
اياد: دبا نوض كول و نشدو طريق للجديدة نشوفو باك
اسلام: بلا ماتبزز عليا ا اياد الله يرحم باك
اياد: راه مانزيدش معاك الهدرة ..تكعد اصاحبي ...ماتشوف حد على الاقل شوف غير باك لي مسطين حالتو...اسلام دير ف بالك واحد الحاجة الوالد هو المربي و عمي نوح رباك مزيان و ماخلا مادار لك ..ماتنكرش الخير ..وماتحاسبوش على شي حاجة هو ماعندو حتى دنب فيها
خرج اياد و خلا اسلام كا طبخ ليه هاد الهدرة ف راسو .ناض لعن الشيطان و هز راسو لقا اياد حاط الماكلة كلا شوية بلا مايهدر ...غسل و لبس حوايجو و اياد غير مقابلو بنص عين ...وقف اسلام حدا الباب و ضار عند اياد لي متكي شاد تلفونو: ماناويش تدينا
اياد: فين باغي تمشي
اسلام؛ نمشيو نشوف بابا
اياد بلا نايهدر وقف هز الكونطاك كان عارف اسلام كيفاش تابفكر و مايمكنش يتخلا على باه ...هبطو وشدو الطريق ..
اتصل اياد بباه لي سولو على نوح لي خبرهم بلا مازال ف العمليه و حتى خبر ماكاين
العائلة لي ف الكلينيك جالسين على اعصابهم ريهام لي لسانها ماوقفش من الدعاء لراجلها و حبيبها ..اما ملاك ف مسكينة بكترة الخلعة جلست ف الارض و حداها ريتاج كاتسكت فيها ...
ف نفس اللحظة لي وصل اياد واسلام مشا نيشان لعن ماماه ريهام تايعنق فيها : اش خبار بابا
ريهام: 😭😭 ماعرفت ماعرفتش ...مازل الطبيب ماخرجش ..
اسلام: ششش صافي راه ماايوقع ليه والو
ضور اسلام وجهو لملاك لي جالسه ف الارض مفيكسية الشوفة ف بلاصة وحدة و دموعها نازلين ..جا لعندها اسلام وجلس قدامها ف الارض : ملاكي ختي ..نوضي من الارض
ملاك : لارد
ريتاج: من الصباح وهي هاكا ماباغا تهدر مع حد
اسلام: جرها لعندو عنقها و زير عليها وتايهمس ليها ف ودنها ؛ غوتي بكي ضربي غير ماتبقايش زامتة على راسك ...انا خووك وانبقا خوووك ..وبابا ايصح ويرجع لينا
اسلام حس بيها كاتنخصص ف حضنو زاد زير عليها حتى بدات كاتبكي بصوت مرتفع و ماحدو هو تايكرز عليها وهي كاتزيد ف وتييرة البكا حتى بدات كاتغوت او بالاحرى كاتنحط ..حاولو العائلة يقربو لعندها و لكن اسلام حبسهم بيدو و هو بقا مزير عليها مخلبها دير مابغات حتى حس بيها بدات كاترخى بين يديه وغيبت ..كاع العائلة بكاو على حاله ملاك لي قطعات لهم قلبهم بالاخص هي معلقة باباها بزاف وحتى هو تايبغيها لانها البنت الوحيدة وسط العزارا ..اسلام ماخلاهمش يقربو ليها تكاها على رجلو ف الارض وبقا تايدوز ليها على شعرها و يقرا عليه القران حتى حس بالنفس ديالها تقادت ونعسات
ما هي الا دقايق حتى خرج الطبيب وتوجه للعائلة لي كلها كاتسنا خبر يفرحهم بان ولدهم ولا لاباس والعمليه نجحات ولكن للاسف تجري للرياح بما لاتشتهي السفن
ريهام: امدرا كيف ولا راجلي .ياك العمليه دازت مزيان هو بخير بغيت نشوفو
الطبيب: وعلامات الاسى على وجهو
الطبيب: وعلامات الاسى على وجهو : سي نوح عطاكم عمرو .البركة ف راسكم
..مني العمر تايتقادا ماعند لا طبيب ولافقيه مايدير باش يزيد ولو ساعة في عمر شي واحد ..وهادي كانت حاله نوح لي عطا عمرو و مات وهو تايصارع كانت امنيتو يشوف ولادو كبار ويقريهم و يزوجهم ..ولكن مو ل الامانة دا امانتو ..الله اعطى الله خد الله عليه العوض
بكثرة الصدمة ريهام بظات كاضحك بهستيرية حتى شدها نبيل خوها
اما مروان ف مشا مرة اخرة يتاكد من كلام الطبيب و فعلا نوح مات وخلا موراه عائلة مكلومة من فراقو
كانت حاله كل واحد كاتقطع ف القلب كتر من الاخر ..ولكن بقاو شادين ف راسهم بالاخص مني مروان مشا مع الطبيب لايكون غير شي غلط ولكن مني رجع وشافو دموعو نازلين غير وقف قدامهم وطاح على ركابيه تايبكي : نوووووح مااات 😭😭 مااات
محمد لي بقا بلاصتو ماتحركش وكيفاش ايدير وولدو الوحيييد لي هو عزو و راسمالو لي مسخن ليه الكتاف لي معمر عليه يمشي قبل منو ..كان يتسنى هو يموت وولدو يهز المرفع ويدفنو ..غادي يولي هو لي دافن ولدو ..بكا بكا وهو ف بلاصتو وتنخصص ولكن لسانو ماهداش من الدكر و الدعاء و طلب الصبر و السلوان على فقدان ولدهم
فاطمة كيف تاكدت من مروان خبر موت ولدها لي وخا كبر بقا صغير عندها ..كاتفكر مني يجي عيان و يلقاها جالسة ف الصالون يتكا على رجلها و يطلبها تلعب بيه ف شعرو حتى يديه النعاس ..
سارة ختو لي مهما كان مدوز عليها الا وعلى قلبها بخال العسل عارفة راسها وخا قبيح معاها الا وحنين فيها عمرو يتخلا عليها نهار يوقع شي مشكل عمرو يفرط فيها ماتايقاتش ان خووووها لي قدو قد السخط ولي شافو من برا يقول هادا مافيه والو ولكن لهلا يقلل لك صحة ..مالقات مادير من غير تنزل عند مروان لي باقي على ركابيه ..تلاحت عليه عنقتو و زيرت عليه وعطاوها بجوج البكا
///////////////////////////////
هنا سلا جزء الأول (هاد 5ايام لي جايين ما نحط واالو حيت ما نكوش ، منين نجي أن شاء الله اندير بوست جديد خاص للحزء 2 و انبداه من هاد الجزء)
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
