دازت شي 3 سوايع بدات ريهام كاتحل عينيها بشوية و هي تلقا واحد الضخامة ناعس حداها .بقات كاتشوووف فيه كايبان غزاال و هو ناعس لا يح يدو عليها و ناعس على كرشو ...بدات كاتسلل من حداه بشوية باش ما يفيقش ماجات فين تحرك حتى زير عليها و تايهدر وغالب عليه النعاس : رجعي لبلاصتك مازال فيا نعاس
ريهام : و انا فقت مبقاش فيا النعاس ..
ماجاوبهاش و جرها تحتو و هو فوقها بكامل جسمو
ريهام : ونوووووض راك خنقتيني
نووووووح والله مابقيت قادرة نطلع النفس ..اووووووف
نوح : ..هز راسو و شاف فيها و هوو مازال غالب عليه النعاس و فايق خاسر :بقاي تاففي عليا حتى نخلي عشتك ..راني عارفك جنسك كاموووني
ريهام : سبحااااان الله راه جنسي من جنسك ااااا ولد عمي
نوووح : تلاح على فمها ببوسة جاهلة : حلوة منك هاد ولد عمي مي بلاصتها قولي حبيبي عمري رووحي ..ونتيييي يارب السلامة فمك ناااااااشف
ريهام: مارضاتش يقوليها هااكا سرطاتها وعطاتو خو جوابو : ايييييوا فمي تايرطاب غي مع لي يستاهلو الرطويية سول سمير اااه ولا سول ينيس حسن 😉
نووح: قجها وهو مازال فووق منها : بربي حتى ن ....
قطع هدرتو باب الييت لي تحل و كانت كاتي هي و جيسيكا ..شافتو هاكا فوق منها مرضات اما البرهوشة طلعات تجري فوق الناموسية ؛ نواااااه وايكاااااااب ..
نوح وقف ساخط على الوضعية من ناحية هدرة ريهام و من ناحية كاتي لي دخللت بلا ماتاخد ادن
وقف و هز جيسيكا على كتافو وهو عريان من الفو ق اما ريهام ف بقات ف بلاصتها ...مشا قدام كاتي وقرب لها حتى لصق معاها ونزل عند ودنها : المرة الجاية دخلي اهاد البيت بدووووون ادني نقطعك طراف طراف و نوكلك للكلاب ..باسها ف حنكها و عطاها جيسيكا و هدر بصوت عادي : هبطو نتوما احنا نازلين اوكي بيبي و غمز جيسسكا
خرجو هما سدو الباب و كاتي لي رجليها كايرجفو بالخلعة ولات كلها كاتقفقف ماوصلات لتحت الا بمشقة الانفس
اما نوح ف ماتسوقش ل ريهام دخل للدوش وخلاها كاتغدد شدت مخدة و عضاااااات فيها باش مايسمعش غوااتها: وااااااااااااع ...ويلي على المكبوووت كايبوس فيها قدااامي ..يحرق جدك على جدها ..وخا ف مك ..باغي دير معايا فعايل تسلقيط انناااااا نوريهم لك ...غي بلاتي
.حلات باليزتها وجبدات منها شويرط قصيييور نواغ و ت شيرت سماطي ف الكري و سطو نايك ف الحمر ..جمعات شعرها مشطة مرخوفة ...دارت مايكاب خفييف بزاف ..لبسات صندالة ديال الصبع هزات بورطابلها ونزلات بالجري قبل ما يشوفها نوح اشنو لابسة ..نزلات التحت لقاتهم كلهم مجموعين ...بقاو تايهدرو و ريهام طلقات معاهم ...حتى جايكوب جمع معاها و عاود ليها على قرايتو و خدمتو ف نفس الوقت..اما جيسيكا غير لاصقة فيها .جلسات ريهام فوق رجليها وبقات كاتوريها تصاور ديال العرس ...حتى سمعت التنحنيحة ديال نووح ) رااااجل ياختي راااجل (😍😍
وهي تركبها القفقافة ولات كاترعد و كاتغطي بجسيكا رجليها عاااارفة راسها قوداتها ...نزل نوح وباين عليه انه مدوش ..سلم عليهم و جلس اونفاص ل ريهام و هاز كاس ديال القهوة و حاضيييها اما هي مابقاتش قادة تهظ راسها فيه مازال دايرة السبة بالتلفون و جسيكا ...العائلة تايهدرو و نوح جوابو على قد سوال بقا مقابل غير ست الحسن و الجمال لي منخلاااااااه و ماعارفش بلا الخلعة لي دايرة ليها هاكاك ...شوية نوح عيط ل كاتي تجي حداه ناضت تجري جلست حداه و تمخشت و هو تايهدر معاها بهدوووء و لكن كلامو بحال السم ..اما ريهام ف حاضياه بنص عين و كاتشوف كيفاش تايهدرو و هي مني تبغي تهدر معاه يقلبها غوات ..بقا ساهية فيهم حتى وصلها مسج ف بورطابلها كان من نوح *مانصحابش مراتي حبيبتي ماعندها ماتلبس حتا نازلة بهاداك ت شيرت معرية 😬*
حتى هي ماشي من العاجزين وخا ف خاطرها كاتقول هادا مازال ماشاف شورط و شوف اش دار ..وهي تجاوبو ب مسج *راجلي حبيبي ديها ف الجهة ضاراك و بنت خالك ولا صاحبتك حداك حكم فيها كي بغيتي😬*
نوح : *ماداراني حتى جهة من غيرك دابا اتقلعي تقودي من قدامي ومن قدام هاد الز...لي من صباح وهو حاضيك ولا بربي حتى تشوفي واحد للوجه عمرك شفتيه*
ريهام قرات المسج و ماجاوباتووش نخلاتو ..حطات التيل وبقات مجمعة مع خالو و مرة مرى جايكوب كايشارك معاهم الحديت
...اما نوووح ف صبر حتى عيا و قنوفتو التحتانية كلاها بالعضان ما شعر حتى شير بالكاس لي ف يدو جايو ف الحيط لي موراها خلاها قفزت وغوت بحر جهدو حتى عرق عنقو طرطقو : قلللللت لدييييييللمك طلعي قودي لبييييييييتك 😡😡😡
ريهام شافتو هاكا و عطاتها لجري و هو غير شاف لبستها كاملة لي معرية و تبعها حتى وقفو خالو و جا قدامووو: هيييي كالم توا
نوح صدرو تايطلع وتايهبط عينيه غير ف للدروج باغي يتبعها : مكالمي غير خليني ندوووز
خالو: ماادوووز حتى تبرد لا تمشي تفوت فيها شي دقة
نوح وصبرو تقادا و جامع يدو على ششكل بونية ولكن حاني الراس قدام خالو حيت عزيز عليه ...وهنا جايكوب بغا يشري الصداع : سعداااأتك اولد العمة ونتا لي مزوج و طاااااااااي عندها ا معلم اااااح 😋😋
هنا نوووح ما بقا يبان ليه لا خالو لا عمو يلاه ايتلاح على جايكوب بالعصا اصلا حاااالفها فيه من شحاااااااال هدا و دابا جاتو الفرصة ... جتى وقف جدو : نووووح جايكوووووب ...مابقيتو كاتحتارمو حد ..
نوح ماقادرش يهدر غير تايغزز على سنانو ولي زاد استفزو ان جايكوب مامسوقش كاأااااايضحك
نوووح والاعصاب وصلو لحدهم و لا كلو كايترعد : و بربي و تشوووف فيييييها شوففة وحدة نقتلك .. يلعن للز** لي قالها ليك ...ايوااااا وبقا فمو و مااااااجاب ....ما تفرق عليه حتى شدات جاتو من قلبها وسخفات هي اصل مريضة بيه ...اما ريهام فف هي كاتسمع الصداع وماقاداش تخرج من الحمام لي ف بيتتهم مخبية تما و دموعها دايرين طرييق : اش داااااااني انا ...انا كلبة كانسوااااش ...نلبس جلابة مالي على حالتي 😭😭😭...ليووووما يقتلني...ياربي فكني ..ياااااارب
ماجات فين تكمل دعوتها حتى تفرع عليها الباب ديال الحمام
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...