ف لافاك عند سارة داخلة هي و جيمس صديقها حتى كاتبان لها ايلينا جاية عندها وقفت قدامها وهي كاتنهج ؛ خاصني نهظر معاك
سارة: ماعنديش الوقت لي نسمعك ا ايلينا
ايلينا: سارة مايكونش قلبك قاسح محتاجة نهدر معاك
سارة: اوووف .اوكي قولي اشنو بغيتي
ايليينا شافت ف جيمس : نهدرو بوحدنا ..جراتها من يدها و مشاو لواحد الجردة قريبة لافاك
سارة: ايلينا هدري خلاص راك عصبتيتي مني جلسنا ونتي ساكتة
ايلينا: 😭😭 عاونيني ا سارة نتي لي بقيتي ليا كلشي خدلني ..سارة انا هادشي لي انقولك بغيتك تيقيه و انا خايفة على مصلحة خوك كتر ماخايفة علة راسي
رسارة: هدري راك خلعتيني
ايلينا: انا حاملة من نوح هئ هئ و هو عارف هادشي و بغاني نطيح البيبي
سارة: 😳 ولش كاتسطاب عبيا كيفاش حاملة ا ويييلي نوح تايبغي ريهام
ايلينا: والله ماعرفت هئ هئ نعسنا واحد المرة ومن تماك ما ولا عندي حتى سخفت و طخت بانهباى و داني بابا ل سبيطار تماك خبرني بلا راني حاملة
سارة: اوييييييييييلي حي ..اش انقول ل مرتو ...و العائلة ..بابا الا ساق الخبار و الله حتى يموت فيها
ايلينا؛ هو بغااني نطيحو هئ وانا ماقدرتش راه ولدي ولا بنتي هدا ..والمشكل ا سارة ان الموضوع خرج من يدي و بابا عرف باللامر و عرف باكتر موضوع مخبيه نوح و ماعارفو حتى واحد
سارة؛ اشمن موضوع
ايلينا: مانقدرش نقولك حاجة وحدة بغيت تعرفيها هي انك تقولي ل نوح يدير معايا حل و لا كلشب ايتفضح و بابا ما ايسكتش
سارة؛ راه مافهمت والو ..وباش انتاكد بلا الولد ولد خويا
ايلينا: سووليه و راه عارف كلشي
مشات ايلينا و خلات شارة مصدومة بدات كادور ف راسها كيفاش ريهام طاحت هداك النهار و معامالتها مع نوح يعني هي عارفة بلا ايلينا حاملة ولاشاكة بالامر
شدات طاكشي و نيسان للشركة عند جدها
دازت سلمت عليه بالخف و مشات لببيرو د ريهام دخلت عندها وهي مخزفة
سارة؛ جوج كلمات ما انعاوظهمش ..مالك مع نوح
ريهان: وعليكم السلام بعدا ...جلسي ونتي داخلة بعجاجتك
سارة : ريهام..هدري مالك معاه
ريهام: واأااالو مالني حتى بخير
سارة؛ عرفتي ايلينا حاملة
ريهام ؛ وقفات بعصبية: هااا وصلها لك جايكوب سخونة
سارة: ياك ا ريهام تخبي عليا و انا لي كلشي تانعاودو لك دايراك كتر من ختي ..و فالخر جتيكوب ف خبارو و انا لا ..غير كوني هانية ماشب هو لي قالها ليا راه جات عندي ايلينا و قالت لك كلشي
خرجت رضخت الباب و زادت صدرها كايطلع و ينزل بالفقصة نارضاتش ان ريهام تخبي عليها هاد الامر..تبعاتها ريهام و عنقاتها من اللور و بدلت تبكي ؛ سمحي ليا اسارة
سارة دارت عندها وعنقاتها ؛ ششش دابا صافي علاش البكا ..انا غيى بقا فيا الحال حيت خبيتي عليا
ريهلم : هئ هئ مارضيييتش ا سارة ..راااااجلي هو و صاحبتو و حاااملة من للفوق واش ماشي تسطاي وتحماقي ..راه باز حتا باقا واقفة بعقلي و كانهدر ونضحك كان شيئا لم يكن ...راه ربي لي عالم بيا قلبي كلو كايتقطع و الماس داخلين فيا ..عييييت بغيييييت غيى نرتاح .مني تزوجت من خوك وانا ف المشاكل و قلة الصحة
سارة: ششش سكتي اجي نحرجو من الشركة ونتي كاع الموضفين تفرجو فينا جاب الله ماتايفهموناش
خرجو البنات و مشاو للقهوة و ريهام مازال كاتبكي و سارة مالقات ماتقولها غير ساكتة حيت خوها كيف كانقولو دارها بلا وضو و فرطها معاها بزاف و عملتو لا تغتفر
سارة: دابا اش ادير ي ف هاد شي
.انا حرت ماعرفت ماندير و لا نقول
ريهام: اول حاجى نتي ما اديري والو و ماتقولي والو ..انا خاصني غيى نتاكد بلا ايلينا بصح حاملة يمكن دايراها كدبة باش ترجع لها نوح
سارة: يمكن ...ولكن كيفاش انعرفو هادشي ؟
ريهام: انا انمشي لعندها نهدر معاها ونشوف اشنو تحت راسها ..بغيتي تمشي معايا يلاه ..ولكن ماناكد علييك الهدرة بيناتنا ماتوصل ا حتى واحد
جا نوح لعندهم و رطبو معاه سارة قالبة و جها ماحاملة تشوف فيه بالاخص ل موضوع ايلينا طلع بصح اما ريهام ف ساكتة و كاتشوف ف الطريق .حتى وصلو للدار طلعو و كل واحد دخل لبيتو ..ريهام واقفة قدام البللكار كاتبدل ف حوايجها حتى عنقها نوح من لوى تايشم ف شعرها : مممم شحال توحشت ريحتك ..منب مشيتي عليا كنت انحماق الدار خوات بلا بيك
ريهام لا رد غيى كتيتسمع ليه و ماحدو و هو معنقها و النفس كاتخنق فيها
نوح: عمرك تبعدي عليا ا حبيبتي ..انا انسى كلشي لي طرا و الصداع لي وقع ف المغرب ا نساه ..بغيت نعيش انا و ياك حياتنا ونولدو وليداتنا يعمرو علينا الدار ..ههه عرفتي انحماق ونجيب بنية منك
ريهام : دارت لعندو وهزت عينها فيه : وتقدر شي نهار تخوني نطلع لك ف راسك و تشوف من غيري شي شهبة الواد ديال هنا طيحك
نوح: باسها ف نيفها : على انا مالي حمق نخلي هاد االزين كامل ونشوف هلى برا
ريهام: اها ه و ايلينا؟ زعما كنتو نع بعضكم تقدرو ف اي لحظة ترجعو
نوح: 😡 نتي جااااامي تخلينا ناشطين هاديك اش جبدنا فيها
ريهام:دازت جلسات ف للكومود : الموضوع متيستلهلش هاد العصاب مجرد هدرة وصافي
نوح' وانا ماعنديش مع هاد الهدرة .السيدة ساليت معاهاا شحال هدا ودابا كاينة نتي و بس
ريهام: اوك بيبي كالم توا ..مهم كوموندي لينا شي حاجة للعشا مافيا لي يطيب
نوح: وليتي ف شييي شكل . المهم انا انخرج نجيب العشا و نجي باش تشرحي ليا مشيتك ل اكادير
خرج نوح ووخلا ريهام ف البيت جات عندها سارة و جلسو مجمعين دازت شي ساعة و رجع نوح وهاز ف يدو كنتاكي ..بداو كايتعشاو و ريهام كاتعامل ببرووووود عكس العواصف لي ف قلبها كملو عشاهم وكل واحد دخل لبيتو ..سارة لي دخلت دارت دواها و قرات القران و صلات صلاتها و ريهام ونوح لي كيف بغات تنعس و شقمها باش تعاود له : ايوا هدري واش انبقا نسولك ديما
ريهام: ختك مريضة كاطيح مديور لها سحر تيق و لا لا ولكن هادش لي كانقولك صحيح ..انا ديتها لاكادير عند واحد السيد فقيه باش يتبع معاها ويقزلنا اش انديرو
نوح: نن نيتك كاتهدري
ريهام: لا من فمي. راه كانقولك لي كاين ماكاتشوفش ختك كيف ولات كي القطيب ..راه مابيها والو عضوي راه مسحورة وخاصها تداوا
نوح؛ و كيفاش انديرو لها
ريهام': هي متبعة هاداكشي ع لي عطاها ..خاصنا نوقفو بيها ومعاها باش ماضعفش..الله يشفيها
نوح: واااو فييلم هدا ..عمري كنت نتخيل سارة يطرا لها هكا وشكون ايديى لها هادشي
ريهام: مانعرف ان بعض الظن اتم ..المهم انا غير قلت لك باش ماتقولش انني درت شي حاجة مور ضهرك
المهم من بعد هاد المحادتة دازت 4 ايام و ريهام ف كل مرة كاتبغي تمشي لعند ايلينا و كايخرج لها شي بلان ...حتى للنهار لي اتعرض فيه ريهام على هائلة نوح من ماماه للغدا حست عمرهم جاو لدارها ..لدلك قالت تجمعهم حيت ظارو معاها النزيان وعمرهم جرحوها و منها تكون بحاا حفلة وداع باش الا طلعات ايلينا بصح حاملة تزيد فحالها ماتباتش و حتى حد مايعرف خبارها
ريهام لي ف الكوزينة واقفة على شغلها بيدها و دارت اكل مغربي مئة بالمئة وسارة كاتعاونها ...قادو كلشي و دخلو يبدلو باش يستقبلو الضيوف لي على وصول
سارة مشات لبيتها تلبس عبيها و ريهام دخلات للبيت لي فيه نوح كان تايقاد شي خدمة ف البيسي ..دازت من حداه جبدات قفطان جوهرة بيض خفيف و بليغة بيضة حطاتهم فوق الناموسية..نوح حاضيخا و مبسم: ايوا على الناس ديال البيض 😍
ريهام : حضيييني ياربي السلامة نوض نوض تل راه قربو يوصلو انا اندخل ندوش
نوح: انا انجي ندوش حاس براسي سخفااااان خاصني لينيرجي ..الماتش ديال الباارح ماكفانيش
ريهام : 😳 كن تحشم انا دخلت ..هزات ريهام الفوطة لي كانت مطوية ف الماريو و دخلات للحمام مانتبهاتش لل باكي لي طاح ليها بدات كادوش وكاتفكر ف الماتش معاه البارح كانت حالفة ماتخليه يقيسها ولكن ماحسات الا وهما دايبين ف بعضهم ..مافيقها من تفكيرها غير الدقان علل الباب ديال الحمام ونوح تايغوت ؛ خرجيي خرجييي
هي بلا عكز عليها خافت تكون طرات شي حاجة ب سارة حيت ولات كاطيح ليهم
لوات عليها الفوطة ووجها صفر بالخلعة حلت الباب ولقات نوح قدامها كايترعد بالعصاب ووجهو حمر عينيه فالتين
ريهام: مالك خلعتيتي ياكما سارة
نوح: هز يدو وصرفقها وعاودها التانية ..لاح عليها الباكي وهو تايغوت ؛ اشنوووووو هاااادشي شرحي ليا 😡😡
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...