عنقاتو ريهام وهي كاتبكي : نتا ولدي ولدي وماكاينش لي يحيدها ليا من فمي
ايلينا ماستحملاتش مني شافتو معنق ريهام توجهت لعندو و جراتو وقفاتو على رجليه وهو وجهو مابقا فيه مايتشاف بالدموع العاءلة كلها بكات : نتا ولدي انا وهاد الناس ماعندك بيهم علاقة ..نوح ماشي باباك فهم فهم
نوح وقف لها وهي مازال شادة اسلام لي رجليه فاشلين عليه وتايدعي الله يكون غير تايحلم ..مع وقف حداها مع عطاها للوجه : ااااااخر مرة نشوفك هنا وكدوبك سيري شوفي فين تحطييه
ايلينا بالغوات وشادة من حنكها : و مااااااااااشي ولدك وااااتاافهم ..هادشي علاش قتلت ولياه حيت هو لب كان عارف الحقيقة ...انا ماعند لاش نكدب عليك و التحاليل ممكن ديرهم من دابا باش تاكد ..انا انخلي لك الو لد ليوما و غدا انجي لعندك ناخدو ..
خرجت وخلا موراها عاءلة على قدها محطمة اما نوح لي بقا مصمر بلاصتو لا تحريكة لا رمشة ..كلمة وحدة تاتردد ف ودنو ماشي ولدك ..بقا هاكا حتى طاح على وقفتو مشبح ف الارض شاد على قلبو و النفس مابقات لاطلع لا تنزل
مع طاح مع العاءلة كلها تجمعت عليه ريهام تغوت وضرب ف جنابها: نووووض اه نتا لي بقيتي لسا ماتخلينيش بحال كيما مشا بابا
مروان لي عارف الدقة تعاون عليه خو ونبيل وهزوه ف اللوطو مشاو يجريو بييه للسبيطار العاءلة تبعتهم بقات غير هنية و فاضمة كايتمناو من الله ما يطرا والو .
هما مشطونين مع نوح و نساو وغفلو على اسلام لي مني طاح باه زاد هو غير اياد لي شافو و تبعو ..خدا لوطو ديال باه و ركب اسلام لي دموعو هابطين شلال ..ماهدر ماتكلم معاه عارف وخا يهدر ما عندو باش يفيدو ماشي ساهل و لد عايش حياتو كاملة على اساس باه هو نوح تجي وحدة تخسر عليه كلمة ترون ليه خياتو كاملة مابين ليلة وضحاها ..بالاخص هو ف سن حرجة خاص لي يشد ببه ماشي يعطيه صدمة تخليه مايعرف اصلو ولا فصلو ..
اسلام: فين غادي بيا
اياد: انمشيو نشوفو باك راه حالتو
اسلام:ماعندي اب انا رجعني للدار
اياد: شوف الا كنتي نتا مكنزز ف انا كتر منك ..نوح لي ماباغيش تقول ليه باك راه هو لي رباك ...كاتحاسبو بحالا هو لي كان مخبي عليك
اسلام: ماكانحاسب حد حطني هنا الله يرحم جدك
اياد: عرفتي اش يجيك منيح انمشيو للدار ف كازا منها ترتاح من بنادم
اسلام رجع الكوسان لور وتكا كايتفكر كلشي كيفاش نوح ماشي بابا ...حياتي كاملة وانا معتيرو قدوة ...يعني ملاك ماشي ختي ..وانا لي اخيرا وليت قريب لها و فرحان بيها و كانتسنا امتى تكبر و توصل و نقول ختى ولات شي حاجة مهمة ..يعني هادوك توام لي مهبليني ماشي خوتي..يعني محمد و فاطمة ماشي جدودي ..اما حتى ماما ريهام عاؤفها ماشي ماما ولكن عمري كرهتها ..بالعكس..الحب لي كانكنو ليها كتر من هاديك المسطية لي رونات ليا حياتي ....انا ماعندي علاقة بهاد العاءلة ماتايربطنا والو ..خاصني نهز راسي و نزيد
وصلو لكازا ودخلو للدار..اياد عطا لنوح فوطة و حوايج باش يدوش و يبدل ..دخل للدوش و مقابل المراية نفسو كاطلع وتهبط ف جسمو الفتي ديال مراهق همو مازال اش يلبس و تشويكة ويطيح التيتيز حتى ولا هاز جبل تع المشاكل على راسو ..بقا تايشوف حتى ضرب يدو على المرايا و دخل تخشا تحت الما بارد و دار وضعية الجنين و عطاها للبكا ..ماعندو مايدير فهاد العمر من غير البكا
عند نوح لي وصلوه بسرعة فائقة للكلينيك ...وطول الطريق ومروان تايتصل ب الطبيب لي متبع الحالة ديالو ..وصلو و الكل تايتجارا شدوه من عندو الفرمليات و دخلوه نيشان لغرفة العمليات بعدما شافو الطبيب و خبرهم انه جاتو ازمة قلبية على اثرها تبوشا ليه عرق ف القلب و خاصو العمليه ضروري ...دخلو و الدعوات ديال عائلتو معاه اما ريهام ف حالتها تبكي العدو قبل الصديق ..كاتغمض عينها وتفكر ان نوح ممكن توقع ليه شي حاجة كاتبغي تحماق ...فاطمة ماصابراش على و لدها لي دسما مسخن ليه كتافها و حاسة بانه معاها راجل مني طيح تلقاه هازها...يعني بالاجمال حالتهم تقطع القلب
مروان لي مابكاش حتى بكا على ولد عمو و صديقو و خوه التاني لي وخا يتخاصمو ما يدوزوش بعضياتهم ..حالتو حاله بالاخص هو الوحيد لي عارف بحالة نوح و حتى واحد مامشاركهم هاد السر ..ريهام بكترة الاعصاب و الستريس لي عايشة فيه و تفكيرها بان نوح ممكن يموت طاحت على وقفتها ..شافوها العائلة لي جات عندها يجريو هزوها و ظاوها لغرفة اخرى يدقو ليها البرا ..كلهم خرجو وبقا معاها مروان لي شاد يد ختو الوحيدة و متكي عليها و دموعو عمرو يديها ؛ ريهام فيقي اختى ماتزيديش علينا براكة غير نوح . ..فيقي راه عائلتك محتاجة ليك ...نوح اولهم محتاج ليك ...بقا حداها مدة هاكاك يهدر معاها حتى حس بيها كاتنخصص ناض جلس حداها فوق الباياص و باس ليها راسها؛ ششش ماتبكيش ديها ف صحتك
ريهام بالبكا: واعدني نوح ما ايوقع ليه والو 😭😭
مرولن: كانواعدك ولكن اريهام ديري ف بالك كلشي بيد الله و نوح راه مريض هادشي ماكان قايلو حتى ل شي واحد نابغاش يخلعكم
ريهام؛ 😳 كيفاش مريض
مروان: كان عندو القلب و متبع مع الطبيب و خبرو باش يدير عمليه ولكن هو رفض
ريهام لي جلست بعدما كانت متكية: 😭😭😭اويلي هادشي كامل طاري ف راجلي وانا مافخباريش 😭😭 علاش هادشي كامل يوقع بينا ...الله ياخد الحق فييييك ا ايييلينا
مروان: شدها من دراعها: توكدي معايا ..دابا ماشي وقت البكا...نتي لي خاصك تقوي هاد العائلة ..راجلك ف العمليه ..وولدك لي زاد لكازا ماعرفنا اش طاري ليه ...ملاك لي كاتنحط برا على باها ...ينيس و ياسين لي صطاو مي بالبكا باغين يجيو يشوفو باهم ...هادو كلهم محطمين ونتي الوحيدة لي خاصك توقفي قوية باش ياخدو منك القوة
ريهام: غطات وجها بيديها وعطاتها للبكا : ماقاداش 😭 ناقاداش ...انا خاص لي ياخدني و يعنقني و يقوليا كبشي ايكون مزيان ..انا راه محطمة كتر منهم
مروان شاف ختو هاكاك جرها لعندو وعنقها زير عليها وتايدوز على شعرها : شششش كلشي ايكون مزيان اريهام كلشي .
مسح ليها دموعها و نوضها باش يخرجو برا عند العائلة لي كايتسناو الطبيب يخرج و يطمنهم على نوح
ف كازا لي اسلام من بما خرج من الدوش تلاح فوق الناموسية و نعس حيت لامادرش هاكا يا ايحماق يا اينتاحر...بقا ناعس و اياد مابغاش يبرزطو هبط جاب شي حاجة ياكلوها وجدها و مشا عندو يفيقو : اسلام فيق اصاحبي تاكل
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
