ريهام ماتسوقتش ليه ولا لهاديك لي جالسة حداه ..سلمت عليهم كاملين سلام حار ديال القلب وصلت ليه هو ومدت طراف صباعها اما ايلينا ف ابتسمت ليها فقط و رجعت جلست حدا راجلها لي سلم على الكل بدون استتناء
الجظة: نتي امتا جيتي اجنيه كاعما شفتك
ريهام: جيت البارح بليل ا لميمة ..مانقدرش مانجيش لسبوع امين وهو ولد الغالي والغالية )شافت ف عاءشة وسيفطات ليها بوسة ف الهوا)
محمد: كيف دايرة ابنتي غبرتي علينا نتي وسارة حتا توحشناك
ريهام : غير للوقت ا عمي والله وحتا حنا توحشناكم على قبل هاكا قلنا نديروها لكم مفاجءة
الجدة؛ مرحبا بكم .نهار كبير هدا لي ولادي كلهم مجموعين ..مرحبا بيك اينيس
ينيس: ربي يخليك ا لميمة
الجدة: كن راه هاد المشات مكرفسينك
يينيس: ههههه لا بالعكس ..شاف ف ريهام وهدر: عمرو عليا حياتي
بدات ريهام كاتفطر وحداها ينيس تايحط لها اما نوح ف هز كاس القهوة ورجع تكا مور السداري تايشوف فهم كيفاش تايهدرو بشوية ويبتاسمو مرة مرة يمسح لها فمها ويقطع لها يوكللها ونوح غير تايتغدد لداخل بركان شاااعل عكس برودو لي من مبينو ..هدرت معاه ايلينا: فطر انوح ماكليتي والو
نوح جاوبها وهو مفيكسي الشوفة ف ريهام: شبعت غير كولي
ريهام لي ماتسوقتش ليه و مداتهاش فيه واش كاين ولا لا..ماهزتش فيه حتى العين رغم انو اونفاص معاها وهادشب لي زاد جننو
ريهام: بهمس : ينيس عافاك هديك ااكاتو لي فيها حب الملوك راااااه فين
ينيس هز راسو لقاا الكاتو محطوطة ف الطبسيل ديال نوح: ريهام غير خليها حتا نخرجو ونجيب ل حبيبتتي لي بغات
ريهام بدات كاتجمع ف البكية : صافي مابغيت والو
ورجعت لور
ينيس: اوووووف منك اريهام راه عند مولاها ناخدوها من قدامو وخدمي عقلك
فاظمة: كولي ابنيتي ونتي غير نقبتي
ريهام: وصوتها مخنوق : لا اماما مافياش
سارة قربت لها : مالكي نتي عقدتي غوباشتك
ريهام: تشهيت هاديك الكاتو
سارة شافت فين و مدات يدها اتهزها من الطبسيل ديال نوح وهو يسبقها هزها : ديالي
سارة: نوح الله يخليك عطيها ليا
نوح وهو تايشوف ف ريهام: نوو مشهيها و مانعطيهاش ليك
سارة وهي معصبة: نووووح بلا عياقة بغيييتها
نوح وهو مازال حاط العين على ريهام: دياااالي و مانخليهاش لا ليك لا لغيرك حتا انا مشهيها
ريهام هزات فيه عينيها لي مدمعين وشاف فيها جات عينو ف عينها ..حط الكاتو بلا ما يحس و ناض بلا مايهدر
سارة عطاتها لكاتو وريهام طاحت فيه عمية تاكل وتبنن و ينيس حداها مقابلها وهو معصب ..كملت ودارت عند ينيس لي عاقد غوباشتو وهي بابتسامة: ساليتها 😋😋
ينيس هز سربيتة مسح لها فمها : الا ساليتي يلاه
ناضو هما بجوج حيت هما لي بقاو ف لاطابل كلشي ناض يقضي اغراضو ..طلعو لا شامبغ و ينيس غير كايتمشا و يسوط
ريهام: مالك اينيس
ينيس: غير جيتيني حاملة اما نوريك شوهة لي درتي التحت و زايداها بالشوفات
ريهام: قربت ليه عنقاتو: حماقيتي ولا مالك ..راك نتا لي كاين هو نسيييتو وانا كان همي غير ف الكاتو هو ماهمنيييش واصلا ماشي انا لي خاصك تلومني خاصك تلوم هااادي هزت يدو وحطاتها عل كرشها؛ هاد البرغوتة لي دايرة ليا الشوهة
ينيس: 😡😡 ماتعيريش ليا بنتي اطبوزة ..اخر مرة اريهام نشوفك معاه ولا غير كاتشوفي فيه حيت هاد المرة ماندمنش ليك انقدر نتحكم ف راسي
أنت تقرأ
في قلبي انثى دكالية 1
Roman d'amourقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
