نوح هز تجاكيتو وخرج معصب من ريهام بي قطعت عليه و مافهمش مالها بالاحرى ماعطاش اهمية للموضوع لان خبر جمل ايلينا مرونو و ماعرفش كيفاش اتقبل ريهام الموضوع ..ماهموش يكون ولدو ولا لا مهم عتدو طيح الولد و يتطوا البلان قبل ما دري ريهام بيه هو تايفكر هاكا و ماعلابالوش بلا هي سااااااقت الخبار و عرفت كلشي ..اتصل ب جايك يجي عندو لان هاد المشكل يقدر يعاودو ل واحد وهو خالو
اما ريهام لي بقات ف بللصتها ماتحركتش حتى فاقت سارة لي فاتتها الحالة شافتها جالسة ماكتحركش ماكاترمش و دموعها نااااازلين كاتندم ف راسها كيفاش قدرات تيق فيه رغم انها هي براسها كانت كاتحاول تمتل عليه ف علاقتهم ولكن تعلقات بيه وولات كاتبغيه تمنات هادش يكون كددوووب وتفيق تلقا راسها ف حضن نوح كيف موالفة .تمنات يجيها للصراحة و يخلي ليها حرية البقاء ولا انها تمشي ...كانت بغات تنسا موضوع علاش نازلة المغرب لانها تشغللت بمشاكل سارة و مروان ..كانت اترجع ليه ريهام وحدة اخرى الاولة لي مافقلبهاش الحقد والانتقام عما عينيها ..لان فراق سارة ومروان فيقها ان الحب مايستاهلش لواحد ينتقم ولكن من مورا هادشي لي شاااافت و سمعااات تصدمت توقفت على الحركة عينها لي سايلين بدموعها كايبينو حرقة قلبها
سارة لي كاتهزز فيها ؛ ريهام ا ويلي مالكي ريييهام
ريهام عاد نتابهات لها جاوباتها بصوت هادي: وي ساارة
سارة : مالك احبيبتي على هاد الدموع تقول ميت لك الراجل
ريهام: 😏😏 والو غير بقيتو فيا نتي و مروان
سارة؛ممممم ولا قوليا توحشتي نوووح
ريهام: توحشتوووووو بزااااااف وعندي ليه مفاجئة اتسكت له القلب..مسحت دموعها بتنتار نوضي نخرجو راه قنطت
سارة: تسناي نعيط ل مراد باش نخرجو مجموعين
ريهام: اجي نتي اش بلانك مع مراد كيف درتو ليها
سارة؛ والو تلاقينا غير صدفة هنا وصدق تايعرف مروان وولينا صحاب
ريهام: و مروان ماخايفاش منو؟
سارة: ههههه مششااااااات ايام الخوف منو دابا لاوصل لودنو يعضها اصلا مامنحقوش يدخل فيا
ريهام: اويلي يا الحمقة راه راجلك
سارة: نوضي نووضي نوجدو راسنا باش نخرجو
ريهام: اوكي انا انهبط نشوف مروان
هبطت ريهام للفيلا لتحت لقات عمها جا سلمت عليه وسولت على خوها فين
فاطمة؛ من قبيلة و هو اونفاص مع البحر مشيت عندو انا وعمك والو والله ماتزعزع
ريهام: بفففف هاد جوج ايحمقوني
فاطمة؛ الله يهديهم ..ماخلاونا ابنيتي حتى نجلسو ونهدرو
ريهام؛ 😊 مااازال اخالتي الايام بيناتنا ارااااا مانتحتو خاص غير هاد عصافير الحب يرجعو لينا
خرجت ريهام لعند خوها لي متكي فوق رولاكس بحوايجو لي كانو فازكين و نشفو عليه ..جلست حدا رجلو : وادخل شوية للداخل راه البرد ديال البحر اينفخك
مروان: اكتر بلاصة كانرتاح فيها هي البحر ماكرهتش نبقا هنا
ريهام: مروان غير قولياااا مالك مع سارة واش دارت لك شي حاجة
مروان سكت فترة: مادارت والو ..وعافاك سدي هاد الموضوع
يلاه اتهدر وصونا تلفون مروان تلاحت عليه ريهام هزاتو و لقاتها سميرة وهي طلق الخط و ماهدرتش حتى نطقت سميرة؛ الووو حبيبي
ريهام: يعطيك حبة ف الطوطة يا المكبوتة
سميرة: عطي التلفون ل مروان ا لحمارة كيفاش كادخلي ف خصوصيات الواحد
رسهام؛ هههههههههه شاااااااايلاه اخوصوصيات و ديها ف كرك القحبة تلفون خويا و نجاوب وقتما بغيت نتس لي اش حرق شطاطتك ا شايطة
سميرة؛ اييوااااك شفتيني سكت لك اطلعي ليا فوق راسي والله حتى ندمك
ريهام: هههه باش اتندميني ااااله ولا حقا اتسحري ليا يا رباعة السحارة يا مو قنات هادي اخرتك ولكن ابلاتي لما فضحتك منتسمااااش
سميرة بالغوات: دوزيييي ليااااااا مرواااان
ريهام: ببرووود: سمحيلي احبيبتي مانقدرش نبرزط راجل هو و مراتو كايتمعشقو نمشي انا ندق عليه حقا ما حقا واحد القحبة مالقات لي يبرد لها دودتها معيطة لك ..ودابا اتقودي تشرييييه ولا انخلي الكيدارة تاع مك تتي وياها ديعو طلبو ف الزناقي اتريكة المكابيت
وقطعت عليها عطت تيل ل مرةان لي بقا مصدوم فيها اول مرة تخسر حداه الهدرة شافتو هاكا وهي تهدر : شوووف ااااه هي كاتعصب كن مادرتش هاكا كنت انطرطق
مروان: والله حتى ظالمينها اطيب خلق الله هي سميرة
ريهام: وكلاتك مخ الضبع احنيني ..عكد معايا شوية شفتك تحليتي
مروان: كاندوي بصح ا ريهام هي لي لقيت بجنبي مني مرضت كن ماهي كنت انتسطا
ريهام: بغواات: واااافيق للخرا راه هي لي بااغا تسطييك وتفرقك على مراتك ونتي خال فمك كيف الضبع ..و مازال كادافع عليها تقول باغي تاخدها
مروان؛ و مالها اشنو فيها
ريهام: وااااأش لتحمقوني صافي نتا خد سميرة و سارة تاخد مراد هو اصللا ميت عليها ملشي بحال هاديك الملقطة لي لاصقة فيك
مروان: كيفاش لاصق فيها اشنو بيناتهم
ريهام سمعت سارة كاتعيط لها ناضت و تمشات وهو كايتغدد ويغوت باش يقوليها اشنو بيناتهم دارت عندو : ايوا لا بغيتي تاكد من كلامي وان مراد مزعوط ف سارة يلاه خرج معانا احنا خارجين مجموعين
دخلت للداخل وهي كاضحك ؛ ابلاتي ا سميرة نشوفو شكون يغلب وااااش سحورك ولا حبهم
طلعت عند سارة لي لقاتها مقادة و مصايبة
ريهام: ف خبارك باغا نخرج و نسا و نغوت
سارة: ريهام حالتك ماعاجبانيش راه وخا كاضحكي راه غير من فوق خاطرك
ريهام: من بعد اسارة نحلو مشكلتك نتي ة مروان وهاديك الساعة نشوفو حريرتي
سارى: انا و مروان مابقا بيناتنا ما يتحل حتى واحد مافاهم شي حاجة ا ريهام ..واش مخاصمة مع نوح
ريهام: مابقيتش كانعرف هاد السمية ...نوضي نخرجو نشطو
يلاه وقفت سارة وهي تعيط فاطمة على ريهام هبطت لعندها لقاتها شادة التيل عطاتو ليها و حطتو على ودنها وهي كاتسول ف فاطمة بعينيها زعما شكون
فاطمة :هااانتي اتعرفي شكون
زادت مشات للصالون حدا محمد و خلات ريهام ف المرح حاطة تيل على ودنها و ماكاين لاهدرة لاوالو غير صوت نفس تايطلع و يهبط بالجهد حتى قالت : الو ..شكون معايا
وجاها صوتو كيف الزلزال معرعر و تايكشكش بالعصاب : ق**** هادة ...واش عينك تسيفطي ديلمي للروضة..انا لي ولد القحبة مسيفطك تسلكطي تماك و انااااا اااااااخر من يعلم بلا مراااااتي دايعة ليا ف الواليدية
ريهام يلاه كانت اتبدا تشرح ليه وتقول ليه راه جات مع مروان حيت مخاصم هو و سارة وهي تجي بين عينيها اللقطة لي قالت ليه فيها ايلينا بلا حاملة ..خرجت للجردة ةهي ساكتة مابغاتش تسمع صوتها ف للدار و عمها ومرتو حداها اما نوح ف بقا فمو و مايجيب كاااع المعيار لي بالدارجة و لونكلي قالو ..حتى تفرقعت عليه ريهام وحتى هي كاتربرب : وااااا جمع كرك ا لخرا من الصباخ و نتا كاتهز و تحط و انا ساكتة ليك راه ماشب خوفا منك غير احتراما لعاءلتك لي جالسة حداهم
نوخ؛ شفتك كاتخسري الهدرة 😡 صافي درقتي وجهك و تصحابي راسك مانقدش نوصل لك ..راه اول طيارة نهبط لمك نفرشخك
ريهام: الا وصلتي لودنك عضها ومن اليوووم ماتبقاااااااش دخل فيا نمشي فين بغييت
نوح: واااأاااااااش مسطية و لا مال والدين مك لحمك بدا تايكلك ..راك مراتي ا لخرا قالاك ماندخلش فييك ...اشنو بعدا قضية تلفون لي كلمة جوج تطفيه و تسافيرة بلا خباري
ريهام ببرووود: انا حرة ندير لي بغيت مازال ماجا ولد للمرا لي يتحكم فيا .
نوح كايسمع كلامها و تايعض على شفايفو وهو العصاب شاعل معاه: رييهام خليني معاك زوين رااااك لحد الساعة مازال ماعارفانيش
ريهام :😏 عرفتك و مزيااااااان
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...