ريهام بكترة الصدمة خرجو عينيها و ماعرفات ماتقول
مريم لي شافت ف سمير بمعنى اتنوض
ريهام ضورات وجها بالشوية ف نوح لي كاتسمع صوت نفسو مجهد ..لقات وجهو ولا زرق بكترة الاعصاب و العرق نازل ليه مع جبهتو عرفاتو ا ينوضها مع سفيان كردة فعل باش تبردو شدات ليه من فخدو وكادوز عليه باش هاكا يبرد
سفيان: لي مني مالقا حتى جواب ؛ مهم ا ريهام انا قلتها قدام ولاد عمك فكري مزيان و ردي عليا..نخليكم دابا
يلاه وقف وهو يوقف نوح فاصلة بيناتهم غير لطبلة ..سمير شاف هاكاك وهو يوقف عرفها اتنوض وهدر؛ مريم هزي الدراري و سيري البيت
مريم هزت اسلام و اياد و مشات
سمير: يلاه اسفيان نزلو
سفيان: اه اصلا عندي الخدمة دابا ..يلاه الله يعاونكم
نوح هدر من بعد طول صمت:لا لا حشوووومة تمشي بلا ماتاخد صوابك
ريهام: بصوت هامس؛ نوح كالم توا
نوح: بالصعرة: هزي بنتك وغبري من قدامي يلااااااااه
سفيان لي شافو هدر معاها بهاد الطريقة وتدخل : ا بشوية قفزتيها مالنا على هاد الغوات
نوح: يلاه ايجاوبو وهو سمير جر سفيان: يلاه اصاحبي سير للدار من بعد و نهدرو ..تحرك سفيان وهو مخنزر ف نوح لي بداتو معصب و يديه تايرجفو ...سمير لي كايحاول يسايس حتى دفع سفيان حدا الباب يلاه بغا
يحلو وهو يهدر نوح :مبروك عليك الزواج ا سفيان ولكن نسا يكون من ريهام
سفيان لي تفك من سمير و مشا لعند نوح: نتا مالك من الصباح و نتا ترطا عليا الموضوع بيني و بين ريهام الا كنتي مزوج بيها صااافي دابا راه مطلقة منك
نوح: بلا مايجاوبو عطاه كروشي: شفتك ولفتي سمية ريهام على فمك
سغيان حتى هو ماعطلوش عاوظو بكروشي هاديك الطبلة تشخشخت ..سمير تايحاول يفك ولكن والو جوج تيران و مشادين ..ريهام حطت بنتها فوق السداري و دخلت وسط منهم تفك : صاااااافي عيقتو ..نوح حشومة هد.شي لي درتي
نوح شاف فيها وهي وسطهم حاطة يد على صدر نوح ويد على صدر سفيان..شدها من دراعها و جرها داز هز بنتو و مشا دافعها بلا مايهدر وخا هي عيات ترطا..دوى وجهو لعند سفيان لي باقي واقف بلاصتو : الا كنتي راجل تسناني
سفيان: راااااجل عليك و ها انا انتسناك
مشا نوح وهو مازالاغطفع ريهام دخلها للببت عند مريم دفعها وحط لها بنتها و هز يدو ك تهديد: تخرجي منهنا ندبح والدين مك
ورضخ الباب على جهدو حتى بداو الدراري تايبكيو بتلاتة
سمير لي عيا مايهدر مع سفيان : صاحبي و يلاه لعن الشيطان راك مافاهم وااااالو
سفيان: انا مااباااااغيش نفهم ...مااالو هو اش حرق شطاطتو ..باغي غير الصداع انا لييييه
نوح : فوووووت عليك ريهااااام
سفيان لي تلفت للصوت منين جاه : هاااديك لي مافايتهاش
نوح: 😡 عرفتي. انا من شحااااال وانا مافرشخت شي واحد
سمير؛ نوح لعنو الشيطان..
نوح :الشيطان هو هاد المكبوووووت
سفيان: المكبوووووت هو نتا ..وتلاح عليه ..ضربو بروسية نوح غير شاف الدم وهو يصعر شدو و بقا يدخل ليه هادي تنفع هادي ضر ...اما سمير جلس وخلاهم عرف وخا ايدخل ما ايصور حتى وزة ..بقا ضربة فيا ضربة فيك حتى تهدو ...كل واحد جالس ف قنت يمسح دمو وتاينهج
ناض سمير شد من سفيان و خرجو من الدار بلا مايهدرو ركبو ف لوطو ديالو و مشا بيه بقا نوح ف بلاصتو و داير راسو بين يديه و نيفو سايل بالدم بقا مدة وهو هاكاك ..حتى مشا حل للباب عليهم لقا ريهام معنقاها مريم و كاتمسح ف دموعها و تسكت فيها.... مني دخل نوح هزو فيه عينيه وتصدمو من حالة و جهو ..غمض عينيه و حلهم شاف ف ريهام وهدر: تبعيني
مشا هو وبقات ريهام : ناري اش باغي مني
مريم: سيري تبعيه راه شفتو هدر مهدن
ريهام: لا ماانمشيش خليني معاك
مريم؛ نوووضي تكعدي دابا يجي يكمل عليك ...ماعلم الله بخويا مسكين كيف مشات حالتو ..
مشات ريهام تخطى خطوة القدام و عشرة لور تشجعت و دخلت للصالة لي مشخشخة ..لقاتو جالس ومرجع راسو لور مغمض عينيه و حابس نيفو بصبعو حيت مازال تاينزف ..هزات كليتيكس و شي حاجة ف قلبها تاتقولها قربي ليه وشوفي مالو .قرربت ليه و بدات كاتمسح ليه ف وجهو لي عامر دم ..وهي كاتمسح حتى شداتها يد نوح و زيرت عليييها من دراعها حل عينو فيها و جلسها حداه ومازال شاد من يدها : علاش كاتبغي تعصبيني؟
ريهام وهي ماتحاول تفلت يدها منو حيت وعتها؛ انا مادرت والو غير هدرة جبدت هظرة
نوح: ف خبارك انا دابا مكالمي راسي غي بزز باش مانفوتش فييك شي دقة..نتي اصلا اش داك تهظري معاه
ريهام: نوح فهم واحد الحاجة ماعندكش الحق تحكم فيا انا كاتجمعني بيك ملاك فقط لا غير ..
نوح: ههه ايييييييه يا لالة زيدي تفركعي تاني
ريهام: راك نتا لي تفرقعتي مني رجعت الدار ديال الناس بهاد الحالة ..اما كلامي مع سفيان ماطانضنش يستاهل هاد الهيلالة كاملة
نوح وهو يغوت: ااااااه ماااايستاهلش حتتى نشوووفك نتي وياه فوق الناموسية عاد يستاهل ..نوح شد ليها حناكها و زير عليهم وتايهدر بصوت هامس و معصب: ديري ف باااالك واحد الحاجة نتي ديااااالي الا ماكنتيش ليا ماتكونيش لغيري
ريهام ودموع نزلو؛ انا ماديال حتى واحد مابقيت باغا حتى واحد من مور ينيس ..خديت وعد على نفسي عمري نتزوج موراه يعني غير نسا سفياااااان
نوح:😡😡 علااااااش مازال كاتجبديييييييه يااااااك ماأااااااات تدفن لااااااش مازال كاتجبدييه واش باااغاني نهرس مك من شي قنت
ريهام حتى هى بالغوات: نجبدووووو و معمرني نسااااااه حيت كان معااااايا راجل و خيرو عمرني نساه
بلا ماتحس لقات خماسية لاصقة على خدها ليمن و تعاودت بوحدة اخرى على خدها ليسر ..من مور هاد التصرفيقة ماحست الا براسها واصلة للارض و نوح عندها تايضرب ليها ف حناكها باش تفيق ..حلت عينيها ...وعودت غمضتهم خلات نوح ايحماق بالغوات عليها باش تعاود تشوف فيه ولكن هي لا حياه لمن تنادي غير شرويطة و طايحة
خرجت مريم لي سمعت حسهم تقطع لقات نوح شدا ل ريهام راسها وتايفيق فيها جات عندو بالجرا مخلوعة عليها: مالها اش وقع لها؟
نوح : والو والو غير صرفقتها و غيبت
مريم : وااااااش حماقيتي السيدة مازال نافسة ونتا موكلها لها
نوح: صافي صافي بلا كترة الهدرة عونيني نفيقها
نريم: سير جيب ليا الريحة و الما على الله تفيق
مشا نوح يجري وهي تحل ريهام عينيها ف مريم لاخرة تصدمت كانت اتغوت وهي تحبسها : سكتي ا لوويلة اتفضحيني ويصدق مفرشخ مي بصح
مريم:ناااري مك خلعتيني عليك حتى نوح وجهو صفار وولا يترعد
رسهام : ابلاتي دابا ندم مو على هاد تصرفيقة نخرجها منو
مريم؛ سكتي سكتي هاهو جاي
جا نوح يجري يقفقف بالما و الريحة : زاش فاقت سمعتك كاتهدري
مريم بتوتر؛ ها لا غير كنت كانقرا عليها القران
نوح؛دار لها الريحة حظا نيفها: ريهام حبيبتي فييقي والله مانبقا نضربك ...مريم جيبي لها شي حاجة تلبسها نديها للسبيطار
مريم : لاااااا ما يحتاج ها هيا اتفيق ..غير هزها ديها للبييت راه صايبتو لكم
هزها نوح وهو داير لها بحال الما لقليل داها للبيت حطها فوق الفوتوي و جلس حداها ..مريم خرجت دارت السبة بالدراري و قرصت ريهام باش تفيق حسن ما يحصلها نوح : ريهام حلي عينيك ماتخلعينيش علييك راه والله حتا نحماق لوقعات لك شي حاجة
بدا تايضرب ف حناكها بشوية وهي بدات تمتل تحل ف عينييها . شافتو قدامها و هي دور وجها: الحمد الله على سلامتك خلعتيني عليك
ريهام:حيد من حظايا باغا نوقف
نوح: لا لا نتي عيانة شفي وجهك كيف صفر
ريهام : ماسوقكش صفر ولا خضر ماتايهمكش ..تقتل الميت وتمشي ف جنازتو
نوح دوز بيدو على وجهو: نتي كاتعصبيني واحد ف بلاصتي راه يقتلك على هاديك الحالة لي لابسة و خارجة كارزة ترمتك ولاخر كايتمنضر واااش انا بنادم ولا لا
ريهام: انا لحد ااساعة مافهمتكش علاش كادخل ف حياتي الشخصية
نوح؛ ريهام انجيك من اللخر ..الجهد ديال للصداع مابقاش عندي ..المشاكل وليت كارها ..راه دابا وانا كانهدر معاك كلي كانرجف حيت ماشاربش دوايا..كانحمد الله مافوتش فيك شي دقة خيبة ...انا خاااااااايب عارفها و درت بزاااف البلانات معاك لاروب ..ونتي رديتي دقتك مني تزوجتي و خبيتي عليا بنتي ..حاولت مانحاسبكش حيت حتا انا مادرت فيها ما يصلاح..ولكن كانحاول نصلح راسي ..الطبيب والدوا ولا ديما ف حياتي علاااش ..على قبلك باش نولي واحد. اخر ونبدل شحال من حاجة فبا خايبة ...شوفي ابنت الناس ..قلتها و انعاودها انا مااازال شااريك وبااااغيك ..ومستعد نفديك بروحي غير نرجعو و نعيش انا و نتي و ملاك و اسلام كاي عائلة ...مجرد ماتعطيني الاوكي مانواعدك انتبدل بمرة ..على قبلك و على قبل ولادي ماحاملهمش يشوفوني بهاد الحالة و يدي ديما سابقاني ...خلينا ننساو لي فات و نبداو من جدة وجديد اش قلتي ؟؟
ريهام ماتوقعتش يهدر معاها هاكا و فهاد الوقت بقات شحال ساكتة : شوف انوح اول مرة انا ونتا كانهدرو بالهداوة ..انا صعيب ننسا ماداز عليا و مايمكنش نمحيه من بالي بين ليله و ضحاها ...حنا طريقنا مسدودة خلينا احسن نبقاو ولاد العم وبنتك وقتما بغيتي تجي تشوفها مرحبا
نوح بدا تاينهج و نفسو اطلع غير بزز بقا مفيكسي الشوفة ف قنت واحد ..دور وجهو و شاف فيها : هظا كلامك اللخر ..ايوا سمعيني مزيان ..عطيتك فرصة باش نرجعو و نتي مابغيتيش ديري ف بالك بنتي اتعيش معايا و اناخدها بالشرع و القانون
خرج و خلاها كاتغدد ا بوحدها ..كانت بغاتو يزيد يحزرها و يطلبها و يبوس ليدين ولكن طاحت مع نوح كرنييييييبة ماتدي منو باش تنقي سنانك
أنت تقرأ
في قلبي انثى دكالية 1
Roman d'amourقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
