سيف ..حيل عجبتني حلوة ومرتبة و محبوبة وگضت الحفلة كلهة تتختل مني بس اني ضلت عيني عليهة وحيل دخلت مزاجي ضليت افكر بيهة و قررت اخطبهة حجيت وية اهلي فرحو بس امي مقبلت وضاجت…
سيف ..ليش يومة متريدين البنية الي اني اختاريتهة
الام ..لا اني مو اعتراضي عليهة بس انت تدري اني رايدتلك بسمة بنت خالتك
سيف ..يوم انتي تعرفين اني ما ارغب لبسمة وهي اكبر مني واني لو اريدهة كان من زمان خطبتهة
الام ..بس اني ناطية كلمة لخالتك وبسمة خوش بنية ومكملة دراسة و عينهة عليك عيب تفشلني وياهم
سيف ..شوفي حبيبة اني ما نطيتج كلمة ولا گتلج اخطبيلي بسمة حتى افشلج ف الله يخليج وافقي ع الابنية الي اختارهة گلبي وادعيلي يوافقون وتتم ع خير
الام ..ليش يابة ميوافقون وهمة وين يلگون مثلك خلي يبوسون ايدهم وجه وگفة
سيف ....هههههههه ع كيفج حبيبة طلعتي بيهم گول بعدني مفاتح الموضوع وياهم انتي بس ادعيلي
الام ..يصير خير
سيف ..كنت متردد ومستحي شلون احجي وية زيد بهذا الموضوع ف حجيت ويا صح بالبداية استغرب بس رحب بالفكرة وهو يعرفني ويعرف اخلاقي گال بأنه هو راح يحجي وية اهله وياخذون رأي البنية والله كريم
دانه ..استغربت من ماما گالتلي سيف خاطبني من زيد وينتظرون موافقتي واني حايرة شأرد ما اعرف شسوي
الصراحة اني استحي منه هو صح حلو ومرتب بس اني شلون اباوع بعينه بعد التصرفات الي سويتهة گدامه مرت الايام واني بس افكر بي ودايخة يمكن حبيته امي حاجتني
الام ..اگول يوم دندون فكرتي بالموضوع
دانه ..يا موضوع
الام ..موضوعج انتي وسيف
دانه ..هااا اي فكرت
الام ..اييي وشقررتي لان الولد سائل اخوج يريد يعرف ردج لحتى يجيب اهله ويجون
دانه ..ماما انتي شنو رأيج
الام ..والله اني اشوف الولد خوش واهله خوش ناس وحالتهم زينة ومناقصة شي
دانه ..اوك اني موافقة
الام ..بالخير عليج ماما حبيبتي الله يسعدج
سيف ..صح اتأخرو عليه بس الحمدلله وافقو ورحنة اني واهلي وخطبنه البنية وقررنة يوم لحفلة الخطوبة الحمدلله كووولش كنت فرحان
دانه ..نخطبت الحمدلله ورحنة اشترينه النيشان وهو طاير من الفرح بس امه مبينة ضايجة مني مو مهم المهم اني وسيوفي فرحانين يضحك ويشاورني كلساع يگولي حبيتج من اول عضة
واني اموع من الفشلة شگد عيب تمت الخطوبة واجة موعد العرس وتزوجنة فدووووووووة لگلبه عاملني بحب وبحنان كان احلى يوم بعمري
سيف ..دندون حبيبي والله امووووت عليج احس نفسي صار سنين اعرفج
دانه ..خجلانة ..حتى اني
سيف ..حبيتج من اول عضة
دانه ..بدلع ..سوسو لتذكرني بهذاك اليوم
سيف ..يروحلج فدوووووة سوسو وعشيرته كان احلى يوم بحياتي ابد ما انسى
دانه ..ضحكت بدلع ..وشالني وحضن وبوس ورومانسيات
مرت الايام روتين عادي بين حب ودلع ورومانسيات ويوم عن يوم حبي لسيف يزيد وهو هم حبه الي يزيد بسسسسس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
ضيفوني سناب حبايبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
اخر ظهور
General Fictionالقصة تتكلم عن حبيبين يبتعدون عن بعض بسبب الظروف ويشاء القدر ان يلتقون مرة اخرى بعد مرور سنين طويلة اتمنى ان تستمتعو بقرائتها
