اخر ظهور

بارت 18

هبة ..واتفقنا ع الزمان و المكان ودردشنة شوية بالتلفون وسديتة بس كنت مرتبكة لان ح التقي بي ما اعرف گدامة شيصير بية واجة ثاني يوم تأنقت وتحضرت و التقينة بمكان عام بس هادئ

مهند ..متلهف و متحمس واريد اسمع شنو تريد تگولي .

.شلونج هبة شخبارج

هبة .. تمام انت شلونك

مهند ..الحمدلله بخير

هبة ..حبيت اشوفك واحجي وياك وجهاً لوجه احسن من الفون

مهند ..ايي تفضلي كلي اذان صاغية

هبة ..صراحة اني هم معجبة بيك اهواااية

مهند ..فرحت حيل ..

هبة ..و انت تعرف الاعجاب الخطوة الاولى بأتجاه الحب واكيد احنة بحكم علاقتنة ح نلتقي اهواااااااية واني ما اريد احد يحجي علية بكلمة عاطلة

مهند ..يخسي الي يجيب طاريج او يحجي عليج

هبة ..لو سمحت بس اكمل كلامي وبعدهة انطيني رأيك وانت الك حرية الاختيار ..

اني أفَضِل بأنو تكون علاقتنة رسمية يعني مجرد خطوبة لحد منتخرج وبعدهة الله كريم

مهند ..هو هذا اني الي اريدة و اني ناوي قبل متگوليلي ان شاء الله اتفق وية اهلي و انطيج موعد جيتهم

هبة ..حييييييييييييل فرحت وطرت من الفرحة الحمدالله ربي مخيبتني و رحت ركض بشرت ماما وفرحتلي..

مهند ..شگد كبرت بعيني من خافت ع سمعتهة وشگد حبيتهة و احترمتهة فقررت احجي وية اهلي حتى اخطبهة شفت والدي و والدتي گاعدين

مهند ..شلونهم الغوالي

الام ..فدوة وقربان لوليدي

الاب ..هلا بابا حبيبي

مهند ..اريد اطلب منكم طلب واتمنى متردوني اكو بنية بالجامعة خوش بنية وبنت ناس واريد اخطبهة

الام ..هاي شنو يمعود كمل شوف دربك

الاب ..اتخرج واخطبلكياها بعيني

مهند ..لا بابا ارجوك تتفهمني هي رافضة مبدأ العلاقات وهاي السوالف تخاف من الحجي ف اني اخطبهة و نتزوج بعد التخرج

الام ..لا مستحيل اني ما اقبل

الاب ..اسكتي ام مهند خلي نفتهم من الولد فهمنة

مهند يعني هي البنية مو مال علاقات و سوالف تعبانة و تخاف يطلع عليهة حجي واني صراحة حبيتهة و رايدهة يعني اخطبهة هسة وبعدها خاف ميصير تفاهم لا سمح الله ونفسخ العالم مراح تگدر تحجي عليهة لان هي كانت خطيبتي و اني صراحة اشوف هذا الشي من حقهة

الاب ..زين انت تعرفهة منين اصلهة فصلهة

مهند ..عفا عليك الغالي اعرف كوووولشي عنهة من يوم الي نولدت لهذا اليوم

الاب ..خوش يصير خير يروحون النسوان ويتفقون بعدهة احنة نروح ونخطبهة رسمي وتدلل بس ها خلي ببالك الا تتخرج يلة تتزوج

مهند ..فرحت فدوووووة اروحلك بابا حبيبي اني اشكرك

الام ..هاي شنو يعني ما الي رأي بهذا البيت بكيفكم تقررون واني الي ربيت وتعبت تاليهة مالي حق انطي رأيي

الاب ..بعصبية لا مالج حق اني گلت كلمتي وكلمتي متصير اثنين انتي عليج بس تنفذين

مهند ..اووووووو هسة تگب العيطة خلي اتلاحگلهم لان ابوية وامي اصلا مو ع اصطلاح وعلاقتهم دائما متوترة

… لا يومة حبيبتي شلون انتي الخير والبركة بس الله يخليج لتكسرين گلبي

تصويت 😍😘