مهند ..ثاني يوم گعدت وية امي وحجيت وياها وگتلهة اني عرفت كوووولشي ومردت احرجهة گدام ابوية وترجيتهة تخطبلي هبة لان احبهة و منطيهة كلمة وما اگدر اتراجع بكلامي
اكيد هي رفضت لان تعرف اذا ابوية عرف ب دانه هي نفسهة ام هبة راح يسوي المستحيل حتى يرجعهة لان حسب حجي امي ابوية لحد الان يحن و يون عليهة و عرفت بأنو ابوية وامي مو ع اصطلاح بسبب هذا الموضوع
دخت وضليت بين حانة و مانة بين هبة وبين امي سبحان الله مشكلة والدي تكررت وياية طلبت من هبة نأجل موضوع الخطبة لحد ما احاول اقنع امي وضليت بين فترة و فترة الح ع امي و احاول وياها الى ان فد يوم دا احجي وياها وهي ترفض تعصبت و ضلينة نحجي بالموضوع و أبوية سامع كل الحجي
سيف ..اجيت من الشغل من وكت بالصدفة سمعت صوتهم عالي وسمعت كل الحجي الي دار بينهم
حيلي انهد رغم اني كبرت و مرت عشرين سنة ع فراگنة بس مجرد ميجي طاريهة ينهز عرش گلبي حبيتهة وتعلقت بيهة بكل جوارحي رأسا طلعت صعدت بالسيارة اريد الملم شتات نفسي حبيبتي رجعتلي يعني لگيتهة واخيرا مستحيل اتمنيت لو اندل بيتهم صحت مهند اجة يمي بالسيارة…
وين بيت هبة
مهند ....هااااااا ليش
سيف ..امشي دليني ببيتهم
مهند ..بس فهمني ليش
سيف ..صيحت بعصبية گتلك دليني
مهند ..ايي ايي امشي ودليتة بالبيت وگفنة براس الفرع مالتهم اول مرة اشوف ابوية بهذه الحالة طلع جگارة وجر نفس قوي
سيف ..اااااااااااااااخ تدري شگد دورت عليهة
مهند ..منو
سيف ..دانه
مهند ....هاااا وانت شمدريك هذا بيتهم
سيف ..سمعت كل الحجي الي دار بينك وبين امك
مهند ..حطيت ايدي ع راسي ..
بابا ما اريدك تجرح امي او تأذيهة هي تحبك
سيف ..تحبني بس دمرتني هي و امي بعدوني عن اعز شي بحياتي
مهند ..يعني رغم هذه السنين كلهة الي مرت و ما نسيت
سيف ..لك شأنسى دانه هاي بنت گلبي و سولفت لأبني كووولشي صار بالتفاصيل
مهند ..انقهرت ع ابوية و بنفس الوقت تفاجأت شگد يحبهة ومناسيهة ولا لحظة وگالي اذا تحب هبة حارب الكل علمودهة حتى ليكتلك الالم والحسرة بعدين
سيف ..ضليت انتضر الوقت المناسب الي اروح لدانه و اشوفهة بيوم الكل بالدوام عرفت انه هي تبقى وحدهة هيج وكت استغليت الفرصة و رحت وگفت بباب بيتهة رجلية متشيلني وافكر شلون ح يكون اللقاء وشنو ردت فعلهة خاف متتقبلني الف فكرة اجتي ببالي اخر شي نزلت ودگيت الباب فتحتلي الباب
اوووووووووووووووووووووووف گلبي من شفتهة شصار بية اني 10 دقايق واگف هي مصدومة و عيونهة مليانة دموع 😿 و اني ما ادري شصار بية تخربطت كل اوضاعي
صافنين بوجه بعض اريد املي عيوني منهة نفس شكلهة متغيرت كأنما هذه السنين الي فاتت طارت من يمهة و زادتهة حلاوة كانت مثل لحظة هدوء ع مكان مليان ضجيج مثل نسمة باردة تمر بنص نار 🔥 ما اعرف شأوصفهة بس كانت السلام الي ابحث عنه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
