هبة ..مثلا لو انتي حسيتي بشخص عينه عليج وصارلة فترة طويلة يراقبج وهو كامل المواصفات وانتي تعودتي ع نظراته ومن يغيب تحسين بفراغ قوي بداخلج ورة فترة يجي ويعترفلج بأنه هو معجب بيج شتسوين وشنو يكون ردج
دانه ..هذا الشي صار وياج
هبة ..استحيت و خدودي گاماً يطلعاً نار 🔥..مام الله عليج بس جاوبيني
دانه ..شوفي اذا عندي مشاعر تجاهه اصبر شوية يلة اردله جواب حتى ليگول مصدگت هاي وحدة اثنين من اگولة اني ابادلك نفس المشاعر راح اشرط عليه بأنه يجي يتقدملي حتى كوووولشي بيني وبينه يصير رسمي وگدام الناس مو بالخش والدس وحتى لتطلع عليه حجاية مو زينة و اكيد اذا هو صادق بمشاعره وفعلا يحبني راح يسوي الي اگوله عليه
هبة ..زين و اذا ميگدر يجي يخطب
دانه ..و شنو الي يمنعه
هبة ..مثلا المادة و هو بعده طالب
دانه.. الي يحب كووولشي يسوي علمود حبيبة واذا ع المادة أفهمة بأنو اني ارضى بالشي البسيط حاليا لحد ميكون نفسه لأنه اني حبيتة و اكيد ح ابقى ويا سواء كان حبيب او خطيب
واذا لا سمح الله انو تخرب العلاقة الناس تگول فسخو الخطوبة ولا يگولون شبع منهة وعافهة
هبة ..دخت و مدا اعرف شأتصرف صراع بداخلي بين المنطق والعقل وبين المشاعر
دانه ..لا بالعكس لا صراع ولا بطيخ 🍈 الله انطانه عقل نفرزن بي الصح من الغلط المسموح والمرفوض و احنة ميصير نتصرف حسب متريدة اهوائنا و مشاعرنة مرات لازم نضغط ع نفسنة حتى نتجنب مصير مضلم و محزن
هبة ..مام تعرفين انتي مو بس نور حياتي انتي نور عيني اني ما اعرف بدونج كان شسويت الله ليحرمني منج وحضنتهة حيل
دانه ..لا انتي الي كوووولشي بحياتي و حبي الوحيد بنوتي الوحيدة كبرت و گامت تحب
هبة ..ايي والله يا ماما المشاعر الي دا احس بيهة غريبة
