سيف ..وهيج اختفت بسهولة كانت حلم 💭 مسروق وذكرى حلوة مرت بحياتي و راحت بس بقت جرح عميق بداخلي ما اظن راح يلتئم بسهولة
طبعا صار غصب عني اتقبل بسمة وصار عندي ولد ثاني منهة كنت دائما احس نفسي وياهة انسان بلا روح بلا گلب وبلا مشاعر بقيت مهتم بأولادي بداخلي ما سامحت احد كان السبب ببعدي عن دانه
امي بقت تحس بالذنب تجاهي بس شيفيد الندم شيفيد ونفس الشي امي وبسمة بمرور الوقت والسنين بدت تزيد مشاكلهم و وحدة متتحمل اللخ ويجاً اثنينهن يشكاً ما اهتم ولا اتدخل اگوللهم بينكم حلوهة هنة اختاراً بعض مو اني الي اختاريت
مرة سمعت امي تگول لبسمة حرامات اني تعاونت وياج وسمعت كلامج انتي و امج وسويت حياة دانه جحيم وعلمتني شلون احطلهة حب مانع بالعصير وبأكلهة انتو السبب خليتوني أأذي البنية
من سمعتهم تعاركت وياهم وكرهت بسمة بالزايد و ردت اطلگهة بس علمود جهالي منو يهتم بيهم وانقهرت ع دانه و مرت السنين اولادي كبرو قررت انه بعد ما اريد اطفال اكتفيت ب مهند ويوسف
امي تعبت صار بيهة كانسر و كانت ندمانة ع الي سوتة ب دانه وسولفتلي بأنه هي كانت تتبلى عليهة حتى تطلگ و اعترفت بهواية امور كانت تسويهة هي و بسمة اني من تسولفلي يحترگ گلبي بس احاول اصبر ع امي و اگوللهة لتهتمين الي صار صار وهذه قسمة وهي ممقسوملهة تعيش وياية
و رادت تشوفهة و لو مرة وحدة حتى تعتذر منهة بس وين الگاهة كان حال امي يبجي الصخر بين مرضهة و بين ندمهة ضلت تعاني 5 سنين وماتت وراها حيل تأذيت و يأست من كوووولشي
دانه ..ربيت بنتي احسن تربية صح بهذه السنين المرت تقدمولي للزواج اهوااااية ولحد الان رغم صار عمري 39 سنة بس اني كنت رافضة وكانت اولوياتي انه اربي بنتي وابقى فوگ راسهة
الحمدلله اليوم اول يوم الهة بالجامعة ايييييه والله ركضت السنين وكبرو الي جانو صغار اباوع ع هبوشة شلون ترتب نفسهة
هبة ..ها ماما طلعت مرتبة لو اروح البس غير شي شتگولين
دانه ..حبيبتي ماما تخبلين ما شاء الله تبارك الرحمن
هبة ..ما اعرف احس نفسي مرعبلة ونفسي تلعب
دانه ....هههههههه اييي حبيبتي انتي متوترة لان اول يوم تعالي تريگي حبيبتي
هبة ..ما اعرف يمكن لان حياة جامعية واول مرة ادخل حرم جامعي صاير عندي توتر
دانه ..ايي طبعا هسة بمرور الوقت تصير شي عادي
هبة ..ان شاءالله……
اني اقدر انه ماما بعد وفاة بابا بقت تربيني وتعبت علية رغم انه هي تگدر تتزوج وتعيش حياتهة لان كانت ولا زالت احلى واعقل امرأة اشوفهة بحياتي وراح احاول بأقصى جهدي ارفع راسهة وما اخيب ظنهة وح اخليهة تفتخر بية بكل مكان
الحمدلله عدى اليوم الاول بالجامعة ع خير وتعرفت ع زملاء جدد صح ع گولة ماما بس البدايات تكون صعبة بعدهة كووولشي يمشي 🚶 طبيعي و عادي صار روتيني اروح لدوامي وارجع
بس من اول يوم دخلت بي للجامعة لمحت ذاك الشاب الاسمر الي اجت عينه بعيني من اول يوم صار تقريبا 5 اشهر نداوم وهو بغير كلية بس يومية يجي لكليتنة يشوفني ويروح بدون مينطق ولا حرف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
