دانه ..محد يحس بنار گلبي و مرت الايام واجة يوم الخميس وفعلا سيف تزوج بنت خالته تحطمت مو بس عيني بجت گلبي بجة متت ردت أتأكد من خبر زواجه اتصلت بي
دانه ..ابجي واشهگ سيف صدگ تزوجت
سيف ..بعصبية اييي اتزوجت واليوم ليلة عرسي كله من وراج شوفي وين وصلتينة
دانه ..لا لا وتخربطت
سيف ..اسوأ يوم بحياتي الكل فرحانين وامي ترگص واني بعالم ثاني شسويت بروحي شلون اتزوج ع دانه حب حياتي هاي اني شسويت لو ادري عازل ببيت وحدنه
ليش محسيت بيهة من كانت تعاني وتگولي لخاطرك متحملة بس بعد ما عندي طاقة ليش وليش الف سؤال ❔ يخطر ببالي و مدا الگالة جواب ومدا الگة مبرر لتصرفاتي
خلصت الزفة وبقيت وية عروستي بمكان واحد بس ما اگدر حتى اباوع بوجهها خابرتني دانه وحجيت وياها بعصبية وسدت التلفون رحتلهم للبيت ردت بس احجي وياهة شفت اختهة تبجي گالت اخذوهة للمستشفى رحتلهة وشفتهم ابوهة وامهة و زيد تعاركو وياية
تخبلت مرجعت للبيت بقيت بالسيارة للصبح اهلي يدورون علية كانو اني مگدرت ارجع بقيت بباب المستشفى احس نفسي بمأزق كبير و ما اعرف شلون اخلص منه
ام سيف ..والله هذا الولد راح يجلطني اكو واحد يعوف مرته بأول يوم ويختفي انوبة اخاف صار عليه شي
بسمة ..ابجي هو حتى بوجهي مباوع حچة بالتلفون وطلع مثل المخبل
ام سيف ..ماكو غير هاي مرته ام السحورة هي خبلته
بسمة ..اوووووف يا شماتة الناس بية
ام سيف ..انتي لتحجين لأحد بس خلي يجي ويصير خير
دانه ..طلعت من المستشفى بس حالتي يرثى لها لحد الان ممستوعبة سيف اتزوج و ح ينتهي كلشي بيننا صح اهلي يصبرون بية وواگفين وياية بس صعبة حيل صعبة
سيف ..مرت الايام واني ما اتقرب من بسمة الا اشرب لان ما احبهة ومشتاق ل دانه موووووت بس هي لتتصل ولتسأل واذا اتصل اني بيهم ميجاوبون وكذا مرة رحت واخذت ناس ارجعهة ميقبلون بعدهة غرفتهة موجودة وغراضهة وبعدني انتظرهة بفارغ الصبر
دانه ..اهلي حجو وياية ورادوني اخصمهة و رحنة رفعت عليه دعوة بالمحكمة ورحنة اني و ماما اجيب بقية غراضي من دخلت لغرفتي عيني تصب دمع وگلبي يدگ حيل حيل فجأة هاجمتني الذكريات كل مكان وكل شبر الي بي ذكرى ضحكة 😄 سالفة دمعة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
