سيف ..من طلعت دانه اخذت روحي وياهة بس انقهرت وانكسر گلبي كسرت كلمتي وباعت حبنة صح هي تعبت من المشاكل واني هم تعبت
بس ما اگدر اعزل ما اگدر اعوف اهلي تمنيتهة تتحمل لعبت نفسي منهة ومن امي ومن كووولشي و بعد ما اگدر اكسر كلمتي وارجعهة ضايج منهة حيل بس ما اگدر اطلگهة گلبي مينطيني
دانه ..صارلي شهر زعلانة يم اهلي بالكذب سيف لا سأل علية ولا خابر واني هم ما اگدر اتصل بي لان اذا اراضي راح ترجع حليمة لعادتهة القديمة
واني سويت هذا كله لان اريد حل نهائي واهلي هم واگفين وياية وگالو لتتصلين و لتنزلين نفسج ومترجعين الا يعزلج ببيت اني دا انتضر بس ع نار 🔥 لا ليلي ليل ولا نهاري نهار
سيف ..ما اتصلت ولا حاولت ترجع او تراضيني واني انتضرتهة مع العلم اني گتلهة راح اطلگج بس مطلگت لان احبهة والله حقدت عليهة واريد اكسر خشمهة
سيف ....يوومة اخطبيلي
ام سيف.. تفاجأت شنووووووووو
سيف ..گتلج اخطبيلي شوفيلي بنية مناسبة واخطبيلياها
ام سيف ..هذه الساعة المباركة حبيبي طلگت مرتك البومة
سيف ..لا بس اريد اتزوج واكسر خشمهة واذا يعجبهة ترجع خلي ترجع واذا ميعجبهة خليهة ببيت اهلهة
ام سيف ..عروستك موجودة بس طلگ يلا اخطبلك
سيف ..بعصبية گتلج ما اطلگ واخطبيلي اي وحدة وفضيهة
ام سيف ..خوش خوش بكيفك
سيف ..خطبت بنت خالتي بسمة كانو مستعجلين وحددنة موعد العرس…
بس اني بعالم ثاني احس نفسي ارتكبت خطأ فادح و تندمت اني مردت الامور تطور بهذه الطريقة بس هي الي وصلتنة لهذا الحد
دانه ..انصدمت صدمة العمر من سمعت بسيف خطب وراح يتزوج گمت ما اعرف شأسوي خابرت عليه
..سيف صدگ الي سمعته انت خطبت
سيف ..اييي خطبت و العرس بعد اسبوع
دانه ..ابجي ..لا ما اصدگ مستحيل انت متسويهة ومتبيعني بهالسهولة
سيف ..گتلج لتروحين وحلفت اذا رحتي اطلگج بس ماطلگتج وصارلي فوگ الشهرين انتضرج ترجعين او تتصلين وانتي ولا كأنه ابقي هيج احسن
دانه ..ابجي يعني بهذه السهولة نسيت كووولشي وراح تروح باحضان وحدة ثانية اكرهك اكرهك الله ليهنيك طلگني بعد ما اريدك
سيف ..بعصبية لو تموتين ما اطلگج راح اخليج هيج مثل البيت الواگف الله اطيح حظج مثل ما دمرتيني وسديته
بس متت من حجيت وياها اتمنيت اروح واگوللهة هذا كله كذب واخذهة باحضاني واعوف كووولشي احبهة وادري بنفسي جرحتهة واذيتهة
بس اني دا اتعذب اضعاف ودا اموت و امي فرحانة خلصت من دانه كرهتهم كلهم وكرهت حتى نفسي و گضيتهة كلهة برة ما اروح للبيت بس افتر بالشوارع احس روحي مختنگ وما اگدر اتنفس بدونهة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
