دانه ..مر 3 اشهر ع زواجنة بس احس ب خالة ام سيف تضوج مني وتسمعني حجي ومراضية ع كووولشي اسوي نضفت الصالة وطلعت اجتني
ام سيف ..اگولج دانه اكو فلوس ع الميز شلتيهن
دانه ..لا والله خالة اصلا مجان اكو فلوس
ام سيف ..يعني شنو قصدج اني كذابة
دانة ..لا حشاج بس اني والله مشفت فلوس
ام سيف ..شوفي اني جنت حاطة الفلوس هنا وجريتهة من ايدهة ووديتهة للصالة هنا حطيتهن وين راحاً تبخراً
دانه ..يعني شنو قصدج اني بگتهن ترة عيب
ام سيف ..انتي تعلميني العيب والله وطالت وشمخت مو صوجج صوج ابني الطايح الحظ الي ناطيج عين هسة اني اعلمج
دانه .. عيني عينك تهمتني واني والله مشفت فلوس ع الميز فوگ القهر تحجي وتصيح وفضحتني گدام البيت كله هسة شيگولون عليه وحتى بعد ميأمنون بية
فوگاها خابرت سيف للدوام وتبجي وتتعاير وتگله مرتك تجاوزت عليه وسيف خابرني رزلني وگال هسة جاي للبيت اني ضليت ابجي اول مرة اصير بهيج موقف اجة سيف
سيف ..شكو شصاير بس فهموني
ام سيف ..ابجي ..مرتك متحترم ولا تحشم كبير لسانهة شطوله وتلاسن فوگ صخام وجهها
دانه ..ابجي ..اني ملاسنت ولا حجيت انتي تهمتيني واني اصلا مشفت فلوس ع الميز
سيف ..انجبي انتي ولا كلمة شلون تعلين صوتج ع امي
دانه ..والله معليت صوتي و اني ما امد ايدي و أبوگ
ام سيف ..ما اريدهة بالبيت مو خوش اخلاق اخلاقهة
دانه ..اني هم ما اريد ابقى هنا اساسا بعد هذا الاتهام الباطل
سيف ..دااااااااانه بصوت عالي وضربتهة راشدي وگعت بالگاع اصعدي لغرفتج حسابج بعدين…
بقيت احجي وية امي واتفاهم وياها
دانه ..فرفحت من البجي اول مرة يضربني واذاني حيل والله بعد ما ابقى بهذا البيت لو يصير جنة هم انضرب وهم انهان ويتهموني الله اعلم باجر شيلفقولي دا الم ملابسي بالجنطة اجة سيف
سيف ..هاي شدتسوين
دانه ..محجيت بس ابجي
سيف ..مو دا احجي وياج ليش متجاوبين وجرني حيل
دانه ..ابجي واشهگ وخر ما اريد ابقى هنا بعد
سيف ..يعني شنو ما ابقى هنا
دانه ..ابجي
سيف ..تعاي سحبتهة وگعدتهة يمي وهي بس تبجي لزمتهة من حنجهة شفت مكان الراشدي مورم وصاير احمر تنهدت استغفر الله العظيم يعني انتي جبرتيني اضربج ميصير تلاسنين عيب وخصوصا اذا اني واگف تقللين من قيمتي
دانه ..ابجي لعد تتهمني وتگولي بگتي الفلوس واضل ساكته
سيف ..فهميني السالفة شنو الي صار
دانه ..كيت وكيت صار
سيف ..اوووووووووووف شراح يفضهة وية امي اذا لجت وية واحد
دانه ..اريد اروح وديني لاهلي
سيف ..ليش متنجبين امشي حضريلي الحمام اريد اسبح
دانه ..ما اريد امشي وديني لو اخابر ع بابا يجي ياخذني
سيف ..يعني ينطيج گلبج تعوفيني وحدي واضل مقهور وضايج
دانه ..اباوع عليه خطية شكله يكسر الخاطر هففففففف لعد ليش ضربتني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
اخر ظهور
Ficción Generalالقصة تتكلم عن حبيبين يبتعدون عن بعض بسبب الظروف ويشاء القدر ان يلتقون مرة اخرى بعد مرور سنين طويلة اتمنى ان تستمتعو بقرائتها
