ام سيف ..يبووو يبووو وليدي راح يموت دا امسحلة الدم
سيف ..وخررررررري عوفيني تخافين لان انجرحت اني گلبي جرحه اعمق وينزف من اليوم الي طلعت بي دانه من البيت هسة انقهرتي عليه ليش من شفتيني الوب گدامج ع دانه محسيتي ليش من شفتيني گمت ادخن واشرب ما انقهرتي
ام سيف ..ابجي هيج تحجي وية امك علمود مرة وهيج تسوي بروحك علمودهة اني كنت اريد مصلحتك
سيف ..تريدين مصلحتي وعيشتيني وعيشتيهة بجحيم ما خليتينة نرتاح انتي امي وما فد يوم رفضتلج طلب و لا رفعت صوتي عليج بس هسة اگولج خطيتهة برگبتج..
وخليت وطلعت
ام سيف ..ابجي ..شفتي شلون متخبل علمودهة اييي سحارة مخبلته بسحورتهة
بسمة ..ابجي ميت عليهة ولا يحترم وجودي ويگول هذه مرتي تنقهر ميصير اسوي هيج گدامهة حرام حالي حال هذا الحايط
ام سيف ..اصبريلي خلي اروح لهذه ام الخيرة الة اطلعهة من راسه مثل ما هنة يشتغلا بالسحورة اني هم راح اشتغللهم بس انتي حطي ايدج بأيدي مثل مطلعناها من هذا البيت نطلعهة من حياته
بسمة ..شينساها يا خالة اذا هو ميتقربلي اذا مو شارب وحتى بحملي مفرح ولا اهتم خو شوفت عينج 24 ساعة نايم بغرفتهة و ميطيق احد
دانه ..مرت الايام والاشهر واني نفس القهر والحالة النفسية التعبانة و سمعت سيف صار عنده ولد اكيد التهة بي ونساني
بهذه الفترة تقدمولي اهواية واني ارفض اخر شي تقدملي واحد بالنسبة لاهلي كامل المواصفات اني رفضته بس اهلي ضغطو عليه وسوولي مشاكل
ف اضطريت اوافق بحفلة 🎉 الخطوبة ما حسينة الا والدنيا انگلبت بالطلقات والبيت تزرف طلعنة برة دنشوف شكو لگيت سيف متلازم وية زيد اخوية وابوية يصيح والعالم ملتمة من شافني گلي اقتلج وما اخليج تتزوجين غيري
اني ميتة من الخوف بالگوة فضت اجوي اهل سيف اخذو اهلي رادو يشتكون عليه بس توسلت بيهم لحتى ميشتكون والحمدلله سكتو مشتكو بس حچة وياية خطيبي محمد
محمد ..دانه انتي بعدج تحبي وتريدي دانه ..ابجي وبگلبي اگوله امووووت عليه و روحي معلگة بي بس جاوبتة.. لا ما احبه اصلا الي بيني وبينه انتهى من زمان
محمد ..اترجاج تصارحيني اعتبريني صديق حتى مستعد اساعدج
دانه ..لا بالعكس هو صار ماضي بحياتي واني اريد ابدي من جديد وياك ……
اااااااااااااااااخ يا گلبي شناوي تسوي سيف عوفني لتفتح جروحي خلص اني تعبت واريد ارتاح
سيف .. عدت الايام و صار عندي طفل بس بقيت اشتاق لدانه وبقيت اروح افتر بمنطقتهم حتى بس اشم ريحتهة واتنفس هواهة بس عرفت انه هي انخطبت تخبلت
بيوم خطبتهة بدون وعي رحت زرفت بيتهم بالطلقات اتهسترت تعاركت وياهم وشفتهة بعد غياب فترة طويلة حبيبتي مثل الملاك اموووووووووت عليهة
بس هددتهة والله متصير لغيري لو اعرف اقتلهة واقتل نفسي و راح اضل اراقبهم مستعد كووولشي اسوي في سبيل ترجعلي و متصير لغيري
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
