دانه ..ابجي انت متغير عليه وتصرفاتك صايرة غريبة فرحان وتضحك وتعتني بنفسك
سيف ..يابة عيني حبيبتي والله ممتغير انتي الي متغيرة ارجعي دندون الي احبهة الي تضحك الهوى
دانه ..اني تعبت من التفكير 💭 وتعبت من كووولشي وديني لاهلي ارتاح كم يوم
سيف ..كم يوم يعني ناوية تطولين يمهم
دانه ..اييي
سيف ..والله ما ادري شأگولج بس براحتج
دانه ..شفت مو گتلك انت متغير تريدني اروح لحتى تخلص مني
سيف ..شنو هذا الحجي اخلص منج شنو
دانه ..اييي لان كل مرة تضوج من اروح لاهلي و بنفس اليوم ترجعني هسة تريد تخلص مني
سيف ..لا والله بس لان گلتيلي تعبانة وفعلا اني دا اشوفج دائما ضايجة وافقت
دانه ..انت ليش هيج تغيرت
سيف ..ترة راح تخبلوني والله العظيم اني الي تعبت من النگ والحجي وتصرفاتج الي صايرة مدري شلونهة اني مثل ما اني والله ممتغير
دانه ..سيف الله عليك انت بعدك تحبني لو لا
سيف ..شدتحجين حبيبتي اعشقج مو بس احبج انتي روحي من الدنيا تعالي يمي تعالي حبيبي
دانه ..رحت يمة و حضني ..
هم تفكر فد يوم تحب غيري او تتزوج عليه
سيف ....ههههههههههه هو هذا تفكيرج ومنغصة عيشتنة وبس تتعاركين لج بابا انتي روحي والي يستغني عن روحه يموت اطمئني و ارتاحي عيني متشوف غيرج وگلبي يحبج انتي وبس
دانه ..تنهدت ..الحمدلله
ما اعرف ليش احس بأنه اني السبب مديصير عدنة اطفال ما ادري اني لو همة حسسوني هذا الاحساس مع العلم رحنة لعدة دكاترة وگالولنة نفس الحجي
تعبت من التفكير ومن هذه المشاعر الغريبة والمكروهة ووين ما اروح يسألوني مصار عندج طفل 👶 واجاوبهم لا اكره جوابهم من يگولون خطية ويگعدون يدعولي
واكره نضرات الشفقة بعينهم عبالك اني مسوية جريمة بحق الانسانية انتو شعليكم هذه حياتنة الخاصة واحنة راضين ليش تعكرون حياتنة بعطفكم الزائف
واكره كلام خالة ام سيف الي تحجي بهذا الموضوع وتحرجني بكل الوقت المشكلة گوة حسسوني بأنه اني بية العيب واني كووولشي مابية اتمنيت لو كان اكو فد سبب معين حتى اعالجة وارتاح
سيف عادي عنده ويحاول بكل طريقة يسعدني ومغرگني بحبه وحنانه بس ادري بي يريد طفل ويتمنى يصير اب بس
شسوي العين بصيرة والايد گصيرة فد يوم تعاركت وية خالة ام سيف لان دا امشي سريع وطخيت الميز و وكع الگلاص وانكسر
ام سيف ..شبيج عمية كسرتي الگلاص
دانه ..ما ادري اجيت سريع دا اسد المي صارله ساعة يجري
ام سيف ..هذا الگلاص مال امي المرحومة انطتنيا يسوة راسج
دانه ..يلا هسة ما ادري عود اشتريلج سيت كامل ولا يهمج
ام سيف ..تگوليلي يلا اني اشتغل عندج لو طفلة دتسكتيني
سيف ..دخلت لگيت گابة العيطة .. ياستار اشتغلت رحمة الله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
اخر ظهور
Fiksi Umumالقصة تتكلم عن حبيبين يبتعدون عن بعض بسبب الظروف ويشاء القدر ان يلتقون مرة اخرى بعد مرور سنين طويلة اتمنى ان تستمتعو بقرائتها
