سيف ..دانه رفعت دعوى وتريد تطلگ تخبلت واجتي تاخذ غراضهة دخلت للغرفة شفتهة فرفحت اريد احضنهة واريد اضربهة اريد كووولشي
استأذنت من امهة گتلهة اريد احجي وية دانه وحدنة طلعت وبقينة وحدنة بالغرفة بدون وعي رحت حضنتهة حيل وحتى هي حضنتني وبجينة
ليش دانه ليش تريدين تطلگين ليش عفتيني حبيبي
دانه ..ابجي اني ما عفتك انت عفتني انت فرطت بية
سيف ..لا اني لاخر لحظة متمسك بيج لتروحين لتعوفيني ما اگدر اعيش بدونج
دانه ..لا تگدر تعيش بدوني وبدليل تزوجت ومرتك حامل الله يهنيكم اتمنيت اجيبلك اطفال تمنيت اسعدك بكل طريقة بس كل الظروف صارت ضدي كأنما القدر يگولي روحي اطلعي من حياته دربكم يختلف
سيف ..لا نور عيوني دربنة واحد و ماكو شي يفرقنة انتي الي واني الج وميهمني اذا بسمة حامل مفرحان انتي سر سعادتي ما اريد شي بس اريدج انتي
دانه ..سيف الله يخليك اطلع من حياتي و روح عيش حياتك
سيف ..بس لتضوجيني گتلج ما اگدر اني مستعد اطلعج ببيت وحدج ومستعد كووولشي اسويلج بس ارجعي
دانه.. ابجي .. اموووت الف مرة ولا احد يشاركني بيك انت كنت الي وحدي كلك يعني سيف كامل الي واغار عليك هسة متزوج وتريدني ارجع يعني تصير نص الية خليني ابتعد الله يخليك
سيف ..دانه شتريدين اطلگهة والله اطلگهة واعزلج ببيت و اي شي تريدي اسوي
دانه ..وين كنت من زمان هسة جاي لتتعب روحك
سيف ..بعصبية جريتهة من ايدهة .. انتي شتريدين اني طلاگ ما اطلگ خليهة ببالج
دانه ..سيف اذا باقي بگلبك حب الية اذا اكو خاطر الية يمك طلگني وريحني
سيف ..گعدت ولزمت راسي .. لج والله ما اگدر اتمنى اگدر كان ارتاحيت وريحتج
دانه ..گعدت يم رجليه ابجي .. الله يخليك بداعت العشرة تعبت تدري هسة اني شنو مثل الواحد المذبوح ع النص لاهو عايش ولا هو ميت ريحني تعبت
سيف ..لهالدرجة زواجنة وحبنة عبئ عليج
دانه ..لا مو عبئ بس اني ما ارجع بعد ولا اريد ابقى هيج اريد ارتاح من العذاب
سيف ..راح اطلگج بس صدگي متصيرين لغيري لو اعرف يكلفني حياتي بس اتمنى يحترگ گلبج مثل ما حرگتي گلبي حتى تحسين بية
دانه ..مرت الايام وتطلگت متت من القهر حسبي الله ونعم الوكيل و اريد الله ياخذ حقي من ام سيف مثل ما اذتني و حرگت گلبي
ام سيف ..كللللللللللوش اييييي غمة وانزاحت كانت نايمة ع گلبي همزين خلصت منهة وليدي سيوفي
سيف ..گاعد وگدامي ميز الطعام ومشتعل نار 🔥 وهنة فرحانات گمت اصيح كله من وراج واحجي واعيط گلبت الميز وكسرته
كسرت المواعين وضربت الشباك بوكسات وكسرت الجام وايدي تشگگت انهاريت والدم بكل مكان تعبت گعدت بالگاع ليش متحملتيهة لخاطري ليش حرمتيني من حب حياتي انتي متخافين من الله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
