حتى كل زميلاتي عرفو وبيوم الي ميجي احس كأنه مضيعة شي كنا اني وصديقاتي نسمي المرتب هلگد ما مرتب وانيق وثگيل حتى ملامحة رجولية من منشوفة صديقاتي يسألوني وين المرتب اشو ماكو اليوم
غريب تمنيت يجي يحجي وياية احس بي عينه عليه ويراقبني ونظراته بيهة كومة حجي بس يجي يشوفني ويروح عرفت عنه هو د يدرس طب ومرحلة ثالثة انتظرتة يحجي ما حچة خلصت السنة الاولى وعطلنة و اني افكر بي حاولت احجي لماما بس كنت خجلانة منهة وشأگوللهة حبيت واحد لان يباوع عليه من بعيد يعني مو منطقية
كنت اريد بس يجي الدوام لحتى اشوفة وبدأ العام الدراسي الجديد و داومنة شفتة بس اول يومين من الدوام بعدهة اختفى فترة شهرين ضجت من نفسي لانه انقهرت
شنو يعني احنة ما بيننا غير النظرات شنو معناها انقهر واضوج صدگ اني مو معقولة قررت انسى الموضوع وحتى اذا يجي ويباوع عليه اتجاهل وجودة
ورة يومين من غيابة الطويل دا اسولف وية البنات اجة هو گال بلا زحمة ممكن احجي وياج طبعا ما اسولف شنو خوف شنو رجف شنو ارتباك والبنات بيناتهم يتغامزون اني گتله تفضل
مهند ..اسمي مهند وحاب احجي وياج ممكن
هبة ..اهلا وسهلا اني هبة تفضل
مهند ..لا مو هنا افضل نروح لمكان اهدأ
هبة ..اوك
رحنة للكافتريا وكانت هدوء وصالنة عصير
مهند ..اني اسف اخاف سببتلج احراج
هبة ..لا ماكو اي احراج
مهند ..اني ردت احجي وياج بموضوع مهم انتي يمكن حسيتي بية اني كنت دائما اباوع عليج صراحة انتي جذبتي اهتمامي من اول يوم دخلتي للجامعة واني معجب بيج
هبة ..هبة اريد اسيطر ع روحي جسمي كله يرجف محجيت هو سكت ورجع حچة
مهند ..اتمنى ما اكون تطفلت عليج او ضايقتج باعترافي حاب اسمع جوابج
هبة ..هبة اني بداخلي مو بس معجبة بي اني يمكن حتى احبة بس ما اعرف شأگول
مهند ..احم بعدني انتظر جوابج
هبة ..صراحة ما اعرف شأگولك
مهند ..ليش انتي محسيتي بية من صارلي فترة طويلة اراقبج
هبة ..لا حسيت بسسسسس
مهند ..اني اسف اذا اعترافي ضايقج اني راح انطيج وقت انو تفكرين و شوكت متحبين ردي عليه وهذا رقمي اذا عجبج تتصلين او تحتاجين شي
هبة ..اوك…
من الارتباك بس اريد انهزم منه واگعد وحدي شوية اريد استوعب الي صار وافرح وافكر اختنگت گدامه رجعت للبيت
دانه ..ها ماما اليوم جاية من وكت
هبة ....هااااااا لا مو ما عندي شي وگلت ارجع للبيت ارتاح احسن
