دانه ..فتحت الباب وشفته هو اااااااااااااااااخ يا هلا بهالشوفة ما حجيت ضليت صافنة جسمي جمد وبهتت اريد كووولشي اسوي بس ما اگدر صحاني من غيبوبتي من سلم عليه
دانه ..سيف
سيف ..عيونه
دانه ..رجعت صفنت ما اعرف شأگول وشسوي
سيف ..راح تخليني هيجي واگف بالباب
دانه ....هاااا تفضل... دخل ... اني بداخلي هاي شلون خليته يفوت و اني وحدي بالبيت خاف احد يشوفه شيگول عليه
سيف ..دخلت للمطبخ وگعدت ع ميز طعام گدامي
دانه ..بأرتباك .. شتحب تشرب
سيف ..ما اريد شي بس تعالي اگعدي گدامي هنا
دانه ..گعدت گدامه ع الميز وضل صافن عليه
سيف ..تنهدت دانه ما ادري شلون عدت السنين بسرعة بس الي اعرفه عدت بمرارة والم ببعدج
دانه ..سيف الله يخليك... و سكتني
سيف ..اش اش بس اسمعيني لتحجين حطيت ايدي ع گلبي شوفي هذا گلبي من يوم عفتيني وگف و من شفتج رجع ينبض دورت عليج بس ردت اشوفج ولو من بعيد انتي سر سعادتي ارجعيلي دانه
دانه ..بحزن ..انت شدتحجي يا حب احنة كبرنه احنة هسة معايشين لنفسنة احنة عايشين لأولادنة
سيف ..يعني انتي متحبيني نسيتيني لا لتندارين بس جاوبيني
دانه ..و شنو الفايدة اترجاك انسى احنة كنا نحب بعض و انسالي الي فات و عيش حياتك
سيف ..انتي حياتي اكو واحد يعوف حياته ويعيش غير حياة
سيف ..لا مكبرنه وحتى لو كبرنه بس گلوبنا بعدهة تحب احنة صح كبرنة بس ممتنة واذا حبي الج تعتبري مراهقة اذاً اني مراهق
دانه ..ابجي ..الله يخليك روح ما اريد احد يشوفك يمي روح و انسى كوووولشي
سيف ..راح اروح بس ما اعوفج اني مصدگت لگيتج
دانه ..راح سيف عجيبة و غريبة حالتي من شفته كأنما رجعت لأيام المراهقة و حبه الي كافحت حتى اطلعة من گلبي وأنساه رجع من اول نظرة و كل محاولاتي للنسيان ذهبت مع الريح
ضليت افكر وتايهة حتى بنتي تحجي وياية بالي مو يمهة بس اتصفن ضجت شنو هذه الحالة الي صرت بيهة بمجرد مطلع بحياتي من جديد
بسمة ..كله بسببك وبسبب هذه الدايحة الي جبتلياها من يوم الي ابوك عرف بيهم مطايقني ولا مهتم لأي شي ارتاحيت هسة گلبي و ربي غضبانين عليك
مهند ..هو سمعنة قابل اني رحت گتله ثانيا ابوية من زمان هو ممهتم بيج وعلاقتكم متوترة
اففففففف شلون اقنعهة تخطبلي هبة وهي متخبلة منهم لازم اتصرف اني حبيت البنية و انطيتهة كلمة رحت حجيت وية ابوية و هو گالي راح يقنع امي و فعلا قنعهة بس ما اعرف شلون و رحنة خطبنة هبة و ابوية رجع علاقته ب زيد خال هبة و تمت الامور و الحمد لله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
