Baryong Fil-Fil

Chapter 2

"Ma, ma, buntag na ui, mata na!" pukaw ni Niña sa inahan nga gahagok pa. "Ui, ma, mulakaw daw si papa kay mangitag trabaho sa siyudad. Hoy, mata na ba, ay naunsa man pod ni, MA!!" Wala nay laing mahimo si Niña ug gisyagetan na gyud ang inahan.

"Pagkawala gyud nimoy batasan nga pagkaanaka ui. 'Di pwede matulog?!" Ingon pod sa inahan ug nagtrapo sa iyang laway. "Dili ka maggoodbye kiss kang papa? Aw ikaw gud, dli na gyud mo magkita ni papa." Ingon pa ni Niña. "Aguy, kinsa man gaingon nga makaadtug siyudad nang imong papa kay akong luokon! Adtu-adtug siyudad, basin dili na trabaho adtuon didto kundi baye! Aguy, patay gyud tung anim*la to!" Gayaw-yaw inatawun ang inahan, buntag sayo pa kaayo. Dali-dali pod nitindog ang inahan ug suot sa iyang tsinelas. Ang amahan pod nga nakadungog, nagtinarong pod ug tindog sa may pirtahan dala sa iyang bag.

"Unsa man ning muadtu man daw ka ug siyudad kay mangitag trabaho?!" yaw-yaw sa bana. "Aw, pangga, kinahanglanun man gud kaayo natu ang kwarta dayon wala na kaayo tay makaon diri sa balay pareha sa nahitabo sa atong anak gabii, nagpalit lang ug ginamos, pataka na run ug istorya. Perte pod layua sa atuang palitanan ui. Para kung makakwarta ko didto, mubalhin na lang pod ta sa siyudad para dili na pod ta maignorante diring dapita. Ge, na gud pangga, para ra man pod ni sa atung pamilya." Palouy-louy pa kaayug nawong sa amahan nga gihinganlan ug Patrick.

"Aguy-aguy, kani lagi dayong mga rason-rason lagi! Unya kung mahibal-an nako nga mangchicks ka didto o mamayot, bulag na lang gyud ta ani!" yaw-yaw na pod. Murag na alingog-ngogan na gyud ang mga silingan. "Unsa naman pod ning bulag-bulag, pangga. Dili lagi ko mag-ingana. Magtinarong lagi ko didto para lang pod ni sa atuang anak nga makaeskwela ug maayo didto." Istorya pod sa amahan. "Bitaw! Kay ug naa lagi koy madunggan aw! Putol gyud nang liog nimo!" Yaw-yaw intawun ug nilakaw padulong kusina kay mag mogmog kay nanimaho pang laway.

Natingala na lang si Nicole kay nikalit ra ug gakos iyang bana sa iyaha gikan sa likod. "Muadtu na ko, pangga" ingon ani ug nilakaw na. Nananghid pod si Patrick sa anak ug nitando ra pod sa iyaha ug didtu, nakalakaw na gyud hinoon si Patrick de Loslos. "Nak, kanus.a kaha mubalik imong amahan..." ingon ni Nicole sa iyang anak. Nakum-ot pod ang nawong ni Niña. "Naunsa ka dira ma? Gimingaw na kang papa?!" ingon pod sa anak. 'Grabi na gyud ni si mama ba, shaget-shaget pa ug nadungog sa tanang silingan unya mangutana ra diay kung kanus.a mubalik. Alaw-aw gyud' Niña.

Nakuratan na lang si Niña kay nikalit na lang ug hilak iyang mama. "Ui mama naunsa ka dira?" Ingon sa anak ug niadtu dayun sa inahan. "Gimahal nako pag-ayu imong amahan ug iya ra kong byaan?!" gaima na gyud hinoon si Nicole. "Hoy ma, naunsa na man intawun ka ui. Wala man ka bya-i ni papa para mamaye didtu sa siyudad, kwarta may gipangita atu." Ingon pod intawun sa anak.

"Gani! Kwarta ang giadtu didtu, basin mangita tog baye nga daghan ug kwarta o dili mamayot to didtu! Pastilan!" Ug naghilak na gyud ug nakalingkod pa sa yuta nilang salog. Nahigugmaan gyud niya si Patrick ug nangulba kung unsa gyud ang buhaton atung tawhana to sa siyudad. "Ay kabalaka ma, kay pangita-an pod lagi tikag gwapo ug datu nga laki sa siyudad kung magbinoang man gali si papa." Hala, istorya gyud anak kay unyag muambak na sa inyong tugkaran. "Mao ba, sige... Lung-ag na dira kay matulog sa ko. Mat-ha lang ko pag naluto na ang sud-an ha." Murag naluya nga sugo sa inahan sa anak. Nakasulod na intawun ang inahan sa kwarto ug nabilin ang anak sa kusina. Ug nagum-ot na pog ang nawong ni Niña sa gisugo sa inahan nga mao man unta trabaho sa amahan.

"PA, BALIK DIRI!!" Shaget ni Niña pero dali ra nakalayo ang amahan kay kabalo na kung unsay mahitabo paglakaw niya. Nagdagan-dagan pa intawun ug wala matuyo, nakabangga siyag tawo. Isa ka gwapa nga baye, nga taason, mas taas pa gyud niya ug pila ka inches. Perte pod putota sa amahan.

"Ai, hala, giah*k, pasayloa intawun ko day, gadali-dali man gud ko---" naputol pod sa pagistorya ang amahan kay mura mag taga siyudad. "Ay, ahm, sorry kaayo dalaga ha, ah.. nagdali-dali man gud ko, sorry jud kaayo" ingon ni Patrick ug dalig dagan-dagan. Isog kaayog nilantawan si Tadle ug gisipatan na lang si Patrick.

"What's with that lowly pest." Ingon pa ani. Nikalit lang ug pula ang iyang mata ug dali ra pod nawala.

"Ms. Tadle, it's a pleasant to meet you. How's your traveling here?" pangutana sa usa ka laki nga nakajacket pag itom ug nakapantalon ug itom, for short, nakaitom siya tanan. "It's annoying here. Lead me the way" ingon ang baye ug nawala silag kalit.