Baryong Fil-Fil

Chapter 8

Chapter 8: Mall Time

"Ma, adto na mi!" Pananghid ni Neca sa iyang inahan nga nitando lang pod. "Ayaw intawun pag sigeg kiat didto. Palihug lang ko ug bantay ani nila, Ninya. Unyag malusot na sa kanal aguy sige ra raba nag dagan-dagan ug way liko-liko." Ingon ni Margie ug nitando na lang pod si Ninya sa sugo.

"Pagdali na ate Ninya! Sigeg yawyaw si mama ui!" Ingon pod dayun ni Neca ug gibira ang sanina ni Ninya. Gitawagan pa ni Ninya ang ilahang driver nga mao ang magdrive sa ilaha karun padulong sa mall. Nisakay na sila sa ilang auto pag-abot niini sa ilang gitindugan. Si ninya nasa passenger seat ug ang duha naa sa likod nilingkod, nagkiat-kiat pa gyud. Nisugod na ug padagan ang ilang driver, ug ang duha sa likod, nagtagsa pa ug bintana naglantaw-lantaw sa gawas. Nikuha ug cellphone si Ninya ug iyang gipicturan si Neca nga nalingaw ug lantaw sa gawas, with silaw-silaw effect pa sa kilid.

"Ako ning i-upload sa insta" Ingon pa ni Ninya sa iyang kaugalingon. 

Caption: Don't lose your innocence in the circle of life   _Unknown
#QuoteForTheDay  #Going2TheMall  #BabyGirl  #Innocence

"Chaka, innocence daw oh." Ingon napod ni Ninya sa iyang kaugalingon ug nikatawa gamay. Nakatutok pa siya sa picture ug naa nalay ni like or heart sa iyahang pic ug kadtu si Meriflor. Nahuna-hunaan niya nga iuban na lang si Meriflor sa laag para naa na siyay kauban magbantay sa duha ka bata. Ug nituo pod intawun siya sa "The more the merrier". Ug didtu iya dayung gitawagan si Meriflor. 

"Meriflor, aha ka karon?" Pangutana ni Ninya pagtubag ni Meriflor sa tawag.

"Naa sa studio ni mama ui. Boring kaayo, everwing ra ta ani bes" Luya nga tubag ni Meriflor pero gusto na pod baya ani mukuyog sa laag. "Unsa man? Uban ka? Laag ta" Pangutana pod ni Ninya ug si Meriflor pod nag-ambak-ambak sa iyahang lingkuranan. "Yes! Yes! Uban ko!" Ingon ani ug napalingi na lang dayon siya sa iyang mama nga nakapaminaw sa istorya sa duha, nitando na lang pod ni pasabot nga nisugot nga mulaag ang anak sa mall. "Okay-okay bes, kita ra ta sa mall, sa entrance, 'kay?" Ingon ni Meriflor ug gi-end call na dayon. Dali-dali pod siya ug gawas sa studio sa iyang mama ug nipara ug taxi. Gihunungan pod siya ug nisulod na.

"Kuya, sa mall" Ingon ni Meriflor ug nitubag pod ug "Okay, ma'am" ang driver. "Echos, 'Ma'am' daw ko. Nyahaha" Ingon ni Meriflor sa iyang kaugalingon ug ni text kay ninya ug "Padulong nako" ug gangisi nga naglantaw sa gawas pagpalong niya sa iyang cellphone.

Pila lang kaminuto ug nakaabot na siya sa mall. Gihulat na lang sila Ninya kay giparking pa ang auto. "Ate Ninya, patya ra gud na si Leocil!" nakuyawan na lang si Meriflor sa nadunggan. Bata kaayo ug tingog pero 'patay' na ang giingon mao tung iyang gilingi kung kinsa. Paglingi niya naa na si Ninya nga naay kauban nga bata, duha kabuok.

"Anak nimo, Nya?" Nakuratan o kurat na pangutana ni Meriflor kay Ninya. "Nabuang, dili ui, anak ni sa akong silingan. Mao diay ni si Neca ug kani si Leocil." Paila-ila ni Ninya. Nitando ra pod si Meriflor sabay ingon "ah, okay". Pasulod na unta si Meriflor sa mall pero naapsan pa gyud siya sa gamayng bata nga si Neca. "Nabuang naman guru ka te? Pareha ba diay mig nawung ni ate Ninya? Kagwapa ra nako da!" Ingon pa aning bata ug napalantaw na lang si Meriflor kay Ninya. "Halaka ui, grabe nga bata" Ingon ni Meriflor sa kaugalingon ug nagkatawa na lang.

"Tala na ui, kinsay gusto mukaon sa!" Ingon pa ni Meriflor ug dako kaayog ngisi. "Wala pa kay kaon 'te? Tambok naman ka, mukaon pa ka?" Pangutana ni Neca nga gatutok lamang kay Meriflor. Medyo gisamukan na si Meriflor kay Neca. "Buot ka nako nga lami man ang pagkaon bi!" Ingon pa ni Meriflor. "Ngee! Busawan guru ni ba!" ingon ni Neca nga gikataw-an ni Ninya. Nasuko pod si Meriflor kay Ninya ug simhagan gyud pag-ayo ug nahilom gud. 

"Ayna dira 'te, dula na lang tag basketball o!" Hamon ni Neca kay Meriflor nga murag giganahan pod. Ug didto, niadto sila sa arcades. Nagdula sila kung unsa'y magunitan o magustuhan nila. Nisulod pa sila ug videokehan ug nagkanta-kanta bahala na ug nagkayabag, hatagan pa ka ug 100 score. Mga upat ka oras ang nilabay ug nigawas ra pod sila sa arcade. Gipangkapoy ang ilang mga nawong. Si Leocil giganahan ug sakay-sakay atung mga kabayo nga mulihok-lihok daw. Kato bitaw hulugan ug piso. 

"Pagpuyo daw dira Leocil! Dili gyud ka pakan-on run! Adto raba mig Jolibee!" Ingon ni neca sa igsoon nga mosulod pa unta sa arcade kay musakay pa lagi unta ato. Pero pagkadungog niya sa 'Jolibee', nibalik na lang siya sa iyang igsoon kay gigutom na pod siya ug dinula.

"Tara na Ninya, gigutom na gyud ko ai" Ingon pa ni Meriflor kay Ninya. "Dako gyud nig kaon ba" Ingon pod ni Neca. "Paghilom daw! Wala ba ka kabalo kung unsa ka kalami ang pagkaon? Kung unsa kalami ang pagkaon kaysa sa mogugma ug usa ka tawo? Kay ang pagkaon dili ka pasakitan! Mabusog ra ka!" Drama kunuhay ni Meriflor. "Ada, gugma 'te ui. Daghan rabang nabuang anang gugma 'te" Ingon pod ni Neca. Si Ninya na lang nakapanglingo-lingo.

"Nabuang na kung nabuang. Mao ra gihapon dili ko niya pansinon" Naluya nga ingon ni Meriflor. "Sakto gyud diay ka 'te. Ikaon ra na siya. Tala na ui. Gigutom na baya ko ganiha ra" Ingon ni Neca ug giguyod dayon si Meriflor ug nilakaw na dayon.

"Aha gali ang dalan padulong Jolibee?" Diay to, wala kabalo sa dalan, gauna-una pag lakaw. "Mao na, dili lagi mauna-una. Ikaw baya siguro tong busawan" Nilingi pod si Neca kay Leocil. "Unsa man? Ngita kag away!" Suko nga ingon ni Neca ug gisipatan si Leocil. Dili na ni padugayon pa ang sig yawyaw kay siya, gigutom na gyud ug kiniat ganiha.

"Tara na ui, kadaghan gud ninyong ek ek diha" Ingon pa ni Ninya ug nisugod nag lakaw gagunit kay Leocil. Pero wala nabantayan, nakabangga siya ug tawo. Dali pod intawun siyag ingon ug "Ay hala, sorry kaayo". 

"F*ck, what's with you, b*tch!" Nakuratan na lang si Ninya sa laki nga nakabangga niya kay gisyagetan gyud siya ug nakakuha na pod ug atensyon gikan sa tawo nga nilabay sa ilaha. Gilantaw pod ni Ninya ang laki nga naay kauban pang duha kabuok. Murag isog man gud kaayo, nidungo na lang pod siya ug balik.

"Kanang, sorry gyud kaayo" Nangulba nga ingon ni Ninya sa laki. "Tsk. Unsa may problema nimo? Buta ka? Wala ko nimo nakit-i? Sa akoang pagkagwapo wa ka kakita nako?!" Nakuratan si Meriflor ug Ninya sa giingon sa laki. Ana pod si Meriflor sa iyang kaugalingon, "Halaka, kapilingiro ba niya ui".

"Hala ui, kapilingiro" Ingon pod ni Neca. Ana na lang pod si Meriflor sa iyang kaugalingon, "Good job, Neca". Nakadungog pod ang laki nga gipanganlan ug James sa giingon sa bata ug gitutukan pa niya. "Unsa man? Bisag gwapo ka hoy, maot gihapun kag batasan! Ayaw shageti nang akoang ate!" Dugang ingon pa ni Neca.

Nikatawa pod ang mga kauban ani nga si John ug Roel. "Grabi kasalto" Ingon pa ni John. "Ayna dira Chau, adtu na ta. Aynag seg pangitag away ui. Mupatol pa nig bata ba" Ingon pa ni Roel nga nagkatawa pa.

"Paghilom ra gud mong duha!" Suko nga ingon ni James. Nilakaw pa ni paduol kay Ninya. Ug giduol pa gyud ang iyang nawong sa kay Ninya. Napaatras gud siya. "Magkita ra ta. Pasalamat ka ug naa pa miy buhaton karun. Bye, bye, ate.." Ingon ani ug nilakaw na kauban si John ug Roel nga nagkatawa pa. "Laawa nimo Chau ui" Buhakhak pang katawa ni Roel.

Pagkalakaw sa tulo, nanampung pag ilong si Ninya. "Asus, baho ba diay tog baba, Nin?" Pangutana pod ni Meriflor kay Ninya. "Naah, giganahan baya na si ate. Gikilig pa na oh." Ingon pa ni Neca. "Lagi, abe siguro ani nga kissan ni siya ba" Ingon pa pod ni Leocil. 

"Gapataka lang man mo ui. Bahala siya. Katung nawunga to, dili na na nako makit-an! Gwapo man nuon, Pilingiro hoy! Giluod pod ko da!" Taas nga ingon ni Ninya ug gauna na ug lakaw sa Jolibee ug gibilin ang tulo.

"Gikilig baya siguro to, Neca. Wala na gud ta niya nahuna-hunai, seryoso? Gibilin ra ta?" Ingon pa ni Meriflor nga gatutok pa sa likod ni Ninya nga galakaw palayo. "Naah, ambot ana niya 'te ui. Gikilig lagi na, naa pay baho-bahog baba, wala baya na. Sa tinood atu, gaexpect to siya nga kissan siya unya kay wala man, para matago ang iyang kaulaw nga nagnganga raba ang baba, iya na lang pod gisampungan iyang ilong. Gibungaw tu 'te" Taas nga ingon ni Neca ug nitando lang pod si Leocil.

"Tala na ui, gigutom na gyud ko." Ingon lang pod ni Meriflor ug nisunod na lang pod ang duha ug nagistory-istorya kung unsa ilang buhaton paghuman nilag kaon. Ug naplanuhan na nila nga mamili na pod sila ug sanina dayon dula napod sila sa Arcades. Mao tong paghuman gyud nilag kaon, nangadto gyud silag botique nga mga mahalon pa gyud ug sanina. 

Ang nahitabo, gabii na kaayo sila nakauli. Daghan kaayo silang napalit nga sanina, pagkaon, ug dulaan sa duha ka mag-igsoon. Ay, unsa pa man, dato gud mao nang gawas kwarta! Habang naa pa!