Baryong Fil-Fil

Chapter 7

Nilabay ang usa ka bulan ug naa na ang mga taga-baryo sa ilahang Nicole. Nagpatukod na lang pod sila Nicole ug lain-laing balay sa ilahang yuta para sa ilahang mga silingan. Sauna pa man pod si Patrick, naghuna-huna na, kung siya daw madato, iyahang hatagan ug tagsa-tagsang balay iyang mga silingan. Perteng swerteha gyud nilang tanan kay gihatagan gyud silag regalo gikan sa ilang buotang silingan. Busa, ang problema nila nga si Hamal, wala pa gyud nakita. Si Karyat kay permi ra naa sa sulod sa iyang kwarto ug walay gana mugawas-gawas sa ilang balay. Medyo nadala ang mga silingan ug apil sila, murag naluya sa nahitabo.

Si Hamal nga naa sa panimalay nila Ms. Tadle ug Kevin, relaks kaayo ug sige pag kaon nga murag walay nabalaka sa iyaha nga tawo nga halos maghilak na raba to ug dugo sa kabalaka ang iyang mga silingan.

"Karlo, nakakuha ka na ba ng mga impormasyon tungkol sa pamilya ng batang 'to?" Pangutana pa ni Kevin kay Karlo nga nakapormal pa ug tindog sa hari nga naglingkod lamang sa lingkuranan ani sa taas kaayo nga dining table. Sa kilid niya kay si Hamal nga dagko kaayo ug kaon nga murag walay kaon gahapon nga permi man unta gihukaran taga-adlaw sa dato kaayo nga panimalay.

"Pasensya na po, Sir Kevin. Sa mga  ganitong sitwasyon, agad akong makakuha ng mga impormasyon tungkol sa isang tao. Walang impormasyon na pinalalagpas ang mga koneksyon ko pero ngayon lang ako nakasalubong ng ganitong problema. Hindi ko po sila mahanap na siya talagang ipinagtataka ko."Ingon pod ni Karlo kay Kevin. Medyo naglibog pod si Kevin sa nadunggan. 'Hindi mahanap kahit anong gawin?' pangutana pa ni Kevin sa iyang kaugalingon.

"Kung hindi ito mahahanap gamit ang bagay na tinatawag na teknolohiya, gamitin mo ang paraang magpalabas ng litrato sa siyudad para ipahanap ang mga magulang ng bata at kung hindi, kailangan nating gisingin ang obispo natin para malaman ang nakaraan ng bata." Taas nga ingon ni Kevin kay Karlo ug nitando na lang pod siya sa sugo sa hari. 

Ang obispo nga gitawag ni Kevin kay mao ang murag magpayo sa ilaha. Mao ra pod kini ang makakita sa kaugmaon ug ang mga nahitabo na nga mga butang. Makabuhat man ug ing-ani ang hari ug reyna pero kung gamiton nila ni, posible nga naay mahitabong dili maayo sa ilahang kaugmaon. Ang makahimo ra gyud ani para iwas samok, ang obispo ra gyud ang makalantaw sa 'past' ug 'future' sa mga butang-butang. 

Naay duha ka obispo. Pero ang usa ka obispo kay nabilanggo sa underground kay tungod sa paghimo kini ug dili maayo sa mga bampira nga pwede nilang ikamatay tanan-- sa sugo ni Exshan-- ug didto naluwas ra ang tanan kay tungod ra pod sa usa ka obispo nga nakatulog ug mga lima ka dekada tungod sa nahitabo ug kauban ang ubang mga lain-laing binuhat o nilalang.

"Lolo Kevin, kanus-a pa ko maka-uli?" pangutana intawun sa batang Hamal nga niinom pa kunuhay ug gatas. Naghuna-huna pod si Kevin kung unsay itubag kay dili man itawun siya kabalo magbinisaya kay taga Grusiala man intawun ni siya. (A/N: Grusiala means Manila XD)

"Ahm,... Ah... Ahm..." kaistoryahon nga dili ang nahitabo kay Kevin. Dili siya sure kung sakto ba ang iyang iistorya. Maygali ug nakasabot pa siya ug binisaya pero dili kabalo muistorya. Nagbasol intawun siya kung ngano wala niya gitun-an ang binisaya sa pila na ka libo ka tuig niyang nabuhi sa kalibutan.

"Ah..." Muistorya na unta siya pero nakit-an niya ang usa niya ka katabang sa iyang mansion ug iyang gitawag kini ug gihung-hungan. "Ah, ayha ra ka maka-uli ug makit-an na nila ang imong pamilya." Ingon pod sa katabang ug nagpahiyom sa bata. Nitando na lang pod ang bata ug nibalik na pod ug kaon.

"Salamat." Ingon lang pod ni Kevin sa iyang katabang. Ni bow pa kini kay Kevin pero napahagikhik na lang pod ni ug katawa ang katabang ug nilakaw na. Medyo naulaw pod si Kevin sa nahitabo ug nilantaw na lang pagbalik kay Hamal nga nagkaon na ug cake. "Sana mahanap na ang pamilya nito kundi ubos lahat ng pagkain sa bahay." Ingon pa ni Kevin sa iyang kaugalingon ug nakapanglingo-lingo na lang.