Baryong Fil-Fil

Chapter 12

Chapter 12: Truth

"Hmm.. So gikan mo atung lugara?" Ingon ni Kevin ug niinom sa usa ka burgundy wine glass na naglalaman ng dugo sa usa ka hayop nga nakit-an ni Dae nga naay high quality na dugo. Kining si Dae, expert ni sa pagpangita ug high quality nga dugo. Trabaho niya kini para sa iyahang girespituan nga bampira sa ilahang lugar o kalibutan, kalibutan sa mga bampira.

Nagtando-tando pod silang tanan nga magsilingan. "Mga pila na pod mo katuig nga nagpuyo didto?" Pangutana na pod ni Kevin sa ilaha. Nagihap pod sila kung pila na sila katuig didtu. "Unya ra ha, ihapon sa nako" Ingon ni Patrick ug nagihap-ihap kuno siya with kamot pa gyud ha ug lantaw-lantaw sa atop. "Isa, duha, tulo..... Ah! Mga sebeten na mi dito nagpuyo!" Ingon dayon ni Patrick. Pero gisiko dayon siya sa iyang asawa. "Pasensyahe na lang ning akong bana, seventen mi didtu nagpuyo." Ingon dayun ni Nicole. "Adah! Gicorrect na lang gani ang pronounce dli gihapun mao. Seventeen mi nagpuyo didtu" Ingon dayun ni Ninya ug gipakpakan siya sa iyahang mga silingan.

"Dili man pod sa ingon nga kailangan nimo ikorek" ingon ni Kevin nagduha-duha kung mukatawa kay naggamit naman intawun ni sila ug 'Language Barrier'. Usa ka gahom nga panag-iya ni Dae nga gisamukan ganiha sa sige ug english-english nila. Pinaagi sa paggamit aning 'Language Barrier', bisag unsa na ang sinultian ni Kevin ug ang iyang mga kauban, masabtan ra gihapun ni sa taga baryo. Ug ang mga mga Royals, makasabot na sa inistoryahan ani nila. So karun, wala na silay problema kung magenglish-english pa sila. Kaso lang... you know?

"Aw, aw, sorry, 'dong" Ingon na lang pod ni Patrick, Naglibog pod si Kevin unsay 'dong. Dili matranslate sa laguage barrier? Unsa? Google translator? "Unsay dong?" pangutana intawun ni Kevin kay Patrick. "Ah, dong? Kanang tawag namo sa mga batan-on nga gwapo" Tubag pod ni Nicole. "Katong mga maot?" Pangutana pod intawun ni Ms. Tadle kay murag naintriga pod siya niining istoryaha. "Ah, tambay to sila" Ingon pod dayun ni Patrick. Nangatawa na lang pod silang tanan. Nangatawa sa walay kapuslanang inistoryahan.

"Bitaw, balik ta sa atuang giistoryahan. Kung gikan gyud mo sa atung lugara, nagpasabot lang na kamo ang..." Ingon ni Kevin ug seryoso naglantaw sa ilaha, mga taga baryo nga naglibog pod sa iyang giingon.

"...Greasilas" Ingon ni Kevin ug nakuratan na lang si Dae ug Christian sa giingon ni Kevin. Dili sila katuo sa giingon sa ilahang kamahalan pero kung kini man ang mismo nag-ingon, sigurado nga tinuod gyud ni siya. Si Ms. Tadle, wala na nakuyawi kay nafeel na pod niya ganiha nga murag mao na gyud ni sila ang dugay nilang gituhuan nga wala na. Nakapanghinuktok ang mga taga baryo sa iyang giingon. 'Naunsa na sila? Nakahinumdom na sila kung unsa gyud sila?' pangutana intawun ni Kevin sa iyang kaugalingon. Sa kataas-taas na kahilom, nakapanlunok si Kevin ug ang mga kauban niini, kay basin lagi ug nahumduman na nila ang mga nahitabo.

"Unsa na?" Nakatanga na lang gud silang Kevin sa nahimong tubag ni Patrick sa ilaha. "Seryoso, wala moy nahinumduman---" Napaingon na lang si Dae pero naputol ang iyang giistorya kay gipaundang siya ni Kevin gamit ang iyang kamot nga nagpasabot nga mupahilom siya. "Ayaw na, Dae. Pasagdai na lang sa ni sila. Siguro dili pa kini ang oras para mahibal-an nila ang tinuod." Ingon na lang ni Kevin ug nitindog na. "Mangadto na mi kay naa pa miy asikasuhon" Ingon na lang ni Kevin.

"Ay manglakaw namo? Dili mo mukaon aning mga among gipanghanda?" Pangutana ni Nicole pero nilingo-lingo na lang si Kevin ug naglakaw na padulong sa pirtahan. Nisunod pod si Ms. Tadle ug ang mga kauban niini. "Sige, balik lang mo diri sunod, laag-laag lang ba!" Ingon ni Nicole sa mga Royals ug nagbabay pod ang mga silingan sa bisita. Ug nikalit na lang sila ug kawala nga murag mga bula. Ug mao ra gihapun, namangha gyud ang mga taga baryo sa nahitabo lang sa ilaha karong adlawa. Nisalop na ang adlaw ug oras na para manguli na ang uban sa ilahang mga balay pero nangahadlok na kini sila kay basin ug mamalik tung mga nangitag gubot sa ilaha ganiha. Ug ang nahitabo, sa mansion nilang Nicole natulog ang tanan. Ug ang nagubang celebrasyon ganiha maoy gihimong party sa sulod sa mansion. Nakasirado ang pirtahan, hasta ang bintana nga gibutngan pa ug itom nga kurtina ug gibutangan pa ug disco ball sa tunga. Dako kaayo silang speaker ug nagpasounds pa ug kusog.

"Wooh! Party! Party!" Syaget intawun sa tigulang na si Rash kauban si Jezryl, nagsayaw-sayaw sa tunga. Pag-ilis ug kanta nga cha-cha, dali dayun nagpatunga si lola Lyka ug giparisan intawun ni Rash pero nisingit pa gyud si Jezryl ug gagunitanay ug kamot ang tulo ug nagsayaw-sayaw. "Wooh, tigulang na lang, kusgan lang gihapun, wooh! Ilisdig budots!" Syaget pod intawun ni Jeeh.

Dali dayon giilisdan ni Ronel ang kanta. Siya mao ang nagmanage sa kanta karon ug mga kalihukan sa mga lights. Sa kilid naa ang taas nga lamisa ug sa ibabaw ani kay ang mga nagtalay nga pagkaon nga niluto pa ni Lady Jane.

*Disco Sounds*

Sa beat pa lang sa kanta, makasayaw na ka. Nalingaw ang taga-baryo sa ilahang gamayng celebrasyon. Ug sa dihang, naay nikalit ug doorbell sa ilahang mansion. Nahilom ang tanan ug basin daw kato na pod mga nangitag away ganiha. Dali-dali dayun nilag palong ang mga suga ug gihilom ang kanta. Ukoy-ukoy dayun sila ug adtu sa may pirtahan. Ang uban nilili pa sa may bintana pero wala silay nakita sa kangitngit sa palibut. Hinay-hinay dayon sila ug duol sa may pirtahan ug ilang giabrihan.

Gikulbaan sila habang gaopen sa pirtahan. Nagdala na pod ug mga silhig tukog ug daspan. Ug nahinay-hinay ug ukoy.

"Ayo, naay disco?" nakuratan na lang sila sa tawo nga naa sa ilahang pirtahan karun. Si ex-mayor Denlaoso! Kauban ang anak nga si McPhail nga nagbeatbox na daan.

"Taga asa man mo dong?" Pangutana pa ni Patrick. Tubag pod intawun sila ug "Huh? Taga... Pantar!" Nagkatawa na lang ang tanan kay abi nilag si kinsa ang naa sa ilahang pirtahan pero si ex-mayor ra diay tu. Ug didtu, dali dayun napasiga ang mga disco lights ug ang budots nga kanta. Sa wala pa nakasulod ang duha ka higala, nagsayaw na daan ug budots, pang entrance niing celebrasyona.

"Wooh! Party to the max!" Syaget intawun sa bata nga si Hamal ug sa may kilid, naghimo-himo pod kunuhay ang mga bata ug grupo ug didto nanayaw. Namely, Karyat, Rotsen, Ariel, Neca, Leocil, ug niuban na lang pod si Jazeel ug Jeeh nga nag-inom-inom kunuhay ug juice. Hmm, juice ba kaha to?

"Tsk. Letse talaga ang mga Royals na yan. Palagi na lang nila pinuputol yung plano natin!" Suko nga ingon ni Junmar nga karon nagtutok na lang sa mansion nga gasiga ang mga nagalain-laing suga. 'Ang sarap namang sumali sa disco nila' ingon pod intawun niya sa iyang kaugalingon.

"There's no need to rush" ingon pod ni Exshan habang nakabutang ang iyang duha ka kamot sa iyang mga bulsa. Sa kilid, makita si Rhealboy nga naghinuktok ug naa lang gihuna-huna. "Pre, walang ganyanan pre, kung ganyan man ang iniisip mo, mas mabuting wag ka nang sumama sa susunod na bisita namin sa mga Greasilas" Ingon ni Junmar sa iyang kauban. Nagunitan lang niya kini ug nahibal-an na dayon niya kung unsa ang iyang gihuna-huna. Ang gahom nga naa si Junmar kay mahibal-an niya ang panghuna-huna sa usa ka tawo kung magunitan lang ka niya. Mao nang ayaw pakampante kung moduol ka aning tawhana, mabisto gyud ang imong pinakatago-taguan nimong sikreto.

"Hindi. Dapat pupunta siya kung gusto niyang makalimutan ang lahat." Ingon pod ug kalit ni Exshan nga nakadungog sa giingon lang ni Junmar. Naghuna-huna pa si Rhealboy sa giingon sa ilahang boss ug nitoo na lang pod siya sa giingon niini. "Okay ra ko, Junmar, dapat nako ni antuson" Ingon lamang niya ug nagtutok na lang sa mansion nga nabusy ug ayo sa pagsayaw ug chacha. Ug nikalit na lang sila ug kawala.

"Tsk. Sabi nila, wala na akong ikabahala pa pero... Tsk" Ingon sa usa ka tingog pagsigurado niya nga wala na ang tulo nga bampira. Naglantaw lang pod kini sa mansion gikan sa usa ka lugar nga natabunan ug mga dahon-dahon ug kahoy. Si kinsa kaha ni?