Mga pila na kabulan ang ninglabay ug mas nilambo pa gyud ang siyudad sa pamuno ni Patrick. Nakapuyo nag mansion ang pamilya ug nibalik na sa saunang baryo ang ilang mga silingan sauna. Sugod pag-uli sa mga silingan nila, wala na sila nagkontakay kung unsa na ba ang nahitabo didto. Pero si Patrick, wala mahimutang tungod sa iyang saunang silingan nga usahay mutabang nila ug patay sa mga bitin sa ilang tugkaran. Perte pod intawun kamingaw sa ilang mansion kay sila rang tulo sa iyang anak ug asawa ug dili kaayo maistoryahan ang ilang mga suloguon sa mansion kay dako ang respeto nila sa ilang amo kay tungod lagi anang bilyonaryo daw. Ug ang ilang mansion pa gyud kay naa sa tunga-tunga sa murag kalasangan nga ilaha ra gihapong yuta. Wala naman sila mabalaka maghike padulong sa ilang gate nga 1 ka kilometro kay naa man ilang lamborghini nga itom nga nadaugan nila sa regional nga sabung ug manok. Wala nahutdan ug swerte ug kwarta ang pamilya De Loslos. Mao nang malipayon ang ilang kinabuhi.
"Pangga, mubisita kaha ta sa atung baryo. Gimingaw naman ko nila ui. Naunsa na kaha tu sila didtu." Nabalakang ingon ni Patrick sa asawa nga nakagakos pa gikan sa likod niini. "Pasagdai na tu sila didtu ui. Basin gilibak-libak na pod ta didtu kay tungod lagi kay lrj na kaayo ta." Ingon pod ni Nicole sa asawa. "Ayaw pod paging-ana pangga, basing diay naghulat ra pod tu sila nga bisitahon natu sila, kabalo baya ka kung unsa kabut-an ang atung mga silingan sauna. Kaysa karun, bisan usa lang gali ka silingan diri, wala gyud. Ge na gud, pangga." Hangyu ni Patrick sa asawa. "Sige, tara, si Ninya? Aha naman tung bataa tu?" pangutana pod sa inahan. "Nagshopping man daw tu kauban si Meriflor. Murag nacolse gyud sila ug sige ug panghunting ug gwapo nga laki. Mabuang na guru tung duha. Perte raba gyud kamanyak tung atung anak, pangga, matakdan unya si Meriflor!" Ingon pod ni Patrick. "Ada, paghilom dira, sa imoha raba tu na liwat." Istorya pod dayon ni Nicole. "Hala ka pangga ui, sa imoha man gud tu, kahinumdom pa ba ka sauna—" wala na nadayun ang giingon ni Patrick ang iyang iingon kay gisampungan na ni Nicole ang baba niini. Klaro nga naay gitagong dili maayo sa atua. (a/n: ssshhh!! XD Aysaba Nyahahahaha)
Nilabay ang isa kaoras ug niabot na gyud si Ninya. Sa likod niya, ang iyang driver, daghang dalang paper bag. Nagpasabot lang gawarak ug gasto sa kwarta. Naignan na pod si Ninya nga mangadtu daw silag balik sa baryo Fil-fil. Nisugot man pod si Ninya kay siya gimingaw pod sa kabuang sa iyang mga silingan. Samot na ang duha kapaborito niyang bata didto nga magpartner in crime gyud nga si Hamal ug Karyat. Nagsugod na silag byahe ug mga duha ka oras, naabot na sila sa baryo. Natingala sila kay hilom man kaayo ug wala may isa lang katawo nga galakaw-lakaw sa dalan. Ang mga nalabyan pod nila nga mga balay kay puro sirado. Nagum-ot na lang ang ilang mga agtang sa nakita nila. Ninaog sila sa basketbolan sa ilang baryo.
"Naunsa na man ni? Wala may tawo." Ingon pod ni Nicole nga murag nahadlok sa nakita. "Ay, basin naa sila sa atung taguanan sauna" Dugang ingon ni Nicole. Ug nitando pod si Patrick pero naglibog si Ninya kung unsa nang giingon nila, kay sukad-sukad, karon pa siya kadungog atu. Nibalik na sila ug sakay sa ilang auto. Balaw pod silag tudlo sa ilang driver sa dalan padulong sa ilang 'taguanan sauna'. Ambot lang kung nganu sila nanago didto. "Pangga, ayaw ko igna nga nahitabo na pod to?" Nakulbaan na nga pangutana ni Patrick kay Nicole ug ang duha nilingi dayon sa ilang anak nga si Ninya nga gikalibugan pod kay wala man intawun siyay kalibutan ana ui.
"Unsa diay naa ma?" Pangutana ni Ninya. Muistorya na unta si Nicole pero kay niingon man dayon ang driver nila nga naabot na sila, wala na natubag ang pangutana ni Ninya. Ug ninaog na sila sa ilang auto. Pagnaug naa kay makita nga langob na napuno ug mga ugat-ugat sa kahoy gikan sa ibabaw pero ang nakagwapo lang kay naa kiniy bulak nga color red nga nitubo pod sa ugat gikan sa kahoy nga nakatubo sa ibabaw sa langob. Una palang ni pagkakita ni Ninya kay medyo layu-layo ni siya sa ilang baryo.
"Ma, mao na ba ning imong giingon?" Pangutana intawon sa anak. Nitando lang pod ang inahan. Wala na nangutana pa si Ninya bisag naglibog pa gihapon siya. Nakulbaan siya sa unsa gyud ang nahitabo sa ilang baryo. Hinay-hinay na silag sulod sa langob. Nagdala man pod sila ug cellphone, mao tung gigamit pangspat sa ilang dalan. Nagpabilin lamang ang driver didtu sa gawas nagbantay sa auto nila pero ang tinood tuod atu, talawan ang ilang driver. Mga pila na sila kaminuto naglakaw sa langob ug wala pa gihapon silay nakit-ang tawo o suga man lang. Ang saba lang sa bato nga ilang gipangtumban ang madunggan. Si ninya, nagpatunga sa iyang ginikanan kay nahadlok siya sa kiliran kay unyag naa pa lang daw mubira sa iyaha.
Sa ilang paglakaw, ang kaninang mga bato nga ilang gilakwan kay nahimo nang bermuda, naay kasagbutan ug naa na silay madunggan nga garagasa nga tubig. Natingala si Ninya ug galantaw-lantaw intawun siya sa iyang mga palibot ug naa siyay nakitang tubig ug taod-taod, naa nay murag tuldok sa kahayag sa ilang atubangan nga murag gawsanan na sa langob o pinakatumoy na niini.
Nagpadayon lang sila sa paglakaw hangtud sa naabot na sila sa ilang destinasyon, ang ilang 'taguanan'. "Makamingaw man pod diay pangga noh" ingon sa amahan. Wala na kaistorya si Nicole kay nagwapahan gyud siya sa lugar. Ug ikaduha pang anhi nilang duha aning lugara nga gitawag pod nila ug paraiso. Berde kaayo ug sagbot nga bermuda. Hawan, ug naa poy mga punuang taas na naghatag ug kasilungan. Lami kaayo ang hangin. Mahibal-an gyud nimo nga limpyo ug wala pay unsa nga polusyon nga imong maingon. Sa tuo sa ilang gitindugan naa didtu ang mga lain-laing bulak nga nagtipok lamang sa usa ka lugar.
Dili ka tuo si Ninya sa nakita kay mura na kini ug laing kalibutan. Hayag ang tanan ug makita pa niya ang kalangitan. Lahi ra kaayo sa makit-an nimo sa atuang kalibutan karon nga daghan nang mga katalagman. Nagpadayon ug lakaw si Ninya ug didto sa may wala, naa siyay nadunggan nga mga tingog sa bata mao tong iyang gilingi ug nakit-an niya ang iyang mga silingan.
"Ma, naa sila didto ai!" Ingon pod ni Ninya kay Nicole ug naglakaw padulong didto. Gipangutana nila ang duha kabata nga gihinganlan ug Leocil ug Neca, ang mag-igsoon. "Ui, mga bata,---" naputol ang iingon ni Nicole kay nikalit man dayon ug halog sa iyaha. Nikatawa na lang pod si Nicole. "Tita Nicole, tita Nicole! Ngayo ko kwarta bi" ingon intawun sa duha. Nakuratan si Nicole sa giingon. "Bitaw tita, salom tag dagat ta!" Ingon pod ni Neca. "Unya ra pagbalik na tu sa baryo, laag dayon sa balay namo. Aha diay inyong mama?" pangutana na ni Nicole sa duha. "Naa didtu ay" dungan na tubag sa duha ug gitudlo ang isa ka dako kaayo nga punuan mga 20 ka kilometros kataas. "Ge, dula sa mo dira" Ingon pod ni Nicole ug nitindog na kay nakalingkod siya ganiha kay niguol ang mga bata. Dayon lakaw na nila gikuhit pa gyud ni Neca si Ninya. Nilingi pa gyud siya pero gihiwian ra siya sa duha ug nidagan palayo. "Luh, naunsa tung duha?" nikatawa na lang siya ug nisunod na sa iyang ginikanan.
"'Day, unsay nahitabo?" pangutana ni Nicole sa inahan atung duha nga bata sa si Margie. "Ui 'day nakaanhi lagi ka. May gali kay nakatultol ka namo. Unya 'day, nahitabo na pod 'tung sauna 'day. Nakulbaan pod mi pag-ayo mao nang nibalik mi diri para mabantayan namo among mga anak." Ingon pod ni margie. "Ay te, imong anak 'te, nagdula didtong dapita" Ingon pod ni Ninya ug gitudlo didto sa may punuan nga daghan kaayo. "P*sti gyud ning mga bataa ui" Ingon pod ni Margie ug dali-dalig lakaw intawun padulong sa iyang mga anak ug madunggan na lang ang hilak ni Neca kay nadagma kay gituklod sa igsoon.
Nakit-an ni Patrick si Jinny, ang leader sa baryo nga murag gahagulhol ug hilak. Gikuhit pod ang asawa ug gitudlo si Jinny. Giaadtu pod nilang duha ug gipabilin usa si Ninya kay para sa mga dagko na ang ilang istoryahan run.
"Jinny, unsa gyud diay nahitabo. Naa na pod nawala, Jin?" Pangutana ni Nicole. Nilingi pod si Jinny sa nagistorya nga gapula gyud ang iyang mata ug hinilak. "Nicole, may gali kay nakaanhi gyud ka, nabalaka gyud mi pag-ayo kay Hamal." Ingon pod ni Jinny dungan ug halog kay Nicole.
"Naunsa man si Hamal? Siya ang nakuha, Jinny? Unya? Aha man si Karyat?" Pangutana pod ni Nicole nga gikulba-kulabaan na pod. Bisan pahamak kaayo ang duha, palangga gihapon sila sa ilang silingan kay tungod pod lagi nga wala na silay ginikanan, kabalo pod ang tanan nga ang kinihanglan lang pod sa mga bata, kay ang pagmahal sa usa ka tawo. Ug ila pong gihatag ang tanan bisan gisapot na gyud sila pag-ayo.
"Si Karyat? Naa didtu" Ingon pod ni Jinny kay Nicole dungan ug tudlo kay Karyat nga nagsandig lamang sa dakong punuan nga ilang gisilongan. Ug nakadungo lang si Karyat kay si Hamal ra man gud ang makalingawan niyang makauban. Karon nga wala si Hamal, hilom kaayo siya ug nagpuyo lamang sa usa kalugar sugod pag-abot pa lang nila sa ilang taguanan, isa na kasemana ang nilabay.
Naay usa ka laki ang niduol niya ug nilingkod sa iyang tapad. "Makit-an ra lagi nato siya, ayaw naghilak." Ingon pod sa bata nga laki. Nitando lang pod si Karyat tungod sa giingon sa laki pero nakadungo lang gihapon ug gatutok lang sa sagbot. Gilantaw pod sa laki si Karyat ug gibutang ang ulo ani sa iyang abaga ug didto nagpadayon lang hangtud sa nakatulog na lang si Karyat.
---------
Kinsa 'tung tawhana to?? Nyahahaha 😂😂😜😎
BINABASA MO ANG
Baryong Fil-Fil
FantasyAng istoryang ito ay gawang trip lamang. Kwentong bisaya ang gamit at ang mga tauhan ay aking mga kaklase. Kung dili bisaya pwede na mulakaw. 😜 'di joke lang, kung kinsay makasabot hala basa gud 😅 mao ra gihapun classmate ray makabasa 😂🤣😎
