Baryong Fil-Fil

Chapter 4

"11, 21, 01, 16, 09, 28..... At meron pong nanalo sa pagkakataong ito! Si.... Patrick de Loslos! CONGRATULATIONS!!" Ingon pod tung host sa Lotto didtu sa TV ug isa kamaayong reporter sa naturang channel nga si Jhunver Cots. Nahilom intawun ang tanan sa nadunggan. Si Patrick naglingi-lingi pa, dili makatuo nga siya gyud to o iyang pangalan gyud tung giingon sa TV. Dakong pakpak gikan sa mga silingan samot na sa iyang asawa ug anak. Nisaka ang mag-ina sa entablado ug gihalog gyud pag-ayo ang amahan.

"Dili na gyud ta magbulag. Imo gyung gipakita sa akoa nga maayo gyud ka nga pagkatawo! Gihigugma tika, pangga" ingon pod ni Nicole. "Gihigugma pod tika pag-ayo, pangga. Dili gyud tika buy-an." Tubag pod sa bana. Saksi ang tanan ug ang anak sa gipang-ingon sa duha. Pero ang anak giluod na ug pag-ayo. 'Way Forever ui' ingon pod sa anak sa iyang kaugalingon. Nagpadulong na ug halok ang duha pero nitunga intawun ang anak. "Pagpuyo daw mong duha diha. Luod kaayo." Ug ninaug na sa entablado pero nagnilantawan lang sa usa't usa ang duha nga mura bag walay tawo ang galantaw sa ilaha. Nagginaksanay na lang silang duha, suot ang ilahang malipayong mga nawong.

Nilabay ang usa ka bulan ug nagpakasal silag balik, ug sa siyudad na nila gihimo. Imbitado tanang silingan nila hasta pod si ex-mayor Denlaoso kauban ang anak aning si McPhail nga maayo pod sa pagkanta, siya gani ang nagkanta sa kasal nila ni Patrick ug Nicole de Loslos. Maayo pa gali tu magbeatbox. Bongga ang ilang kasal kay usa tu ka "beach wedding" kung itawag sa siyudad. Wala man pod intawuy dagat sa ila, maayo nang gihimong daplin dagat para maligo paghuman. Ang naghanda pa gani sa ilang pagkaon gihapon gipamunuan ni LadyJane nga mga italian kaayo ug motif. Ang iyang anak, nagsayaw ug cheerdance nga gipamunuan ni Jeeh kauban ang mga kabataan nila sa baryo Fil-Fil, ilang gipakita sa gikasal ang ilang talento. Bale regalo tu sa mga bata sa ilaha. Ang mga tigulang pod intawun nanayaw bisan gakurog-kurog na ang ilang mga tuhod para lang sa gikasal kay mao na pod ang mayor sa lugar nila.

"Naunsa man gud ning duha ka bata diri, perteng pagkakiata gud ani nila!" Suko nga ingon ni Mercado sa tapad nga 'mare niya nga si Margie. "Aysus, nagkiniat napod ning duha. Dili gyud na sila magbulag. Ingon ka nga nabuak ang among paso tungod kay naglayog ang duha. Perte lagi nakong sukoa!" Ingon pod ni Margie. Nitubag pod si Mercado. " Nah! Wala ka! Akong anak, si Ariel nga hilom lang nga natulog sa daplin sa suba, gihalabtan pa gyud ug gibutangan ug yuta ang agtang, gidrawingan pa ug dagkong eyebags ang iyang mata ug nawong sa iyang tiyan. Sus! Kung wala pa lang tu nako nakit-an basin gidayungan na nila akong anak ug itambong didto sa suba ba! Perte nakong sukoa atu lagi!"chika intawun sa duha. Pero ang duha ka bata nagpadayun pa gihapun sa ilang dakpanay nga gipanganlan ug Hamal ug Karyat. Kaning duha ka bata, basta magdula na sila, daghang magbagulbol. Wala na lang poy sukol kay wala naman silay mama ug papa. Ang nagbantay lang ani nila kay si Jinny, ang leader sa baryo.

Busa nagpadayun lang gihapun ang kasal ug malipayon intawun silang tanan. Niadtu sa tunga sa gamayng stage ug nagdalag microphone ang di bale host sa reception na si Jhunver Cots, ang pinakamaayo nga reporter sa tanyag nga channel mao ang ilang gipahost sa reception ni Mayor De Loslos karon. Kay lagi, dato na, ug Mayor pa gyud sa pinakamauswagun nga siyudad. Pero naay usa ka lalaki nga nakalingkod sa counter bar—kay sa usa ka bar man gilocate ang reception nila ni Nicole nga didtu ra gihapon sa beach nakalocate—naginom pa ug mahalon nga ilimnon, kay libre lagi ang tanan. Nangstalk kini sauna pa kay Ninya. Kay lagi, murag na inlove na kini sa baye. Pero gipalayo lang gyud niya ang iyang kaugalingon kay kabalo siya kung unsa siya ug kabalo siya nga dili sila pwede sa usag usa. Nakatutok lamang sa baye nga naay kaistorya nga nakaila lang, ang wedding designer na si Meriflor. Sa katutok ani, wala niya mabantayi ang iyang cellphone nga ganiha ra nagtingog-tingog. Pero nilabay ang pila ka minuto, naay niduol sa iyaha nga baye ug nilingkod sa tapad nga lingkuran sa counter bar.

"Christian, gaayu baya siguro ka nga mahimo kang abo noh?" suko nga pagkahunghong ni Dae kay Christian. Napatindog gud si Christian sa kakuyaw niya nganung naabot si Dae sa reception. "Nganung naabot man ka diri, Dae" pangutana niya. "Ay, what is. Unsa? Tawo ko?" Nagpalingo-lingo na lang si Christian sa tubag niini. "Nganu man Dae?" ug nilingkod siya pagbalik.

"Niabot na si Mr. Kevin, ug pila na lang kaminuto magsugod na ang event party." Ingon pod ni Dae kay Christian. "Hala patay, ay oh. Karon man diay muabot si Mr. Kevin! Ahak man ni ui." Ana pa si Christian. Lantaw-lantaw pod si Dae sa lugar nga saba kay kusog ang sounds ug naa sa stage ang sikat nga reporter nga karon kay nagsayaw na ug budots. "Nag-unsa gud ka diri?" pangutana pod ni Dae. Nitindog na lang si Christian ug gitapik ug niingon. "Wala ui, nalingaw lang kog lantaw aning mga nagbudots samot na tung tigulanga to" ingon ni Chrsitian dungan ug tudlo sa giingon nga tigulang na si Rash nga nagsayaw gyud hinoon ug budots nga bisan gakurog-kurog na ang tiil kauban ni Mabuloc. "Hala ui, kahadlok ba ani nila" nakaingon na lang si Dae ug nilakaw na silang duha nga nagduro ug katawa.