Baryong Fil-Fil

Chapter 11

Chapter 11: The Royal Vampires

"Pangga, unsa man ang nahitabo dira? Murag dira man gikan tung kusog kaayo nga boto. Dungog abot diri sa municipyo. Nabalaka sab ko kay unyag dili na maayo ang nahitabo sa inyo, samot na sa imo pangga, okay ra ka?" Pangutana dayon ni Patrick pagtubag ni Nicole sa tawag gikan sa bana. "Pangga, ambot lang naunsa na gyud ni diri. Naay may nakasulod nga tawo ug karon nagwarshock didto sa gawas. Naa na diri ang atuang silingan sa sulod ug... HALA!" Nakuratan na lang si Nicole kay habang gaistorya sila ni Patrick kay nilili siya gawas sa ilahang bintana kay unyag aha na tu napadulong tung nitrespassing ug diay tu nakasulod na sa balay. Pero sa paglili niya, nakit-an na lang niya si Rotsen nga naa sa may bulakan ug unsa ang iyang gihimo?

Nagcellphone! Unsay gibuhat sa cellphone? Nagmobile Legends! Nganung wala kadungog sa nahitabo? Full volume ang headset! Ug mao nang hangtud karun wala gihapun siyay kalibutan sa nahitabo sa iyang palibot. Si Rotsen kay nagedad ug otso, kaedad ra nila Neca, ang katung batang laki nga niduol kay Karyat para icomfort siya sa pagkawala ni Hamal.

"Aguy, ning bataa ni" Ingon na lang sa tiguwang nga si Rash nga gakurog-kurog pa ang tingog. "Kinsa may munaog didto para kwaon si Rotsen?" Pangutana intawun ni Lola Lyka pero walay nitingog ug nagtutok lang sa iyaha ang tanang silingan. Si Karyat nga nilili pod ug nilantaw kay Rotsen, nakahuna-huna nga mao na daw tung orasa para ipractis niya ang paghimong hero daw niya para kay Hamal. Mao tong dali-dali dayon siyag naog sa mansion ug nigawas para adtuon si Rotsen. Gipugngan pa siya sa iyang mga silingan pero wala gyud nagpatuo. Huna-huna pa niya, "Mao ra gihapun dili ninyo adtuon si Rotsen kay hadlok mo!"

Nagpanaog pa lang siya, ang mga trespassing pod nagpadulong kay Rotsen kay nakasimhot intawun sa pagkatam-is tam-is nga dugo. Ug si Rotsen, mangambut na lang ta kay nag "Mga GG mn ning akong mga kauban ui!" dayun pagkataod-taod, "Gadala ra mn nig lag ning si **** ui!"

Wala mabantayi, ang mga trespassing, naa na sa likod ni Rotsen. Murag naintriga pod si Exshan aning gidula ni Rotsen ug nilantaw usa sa dula. "Unsa man ning dulaa?" Pangutana ni Exshan sa kauban aning si Junmar nga nagtutok pod hinoon sa dula kay nalingaw kini sa pagkamaayo nga pagkadula ni Rotsen sa ML. Nakapanlingo-lingo gud ni siya, "Lahi ra gyud ning mga bata karon" Ingon pa ni Junmar sa iyang kaugalingon. "Mao ning sikat nga mobile game karon, boss. Ang Mobile Legends." Ingon pod ani ug niambak pa kini kay nadaog si Rotsen sa gidula. Nakapa"wow" na lang pod si Exshan pagkakita sa "VICTORY!" Iya na untang kuhiton si Rotsen pero dali-dali dayun og harang si Karen nga isog pa kaayo ug nilantawan kay Exshan.

"Pahawa na. Kay niabot na ko! Si Karyat Poh, to the rescue!" Confident nga ingon ni Karen kay Exshan. Nakadungog ang tanan hasta ang mga silingan nga karon, gipangkulbaan na ug ayo. Nawala na gali si Hamal, hasta na pod ba si Karyat? Murag nakamatikod si Rotsen sa saba sa iyang likod mao tung nilingi siya. Ug didto, nakuratan na lang siya kay nakit-an na lang niya ang likod sa iyahang future! Iya na dayong gitangtang ang headset nga iyang suot ug napatindog. Ug karon pa intawun niya nhibal-an ang nahitabo sa iyang palibot. Nakuyawan pa siya sa mga nangaguba na nga mga gamit sa gawas sa mansion ug naa nay gaaso-aso sa likod sa mga tag-as nga mga kahoy ug naa pay sunog nga nahitabo didto. Naglibog na siya kung unsa na gyud ang nahitabo.

Nakulbaan na lang pod si Rotsen pagkakita niya sa usa ka tawo nga naa sa atubangan karon ni Karyat nga nakapormal pa ug sanina. 'Mga yakuza?' huna-huna pa ni Rotsen. Nikalit lang ni ug paduol kay Karyat ug gigunitan ang suwang pataas para maklaro niya ang nawong sa bata pero ningisi lang kini ug niingon, "Kwaa ninyo kining bataa, kay himoon nako siya ug asawa" Ingon pa niini pero kahilom lang ang nitubag sa iyaha. Nakuyawan si Rotsen nga medyo nasuko. Kinsa man siya para himoon ug asawa si Karyat ug bata pa man intawun ni, dili pa pwede mosulod sa mga ing-ana nga relasyon!

"Masusunod po, boss!" Ingon pod dayon sa kauban ni Exshan nga si Junmar ug aksyon na untang kwaon si Karyat nga nakapiyong na lang sa kakulba. "Hoy! Mga gi*t*y nga mga y*wa mo! Pahawa mo karon dayon!" Syaget sa usa ka gamay nga tingog sa likod nilang Rotsen. Ug nikalit na lang na naa nay gagunit sa kamot ni Junmar ug gituok pa kini. Naa pay nitindog sa kiliran ni Karyat ug nakadepensa pa ang uban kay basin ug naa pay molaban sa ilaha.